الموضوع: اسئلة صيانة

المشاركة الأصلية كتبت بواسطة ger

انا معايا لوجان 2010 فول اوبشن انا ماشى 1600 كم
الف مبروك وربنا يباركلك فيها ويعطيك خيرها ويكفيك شرها

الرفرف اللى قدام عندى فى خبطة دخلت حته فيه لجوه دى ممكن لو رحت التوكيل هيعملوها بكام وهتترد بس ولا هيعملو ايه

ردها برة احسن عند سمكرى كويس ومش محتاجة توكيل
وتترد فى التوكيل عادى والسعر بيكون تقديرى للمهندس بتاع الهياكل وممكن تترد ويقولك ما ينفعش على البارد ولازم على السخن وتترش
ثانيا بسمع صوت خربطة فى الازاز اللى عندى ورا طول ما انا ماشى ده لو خلتهم يعملوه هيعملوا فيه ايه بالبظبط

ممكن تكون مكنة الزجاج مفكوكة شوية يربطوها ومش حتسمع الصوت تانى بس دة فى اسوأ الظروف لا تقلق
اهم حاجة اتأكد ان مافيش حاجة بتخبط فى الباب او حاجة لازقة فى الجنط ... ممكن الصوت مايكنش من الزجاج
فى حاجة كمان ... فين المكان اللى بيعشق فيه الباب فى اللسان .. رش شوية wd40 فى المكان دة ممكن يكون شوية تراب هم العاملين الصوت

ثالثا طاسة الجنط طلعت حته فيها لبره دى هيعرفوا يظبطوها ولا ايه

انا مش فاهم اوى بس لو قصدك انها طالعة من الجنط فا انت ممكن تخبط عليها بايدك تثبتها فى الجنط ويستحسن تجيبلها حزام
لكن لو قصدك ان فى حتة مقطوعة او مكسورة او محكوكة فا دى ما يتعملش فيها حاجة غير تغيير الطاسة

رابعا انا عايز اعرف ضغط الكاوتش المفروض يبقى على كام

الطبيعى بتاع العربية 29 امامى و32 خلفى
انا عن نفسى بظبط كله 30

خامسا عايز اعرف اخر السرعات المفروض كام لكل غيار

سرعات الغيارات طبيعية زى اى عربية 1600
النقلة التانية .... الطبيعى من النقلة الاولى للتانية على سرعة 15 ..... اقصى سرعة 70
النقلة التالتة ... الطبيعى من التانية للتالتة على سرعة 40 ... اقصى سرعة للنقلة 100
النقلة الرابعة ... الطبيعى من الثالثة للرابعة على سرعة 60 ... اقصى سرعة 120
النقلة الخامسة ... الطبيعى من الرابعة للخامسة على سرعة 80 ... اقصى سرعة مفتوح وحسب حالة الطريق ونظريا 175 وعمليا 200 ك/س
...................................
القيادة الهادية والطبيعية بتقلل فى استهلاك البنزين واكثر امانا وطبعا مافيش مانع من حين واخر تحرق على الغيارات

تترد على البارد عادى
بس روح لسمكرى كويس
عشان لو سمكرى اي كلام هيعورهالك يعنى هيشيل البويه من الدق على الصاج
وطبعآ هتتمعجن ويقولك اتفضل رش الرفرف بقى
انا اتخبطت من يومين فى الرفرف الخلفى
تعتبر اول خبطه فى العربيه عمومآ
واحد ربنا يسامحه كان راجع بضهره خبطهالى من عند الحز كده فى الرفرف
روحت لسمكرى معرفه عدلهالى على البارد وبقت زي ما كانت .. مستره
والحمد لله قدر الله وما شاء فعل

المشاركة الأصلية كتبت بواسطة ringoo

سرعات الغيارات طبيعية زى اى عربية 1600
النقلة التانية .... الطبيعى من النقلة الاولى للتانية على سرعة 15 ..... اقصى سرعة 70
النقلة التالتة ... الطبيعى من التانية للتالتة على سرعة 40 ... اقصى سرعة للنقلة 100
النقلة الرابعة ... الطبيعى من الثالثة للرابعة على سرعة 60 ... اقصى سرعة 120
النقلة الخامسة ... الطبيعى من الرابعة للخامسة على سرعة 80 ... اقصى سرعة مفتوح وحسب حالة الطريق ونظريا 175 وعمليا 200 ك/س

انا بتكسر الأرقام ديه كلها عندى !!!

المشاركة الأصلية كتبت بواسطة mohamed1979

يا عم المفترى وواحده واحده علينا
عايزين نطلع نشد مع بعض فى مره :ma:

لأ بجد التانى مش فاكر قوى بس كان 80 حاجة و80
والتالت 125 متهيقلى والرابع 140 يا 150 هتأكد وهقول والخامس لسه معدتش بيه ال 190

المشاركة الأصلية كتبت بواسطة ger

بس ده مايطلعش من الضمان

وليه يطلع من الضمان اصلآ
مدام مجتش ناحيه ميكانيكا العربيه ولا الكهربا
ده صاج اترد
يبقى لو على كده بقى اي عربيه تتخبط تطلع من الضمان !