الموضوع: ايه الي حصل لحديقة الازهر ؟؟؟ ايه القرف ده !

المشاركة الأصلية كتبت بواسطة human12

الصوره ديه فى عيد او موسم

المشاركة الأصلية كتبت بواسطة human12

بتيجى ناس بسيطه كتير من الارياف او من منلطق القاهره و بالنسبه ليهم اللى بيعملوه ده مش عيب او غلط
و الامن مش بيقدر ابدا يسيطر على كل الناس ديه و كمان لو حاولوا هيسمعوا كلام وحش

يومين الناس البسيطه تستمتع بطريقتها فى ظل الظروف القهريه اللى بنعيش فيها فى ظل خكم البرنامج - اعتقد مش عيب
الناس محتاجه متنفس

عمرهم ماشافوا حمام سباحيه و فيه منهم عمره ماشاف بانيو اصلا


كمان كتير من دول العالم بيحصل فيه كده و ماحدش بيقول عليهم قرف

المختلف بس طريقه لبس و تصرفات بس فى الاخر نفس الفكره

ديه فى london
Telegraph photographers' pictures of the year: Jane Mingay - Telegraph

millennium park in chicago


ديه من باريس
http://www.moet-chandon.co.uk/photos/2005/07/02_fun_in_fountain.jpg

ديه من كاليفورنيا


New York, Washington Square Park


المكسيك


و ديه من سيول



الناس فى كل حته بيستعملوا نفس الطرق للفرحه و اللعب فى المياه

ليه ولاد بلادنا نقول عليهم قرف و نقول ان ده قله نظام

الناس محتاجه تنبسط و المكان موجود عشان كده

رفقا بالسطاء يا عزيزى

human12
انا مختلف مع حضرتك
مش معنى الصور اللى حضرتك عرضها ان دة صح و انا الدول دة مثل و الموضوع يبقى عادى
فى نظام لازم يحترم باى حال من الأحوال
دخلت مكان كويس يبقى لازم تحترم المكان دة و نظامة
اما اللى يحصل الان و الموضوع دة بيضايقنى جدآ لانة بقى منتشر بشكل كبير أنك تدخل مكان علشان تستمتع و تدفع ممكن مبلغ كبير علشان المكان يكون كويس و تلاقى واحد قاعد فى المكان لا ينتمى للمكان باى شكل من الاشكال و مش بس كدة بيفرض سلوكة السيىء و اخلاقة اللى هى زى الذفت على المكان كلة و يبقى فاكر ان دة روشنة


اكيد حضرتك لو واخد اسرتك و روحت مكان علشان تستمتع و لقيت كدة اكيد من هتكون مبسوط


كل مكان لية نظام لازم يحترم و حرية الناس لازم ماتتعداش حرية الاخرين و تنكد عليهم

السلام عليكم
حاجه تكسف انا اخر مره رحتها كانت من سنه وكانت نظيف لسه
طب والاجابن راحوا فين ؟؟؟
طبع سعر التذكره اختلف الان
التذكره عادى 7
التذكره بحمام السباحه 14 جنية
ههههههههههههههههههههه

بهدوء ياجماعه الحديقه مازالت نضيفه وزي الفل
المنظر ده بيحصل في الاعياد ....لان الحديقه بتفتح ابوابها لسكان المنطقه اللي حوالين الحديقه مجانا
كنوع من رفع المعاناه وانهم يلاقو مكان ببلاش ونظيف
وللاسف مبيقدروش بتوع الامن عليهم.....بيحاولو بس الاعداد كبيره عليهم
ده انا شفت بتاع الامن بيجري وراء العيال اللي بيقفو عند النافوره الكبيره في المدخل وبيحاول يبعدهم عن الميه لكن هيهات
العيال خدوها لعبه هما واهاليهم......
بس شهاده حق انهم القاثمين علي الحديقه دائما بيحافظو عليها نظيفه وزي الفل حتي في الزحمه
وياسيدي ابقو ابعدو في الاعياد عن الحديقه وروحو في الاوقات العاديه ....حتي تبقي رايقه وحلوه

هى مرة واحدة رحت حديقة الازهر علشان اشوفها و هى اخر مرة .

يعنى بدل ما الحكومة تشيل العشوائيات و تتطورها رايحة تعمل حديقة بملايين !

يعنى انا ابقي قاعد فى الحديقة فى مكان جميل و منظر طبيعى جيد و ابص قدامى الاقى عشوائيات !!

يعنى قمة التحضر x قمة التخلف فى وقت واحد .

المشاركة الأصلية كتبت بواسطة emo_ayman

ما هو نفس السبب ده وللاسف هاقول عليها جهل بعض الناس بتاريخ واهمية المكان اللى خلى وزارة السياحة تمنع دخول المصريين منطقة الاهرامات فى العيد الصغير والكبير.ما هو مش معقول ابقى ماشى مع اجنبى وعمال اقوله حضارة-اصالة-تاريخ ويبص يلاقى شاى بيترمى على الارض وناس فارشة ونايمة عند الهرم الكبير وحلتين محشى ويا سلام لو شم النسيم وشوية فسيخ حلوين بيتقطعوا ويترموا على الارض ونودى الليمون فين ارمى يا واد هنا جنبك وخلاص.

والواد ريحته كلها بصل وفسيخ وواقف امام الاجنبى اكنه شايف تمثال معجب اوى بيه وممكن صورة يا عمو.

ويا سلام على الشباب اللى بيحاول يمارس اللغة فيبدا يشتم,ما هو اصل الانجليزى مفهيوش غير شتايم والافلام والاغانى الاجنبى كلها شتايم بس

مش عارف امتى بعضنا هيتعلم ونعلم اولادنا احترام الاماكن الاثرية .

متفق معاك تــــماما .

المشاركة الأصلية كتبت بواسطة sarawe511

استاذ كريم عيزك تروح حديقة الازهر ف اي يوم صباحا اثناء فترة الدراسة و اتفرج علي المسخرة بجد و قلة الادب( بتبقي مليانة كبلز و اخر قلة ادب )

انا لما جيت اروح الناس قالت لى روح بالليل علشان متشوفش العالم الزفت بتوع المدارس و قلة الادب دى .

رحت الساعة 10 بالليل لاقيت الوضع اسوا من الصبح و تقريبا كل ما الليل يدخل كل ما الناس تتمادى فى قلة الادب لا و كمان محدش بيهمه حد .

و ده منظر واحد من المناظر اللى بتطل عليها الحديقة الساحرة ..


يعنى شفت قلة ادب و عشوائيات و روحت