مش كل الفئات الفرامل الخلفية طنابير
منهم في ديسكات حسب الفئة
عرض للطباعة
بصراحه انا كنت بحبها قوى - بس حصل حادئه لحد اعرفه بيها بعد شهر و نص من تاريخ الشراء - اتقلبت فى ملف على طريق سريع
واللى سايقها كان سواق مخضرم - الحادثه سببها مجهول - مره يقولو الكاوتش ضرب و مره يقولو السرعه كانت شديده - مع انه بيقول انه كان ماشى 100 بس انا مش مصدق - المهم مش كرهى ليها من الحادئه - كرهى ليها من بعد الحادثه واللى حصل لصديقى - بجد كانت عربيه وشها زى الزفت على حياته كلها
دى حاله فرديه و مش جماعيه بس حبيت اقول ليه انا دلوقتى مش حاببها بصراحه و بكل حياديه
العربيه دى اول ما نزلت لحد ما اشتراها كنت بموت بمووووت فيها - بس كده خلاص نفسى قفلت منها للاخر
مفى عربيات منتشره كتيره يا دكتور
وبتتهاجم كمان
لكن سؤالى ليه بتتهاجم بحاجات مش فيها دى بيتألفلها!!
ههههههه
لا يا خالد أنت فى أمان كدا :)))
طيب حضرتك تفسر الى بيحصل بأيه؟
يعنى لو مش كره أيه الى يخلى واحد يجهد ذهنه فى تأليف عيوب لعربيه
حضرتك تسميه أيه
شاركنا بتصورك
:ma:
يعنى الاشاعات دى كانت فى بدايه موجه لمهاجمه
أحنا فى مرحله تانيه الان
أولا شكرا على كلام حضرتك ودا شرف ليا
رأيي فى العربيه معروف وتجربتى معها كتبته فى موضوع طويل أعتذر عن وضع لينك ليه لأن دا يعتبر ترويج لموضوعى :)
بخصوص العربيه عاجبانى أسبنى من الناس
منا لما اسيب الكلام التأليف عنها وأنا أدرى باحقيقه أبقى شاركت فى التضليل
وصدقت على التأليف
وجربت كتير لكن فشلت
ولاتوجد إطاله ولا حاجه ونورت :)
طيب بردو محتاج أراكم وتصوراتكم
ليه تفتكر بيكرهوا السيراتو؟
الى أنت بتحبها :)
وجهه نظر وأنا قلت كدا لكن بشكل تانى
يعنى عنده سبب لكن غير معلن
أنا بحترم تجربتك جدا
وشايف دا سبب كافى لعدم تقبلك للعربيه
لكن سؤالى ليك
هل هذا السبب الوجيه جدا جدا
قد يدفعك أنك تألف عن العربيه عيب مش فيها أى كان
وتقوله لواحد محتار بين العربيه وعربيه تانيه
يعنى أنت نفسك عمرك مهتجيبها وليك سبب وجيه
لكن ممكن تنقل رغبتك فى عدم شرائها لشخص آخر لكن بتبرير من تأليفك؟
هو انا قولتلك انى بألف عليها حاجة؟؟
انا بقولك مابقتش احبها نفسى قفلت منها - بسسسس
يعنى الاشاعات دى كانت فى بدايه موجه لمهاجمه
أحنا فى مرحله تانيه الان
ايوا الأشاعات كافيه انها تكره بلاش تكره تزعل فئه من الناس فيها , لما بيكتشف العكس بيندم انوا مشتراش
متشغلش نفسك بالحكايه دى أى حد أو حاجه ناجحه فى مصر أعداء النجاح لازم يحدفوها بالطوب نفسنه مش اكتر .
فى عربيات كتير انا مش مقتنع بيها - بس لما بلاقى حد حابب يجيبها - لك حريه الاختيار - انا مالى انا هو انا اللى هاركبها ؟؟
لاازم بس فى الاول نحدد هل ده الطبيعى اللى موجود فى الشارع ولا الكره هنا فى المنتدى بس
لانى اكتر من مرة الاحظ ان فى كتير بيقولو فيما معناه اننا مش بنحب العربية بسبب ملاكها
لانهم طالعين فيها اووووووى ( يعنى احنا مغرورين )
وفى ناس مش مستوعبه الفكرة ازاى بالسهولة دى وفى الفترة البسيطة دى تاكل السوق اكل وده
برضه راى باقى التوكيلات وبيكون رد الفعل عدم تصديق للفكرة نفسها يعنى ازاى كل الامكانيات دىوالاوبشن ده يكون بالسعر ده لالالالا ده اكيد فى حاجه غلط .
وده راجع لمفهوم الشعب المصرى عموما اننا اخدنا ان مافيش حاجه حلوه عندنا ابدا كل حاجه لاازم تكون وحشه علشان كده لما نشوف حاجه حلوه نكون مستغربين ولاازم نشكك فيها ونطلع فيها القطط لفطسانة ....
وده اللى بحصل مع السيراتو بالظبط عدم تصديق فكرة انها عربية حلوة لانهم مش
متعودين يشوفو عربية بالامكانيات دى والاوبشن ده تكون بالسعر ده .
وعلشان كده بينطبق عليها مثل ( العجل وقع هاتو السكينة ) منتظرين اى حاجه تثبت وجه نظرهم
ولما ميلقوش حاجه بتبدى بقى التخيل ويصبح التخيل واقع والواقع يصبح حقيقة والحقيقة تصبح
ان السيراتو كيداهم
من غير زعل ,,,
يمكن بسببكم ,,,,
يمكن عشان لما بتيجى سيرتها فى اى مقارنه مع اى عربيه ( سواء أعلى أو أقل ).....
مبيتقالش غير كلمه واحده السيراتو تكتسح ,,,
يمكن بسبب أسلوب بعض الملاك مع أى واحد معارضهم فى الرأى ,,,,
يمكن بسبب المواضيع المستفزه من بعض الملاك ,,,,
يمكن يمكن ............حاجات كتير جدا" ,,,
ومعظم الحاجات دى واضحه فى موضوع البشمهندس غازى ,,,
أنا عارف ان حضرتك بتكره اللانسر بومه ,,,يمكن لنفس السبب الناس بتكره السيراتو ,,,,
فى النهايه ,,,
أنا لا بحبها ولا بكرها ( نفس الكلام ينطبق على العربيه اللى معايا ) بس بحس بمبالغه رهيبه احيانا" وعدم الموضوعيه والتحيز ...