الموضوع: استفسار عن فتيس البومة الاتوماتيك 1600

دلوقتى يا جماعه انا محتار فى الفتيس الاتوماتيك 1600 سوبر اكشن ناس تقول لا تستخدم الدى اس وناس تقول استخدمه وناس بتخوفنى وتقولى لا تستخدمه تحت سرعه 80 وناس تانية تقول المفروض يستخدم فوق سرعه ال 80؟ ايه الصح
وناس بتقول لازم تستخدمه منذ البدايه يعنى متنقلش عليه وانا ماشى على الدى هو او ال l يا ريت حد من المختصين يشرحلنا الاستخدام الامثل للفتيس يعنى لو انا بجرى وعاوز اجمع بسرعه للتسارع مثلا وانا على 60 او اقل استخدم الدى اس ولا لاء ولو انا على 80 او اكتر استخدمه ولا لاء والمده اللى استخدمه فيها عاوز اعرف الصح ايه وايه فايدة ال l فى المطالع بس ولا ممكن يكون استخدام تانى وفى الاشارات نجيب المور ولا نخلينا على الدى ... يا ريت الرد من المتخصصين واسف على الاطالة علشان الكل يستفيد...
سؤال تانى انا عندى العربيه عامله 93 الف كيلو اغير زيت الفتيس ولا ازوده رغم انى كشفت عليه لسه شفاف ومكتمل المفروض يتغير كل اد ايه ... وشكرا

والله ياجماعه من كتر الكلام على الفتيس الاتوماتيك بتاع البومه 1600 cvt بقيت خايف اوي وبحاسب عليه اكتر من الاول
بالرغم من العربيه اكتر من ممتازة مش عارف ليه الكلام كتير كده على الفتيس ده
انا اضطريت اغير الزيت فى التوكيل وطبعا ادبست فى صيانه 80 الف وبدون تيل فرامل دفعت 2800 جنيه

الله يسامحكو بوظتوا دماغي بموضوع الفتيس ده