السلام عليكم ورحمة الله,
أنا رحت المرور امبارح 26-7-2015 وسألت المهندس:
عندى عربية فيات 126 (لسه هشتريها) وساكن فى المقطم والعربية ضعيفة جداً .... فممكن أغير الموتور بواحد cc أكبر؟
رد وقال روح لكبير المهندسين فى الدراسة وهو يفيدك لأن فى قرارات جديدة نزلت وأنا ممكن أكون معلوماتى مش سليمة.
نزلت على المهندس محمد فؤاد كبير المهندسين فى حجرته والراجل كان رده جمله واحدة فقط .
أى موتور ينفع يركب على قواعد الموتور القديم.
ورديت بكذا سؤال:
1- أى cc
2- أى نوع
3- عادى أو أتوماتيك
وكان رده نفس الجمله :
أى موتور ينفع يركب على قواعد الموتور القديم اللى على مزاجك.
ورديت وقلت طب لو الموتور الجديد محتاج تعديل أو تحريك القاعدة من مكانها سنة كده أو كده. فرد وقال :
أى موتور ينفع يركب على قواعد الموتور القديم وأى تحريك أو تعديل فى السيارة لا يجوز.
أتمنى أكون ريحت الناس من الكلام الكتير بشأن مواتير السيارات والتسقيط ....
أى حاجة تانية غير الشرط الوحيد ده تبقى من تحت الترابيزة وده رأيى بناء على تحليلى ...
المفضلات