الموضوع: هو الناس بتكره السيراتو ليه؟

المشاركة الأصلية كتبت بواسطة m.osman

انا بحب الهاتشباك اكتر و اكتر

:ob_mak1[1]:

على فكره فى ناس كتير مستنياها تنزل ويشوفوا نظامها أيه
وأنا كمان معجب بيها على فكره

المشاركة الأصلية كتبت بواسطة m.osman

طب و هو السيراتو هاتشباك هي نهاية الــcee'd ولا دي حاجة و دي حاجة ... ؟؟

بيني و بينك السييد برضه حلوة

لأ السيد حاجة تانية بس برضو 1.6 سي سي

المشاركة الأصلية كتبت بواسطة semsem kane

اشمعنا السيراتو اللى الناس هتشتم فيها ولية اصلا يشتموا فيها او يقولوا عيوب مش فيها

الموضوع كلة يتلخص ان زى اى عربية فيها مميزات وعيوب لان مافيش عربية كاملة

بس اللى مخلى الناس بتطلع عليها اخطاء بالجملة كدة , ودة رأى الشخصى كثرة اعداد السيارة فى الشوارع المصرية دية بقت اكتر من ال128 اللى هية سيارة مصر الاكثر انتشارا وطبعا العربية بتنتشر اكيد بيحصل اخطاء مختلفة فى كل سيارة عادى يعنى فكل واحد يطلع بعيب ولو جينا نتكلم بالعقل والمنطق هنلاقى اكثر العيوب اللى الناس اجمعوا عليها حتى من الملاك

1: نشوفية العفشة وخلت ناس كتير تتراجع عن الشراء بسبب الموضوع دة (اللى بيهم الراحة عن اى حاجة تانى )
2: استهلاك بنزين عالى عن اى عربية 1600
3: الصاج الضعيف

دية اكتر عيوب مجتمعة فى جميع سيارات السيراتو

مميزاتها بقى وبردة من وجهة نظرى :

1: شكل لافت بس مابقتش زى الاول بسبب كثرة الانتشار يعنى انت لو قدامك فيرارى اول مرة هتشوفها غير تانى مرة غير تالث مرة غير عاشر مرة الخ هتلاقى بعد كدة ممكن تعدى من قدامك وكأنك شايف موتسيكل

2: شكلها يناسب جميع الفئات عائلى وشبابى وحريمى

3: افضل قيمة فى مقابل السعر مقارنة بمنافسيها (كروز - النترا )

4: ثبات جيد جدا لحد 140/150 وماعتقدش فية طريق فى مصر هيستحمل اكتر من كدة ودية سرعة كبيرة وانت مش محتاج بس غير 130 كيلو

5: تكييف جيد جدا بس ماوصلش لمنافسية

6: واسعة تاخد خمسة افراد بدون شكوى

7: شكل تابلوة كويس ومنسق ومنظر عدادات رياضى مش هتكلم على الخامات لاتها تقريبا زى كل الخامات اللى موجودة حاليا فى اى عربية من فئة 80 الف الى 120 الف

8: قطع غيار اعتقد نفس فئتها ولو زادت هتزيد 50 جنية او 100 بالكتير

دية السيراتو كمجمل

كلامك جميل ومنطقي - وده فعلا القيمه مقابل السعر - ده اللي احنا كنا بنقولة - انا مش دافع فيها 150 الف او زياده لكن قدرت اخد كل ماهو موجود في الفئه السعريه دي :)

المشاركة الأصلية كتبت بواسطة atrees

كلامك جميل ومنطقي - وده فعلا القيمه مقابل السعر - ده اللي احنا كنا بنقولة - انا مش دافع فيها 150 الف او زياده لكن قدرت اخد كل ماهو موجود في الفئه السعريه دي :)

يا عتريس ما العيوب اللى اتقالت فوق هى اللى بتوصل العربيه ل 150 و 160 بس نظريا سيراتو احسن من النترا و كروز بكتير و دى ميزه فى رنج السعر ده

المشاركة الأصلية كتبت بواسطة esslynx

يا عتريس ما العيوب اللى اتقالت فوق هى اللى بتوصل العربيه ل 150 و 160 بس نظريا سيراتو احسن من النترا و كروز بكتير و دى ميزه فى رنج السعر ده

متفق معاك - انا دافع 120 الف جنيه في عربيه تحقق الغرض مقابل سعرها - يعني ايه

لو انا بدور علي عربيه سريعه ورياضيه حجيب حاجة سبورت وادفع مقابل دة وكذلك لو بدور علي قوه وقدره تحمل عاليه - برضوا حدفع

كل شيئ وليه تمن - يعني لو السيراتو صنعت بجوده خامات وتصنيع البي ام مثلا سعرها لن يكون في الرينج ده وبالتالي حتبقي المفاضل مبنيه علي سمعة العربيه وتاريخها وعوامل تانية زي السوق والذوق

كل اللي حنا بنقوله اننا اشترينا السيراتو كصفقة ناجحة في حدود سعرها ومقارنة بالموجود في السوق تحت نفس الفئة السعرية

مش حنشرح ايه وليه وفين ومقارنة بمين لان دي مقارنة بتختلف حسب الذوق والمطلبات والقدره الماليه يعني عشان نعمل مقارنة صح لازم نثبت العوامل دي عشان الموضوع يبقي صح

خلونا نتفق علي حاجة

سعر السياره = تكلفة انتاجها ( مواد وكماليات ) + تمن الاسم الوضوع عليها كعلامه تجاريه
بدون الخوض في مواضيع الجمارك والطلب والحاجات دي

نلاقي السيراتو تكلفه انتاجها اتحطط لتوفير اساسيات السيارة الامنة والكماليات الوافره علي حساب جودة بعض الخامات وكمان تصميم بعض اجزاء السيارة كالعفشه المتصله وليست المنفصلة (نشوفيه العفشة )


حنلاقي ايه ؟؟؟

عيوب السيراتو تنحصر في عفشة ناشفة مقارنه بزميلاتها
بعض اجزاء السيارة الداخلية ممكن كانت تتصنع بجودة خامات احسن (لكنها مماثلة للاتجاه العام في تصنيع كل سيارات الفئه دي )

بس خلاص - اي عيوب اخري اما من وحي الخيال او بسبب عوارض فرديه

العربية مش فيراري عشان نقول تسارع وثبات
العربية مش هامر عشان نقول قدرة تحمل
العربية مش رولز عشان نقول فخامه

وبكدة يبقي لازم نكون واقعين في المقارنة

يعني نقارن السيراتو بالسيفيك نبقي هبل - مينفعش - اول خطا حيكون الفئه السعرية - وحجاااااات كتير قوي كمان

لكن نقول ايه ؟؟؟

نقارن السيفيك بالسيراتو من منطلق المتطلبات والقدره الشرائية العاقلة ( مش المنظره ) وما اتنازل عنه في اختياري للسيارتين

ساعتها نقدر نقارن

اي عربية ممكن تتقارن بعربية اخري ( لانهم في الاخر وسيلة انتقال خاصة ) وده ثابت

ممكن نقارن سيراتو برولز او فيراري والمعادلة ( انا حدفع ايه مقابل ايه ؟ )



السيراتو صفقه ناجحة بكل المقاييس لقاعدة واسعة جدا من المستهلكين جوه وبره مصر فيهم اللي بيفهم في العربيات وفيهم اللي مبيفهمش

يعني اللي بيفهم عندو سبب لشرائها واللي مبيفهمش برضوا عندو سبب


صدقني - لو السيراتو كانت ب 140000 كنت حتلاقيها منتشره جدا لانها فعلا في الاجمال تساوي هذة القيمه في سوق مصر لكن كيا عرفت تحطها بسعر منافس عشان تاكل السوق بلا منازع

معاك يا سمسم فى كل الى قلته
بس مختلف معاك فى جزئية الصاج بس
وأنا ربنا أراد أنى أجرب الموضوع دا والعربيه أتخبطت 3 مرات فى نفس المكان
تعالى شفها يا سمسم والله تستعجب
العربيه ما شاء الله جامده جدا من ناحيه الصاج
يعنى هو ليت وفلكسابل جدا
بقيت العيوب معاك فيها طبعا