الموضوع: هو الناس بتكره السيراتو ليه؟

السلام عليكم

أنا أخترت فعل الكره لأنه الانسب
لأنك لو أحساسك متعادل لا بتحب ولا بتكره هتتكلم بموضوعيه متناهيه
ودا المفروض يكون حال غير الملاك وغير الكارهين للسيراتو
أنهم يكونوا متعادلين فى أحاسيسهم ويحكموا بدقه
لكن لما يبقى فيه كره يظهر الى أحنا بنشوفه
كان زمان فى عيوب فى المقص والعربيه بتتقلب على 50 والى بتتحرق وهى واقفه
ولما الكلام هدى أو أصبح مبيجبش همه
ظهرت الخامات الرديئه عدم الاعتماديه أنك لو عايز عربيه تعيش معاك ومش ناوى تغير أصرف نظر عن السيراتو
المتور الضعيف والعفشه الى وضعت بدون تصميم
عدم الثبات وضعف الفرامل
الشكل الجميل خارجيا لكن الفاضى جوهريا
الفلوس الى راحت فى الارض لما أشتريت السيراتو......
مبتكلمش فى المهاجمه لأن دى مش أول ولا أخر مره العربيه هتتهاجم دا أصبح قدرها
إنما سؤالى ليه الكره دا؟
دا بجد أسمه كره وملوش تعريف تانى
هو البنى آدم كدا لما يكره حد أو شىء يحاول يظهر عيوب مش موجوده فيه
ولما يتكلم عنه يقلل منه
ولما تيجي سيرته يكلبش ويسيب الموضوع الاساسى ويتكلم عنه وعن عيوبه
ودا الى حاصل مع السيراتو
حتى لو مش فى المقارنه لكن لو جت سيرتها فى الموضوع
تلاقى أقتباس لسيرتها ونتكلم على السيراتو وعيوبها
طيب الكلام لو على عيوب موجوده أعتقد كنت هتكسف على دمى ومش هتكلم
وأروح أدارى خبتى
أنما التأليف ناتج الكره الشديد ده سببه أيه؟؟؟
ليه بتكرهوا السيراتو؟ أيه السبب؟
هيقولك "بتشعروا فيها زى المرسيدس"
مش عارف بيجيوا الكلام دا منين لأنه عمره محصل
ومليون مره قلنا عيوبها قبل مميزتها
يبقى أسمه أيه لما تسيب عيوب العربيه الى قايلنها ناس ركبوا العربيه وعايشوها فى شتى الظروف
وتطلق لفكرك العنان وتتخيل عيوب وتحلم بيها وتصدقها ومش بس كدا لا وكمان تروج لها وتجعل منها حقيقه
دا أسمه أيه؟
أيه الى ممكن يخلى واحد مالك لأى عربيه قاعد فى بتهم قدام الكمبيوتر بتاعه متضايق من السيراتو لدرجه أنه يشنع عليها
عملتله أيه؟؟؟
أنا بتكلم بجد مش بهزر
يعنى هل زعل لما أشترى عربيه ولقى المعظم بيشتروا عربيه تانيه...غيره مثلاً
أو هو من الاساس مش مقنع بيها..وجهه نظره كدا
لكن لما لقى فى ناس كتير جابوها ومقتنعين أصبحت وجهه نظره مش باينه وسط الاغلبيه فعوضها بالتأليف وهو كدا أكيد هيتسمع بقى!
أنا عايز نتخطى مرحه الهزار فى الموضوع دا ونفهم عقليه الناس دى بموضوعيه
أيه العله الرئيسيه أنهم مش بس بيهاجموا السيراتو لا بيألفوا عليها
فلو أى حد عنده تفسير للكره الطاغى دا للسيراتو يا ريت يشاركنا تصوره
وطبعا الموضوع مفتوح للجميع
وللمهاجمين أقول:
هل تملك الشجاعه أنك تقلونا بتكره السيراتو ليه بس بالسبب الحقيقى وتبقى شجاع ولو لمرة؟؟