الموضوع: (هام للمقبلين على شراء سياره مستعمله او جديده) هساعدك فى الاختيار

السلام عليكم جميعا
الى كل من يرغب فى شراء سياره جديده او مستعمله
لا داعى للتشتيت والاخذ باراء ناس ااخرين بظروف واحتياجات مختلفه عنك
احتياجاتك هى التى تحدد الانسب لك
ان شاء الله اقدر اساعدك جدا
جاوب على الاسئله التاليه وان شاء الله هاقوللك ايه انسب 3 عربيات لك وايه مميزاتهم المتوفره وايه لا ولك حرية الاختيار


1- السعر : من ... الى...
2- زيرو او مستعمل موديل من عام ... الى عام...
3- ماذا تفضل : ثبات او راحه
4- ماذا تفضل : رفاهيه او اعتماديه
5- ماذا تفضل : تسارع او استهلاك وقود
6- الشكل عامل اساسى : نعم او لا
7- اعادة البيع عامل اساسى او لا
8- اسلوب القياده : هادئ او عنيف / رياضى او مقتصد
9- الوسع الداخلى عامل اساسى : نعم او لا
10- سواق كويس ولا لا : ( من حيث الحوادث والحفاظ على السياره مش الغرز وكده)
11- الكماليات : عامل اساسى او لا ( وما هى الكماليات الاساسيه بالنسبه لك)
12- مانويل ولا اوتوماتيك ولا لايهم وتميل الى ....
13- هل تميل الى سيارات معينه (بالاسم او بلد المنشأ)
14- هل تريد سياره رياضيه او عائليه ؟؟؟
15- اذكر اى معلومات اضافيه هامه ان وجدت




ملحوظه :
رأيى مجرد رأى انسان بسيط يملك من الخبره مايكفى لتحمل مسئولية النصيحه فى هذا الامر
خبرتى المتواضعه مكتسبة من تجارب الناس المحيطه لى ومن قراءتى عبر الانترنت
والقرار الاخير لك وانصحكم بالاستخاره قبل اى شىء

بشكرك على مبادرتك وربنا يعينك بجد

المشاركة الأصلية كتبت بواسطة nourhasan2002

1- السعر : من 50 الى75...
2- زيرو
3- افضل : ثبات و راحه
4- افضل : اعتماديه
5- ا فضل : استهلاك وقود
6- الشكل عامل اساسى : لا
7- اعادة البيع عامل اساسى
8- اسلوب القياده : عنيف
9- الوسع الداخلى عامل اساسى : نعم
10- سواق كويس : ( من حيث الحوادث والحفاظ على السياره مش الغرز وكده)
11- الكماليات : عامل اساسى ( وما هى الكماليات الاساسيه بالنسبه لك التكييف السنتر السي دي الأنذار )
12- مانويل ولا اوتوماتيك لايهم وتميل الى مانويال نظرا لفئة السعر عاليه
13- هل تميل الى سيارات معينه (بالاسم او بلد المنشأ)لوجان افيو و سكودا
14- اريد سياره عائليه
15
- اذكر اى معلومات اضافيه هامه ان وجدت


هل من الممكن تقيم افيو و اللوجان و احتمال ظهور عيوب صناعه

بلاااااش افيو خاااالص : مشاكلها كتير جدا ومحركها ضعيف نسبيا وعفشتها فيها مشاكل خفيفه
اللوجان : عربيه عائليه جيده ولكن محرك غير رياضى خالص وتقفيل متواضع اقل من الافيو ولكن اساسيات ممتازه ورينو

ممكن تشوف نيو اكسينت : احسن بكتيييير من الاتنين دول

الموضوع ده كويس قوي و ده الكلام الصح اللي المفروض يتعمل

ممتاز

ارجو تثبيت هذه النقاط من الادارة - زي استمارة البيع كدا- و مشاركة الاعضاء اصحاب الخبرة

و ذلك لمساعدة من يرغب في الشراء

المشاركة الأصلية كتبت بواسطة normal

بشكرك على مبادرتك وربنا يعينك بجد

الف شكر

المشاركة الأصلية كتبت بواسطة zizo18000

الموضوع ده كويس قوي و ده الكلام الصح اللي المفروض يتعمل

الف شكر على ردك

المشاركة الأصلية كتبت بواسطة د.اشرف هنداوى

ممتاز

ارجو تثبيت هذه النقاط من الادارة - زي استمارة البيع كدا- و مشاركة الاعضاء اصحاب الخبرة

و ذلك لمساعدة من يرغب في الشراء

فكره جميله يا دكتور اشرف وتسمى استمارة اختيار الانسب
كما يمكن للاعضاء اقتراح اى نقاط اخرى تفيد فى الاختيار وايضا الرد على الاعضاء الاخرين (يعنى الموضوع مش حكر ليا الموضوع هدفه الافاده فقط)

شكرا للكل ومنتظر الاعضاء المقبلين على الشراء ان شاء الله

أهو ده اللي بيحيرنا لما تلاقي حد عاوز المشورة أو مقارنة بين كذا عربية...
ربنا يكرمك و يجعله في ميزان حسناتك..
في رعاية الله...

المشاركة الأصلية كتبت بواسطة denden

شكرا لحضرتك علي الموضوع ده لانك به هتساعد ناس كتير به .... انا بنت و لسه متعلمة سواقة جديد يعني مجبتش عربية قبل كدة و عايزه اجيب عربية زيرو لا تزيد عن 100 الف و انا عارفه طبعا ان ده مبلغ كبير بنسبة لمبتدئة بس ده راي العيله يعني لاني هاجيبها اتوماتيك و كمان هما بيقولوا احنا مش بنجيب عربية كل يوم و متطلباتي في العربية انها سهله في القياده بمعني ان ابعادها تبقي واضحه ,, و يكون ثباتها كويس اوي ,, تكون هاتشباك ,, و مش مهم عندي سعر اعادة البيع ,, انا بفكر في الفيات ايفو بس خايفة ملاقيش قطع غيارها,,,فياريت حضرتك تقوللي علي نصيحتك و انا اسفة انا عارفة ان طلباتي كتير في العربية ....

اهلا بحضرتك ويسعدنى انك تكزنى اول واحده تحتاج لرأيى
مبدئيا بلاش خالص الفيات لانك لسه متعلمه يعنى احتمال احتياج قطع الغيار سواء الاستهلاكيه او الخارجيه موجود جدا
وبكده هاتكزن ازمه بالنسبه ليكى

العربيات اللى متناسقه مع متطلباتك هى
1- هيونداى جيتز : 80900 اعلى فئه فى الكماليات اوتوماتيك
ودى مميزاتها بالنسبه لكى هم توافر المتطلبات الاتيه
* قطع غيار متوفره ورخيصه
* سهله فى القياده ابعادها سهله جدا
* ثباتها معقول جدا تحت 140
* هاتش باك

2- بروتون جين تو : 91900 اعلى فئه اوتو
التطلبات المتوفره
* قطع غيار معقوله لكن اعلى من الجيتز
* ثبات خرافى حتى سرعة 200
* ليفت باك : يعنى شنطه اوسع وهاتش باك
* كماليات كتييييير جدا

3- هيونداى ااى ثيرتى (i30) : سعرها 109900 وده العيب الوحيد اول فئه اوتو
وكل طلباتك متوفره بها


هى دى الاختيارات المتاحه قدامك فى سوق الهاتش باك الزيرو ويكون متوافق مع متطلباتك
ونصيحتى ليكى خليكى فى الجيتز لانك لسه متعلمه ودى ابعادها سهله جدا وكمان قطع غيارها رخيصه
وناعمه فى السواقه اوى
وانا تحت امرك فى اى سؤال ااخر