الى ملاك الدبانة e 36عايزين نعمل رابطة

**elfashn** · 04-07-2010 08:56 PM

السلام عليكم انا بصراحة كنت راكب كيا سيفيا وهى فعلا عربية محترمة اوى لحد ماغيرت وبقيت راكب حبيبتى E36 حلم الطفولة . المهم مطولش عليكو ملاك السيفيا كانو عاملين رابطة مسمينها وحوش السيفيا كانو فى الرابطة دى بيتبادلو المعلومات الخاصة بالعربية ومش كدة وبس لآ كمان بيتقابلو لتبادل الخبرات وكل ماهو جديد يخص السيارة. وبالرغم من كل ده انا مكنتش فى الرابطة لآنى مكنتش اعرف حاجة عن الموقع المتميز ده بس عرفت عنهم بعدين. نطت فى دماغى الفكرة ان احنا كمان نعمل رابطة للدبانة الجبارة معشوقة الشباب غير ان الرابطة دى ليها جانب اجتماعى كويس وهو التعارف. انا عايز اقولكو ان اتعرفت على شاب فى سنى عند الكهربائى راكب نفس موديل عربيتى وبقينا اصحاب وبنسال على بعض ولما حد بيغير حاجة فى العربية بيقول للتانى علشان يستفيد من التجربة وطلعنا ساكنين قريب من بعض لدرجة انة فى مره اتقابلنا و بدلنا لسيارات علشان نعرف الفرق مابين الموديل ده فى الاتوماتيك والمانيوال لان عربيتى اتوماتيك وعربيته مانيوال والموضوع اخد جانب اجتماعى اية رأيكو نعمل احنا كمان رابطة مع العلم ان الموديل دة بالذات بحوره واسعة وفيه كتير نقدر نستفيدو من بعض يعنى ممكن نشوف اية التعديلات الجديدة واية المواقف الى العربية اثبتت فية نفسها وشخصيتها.... اية رأيكو فى الفكرة
محتاج اعرف رأيكو بصراحة وياريت لو فى حد عنده تعديل فى الفكرة علشان تبقى احسن

**OmarElsalhy** · 04-07-2010 09:34 PM

انا معاك يا معلم بس رب الناس تهتم بالموضوع انا شايف انه فكره جامده جدا

**elfashn** · 04-07-2010 11:50 PM

اكيد يا عمر فى ناس هتهتم لآن متهيألى معظم الناس الى بتركب الدبانة بتركبها علشان بتحب العربيات وما يخصها مش علشان هى عربية ادائها رياضى ويس والرابطة دى ممكن تشبع اهتمامنا بالعربيات ويبقى لينا مكان نتجمع فية وعلى فكرة ساعات وانا معدى على الكربة باليل وخاصة يوم الخميس بلاقى شباب متجمعة واقفين بعد كنتاكى معظمهم راكبين e36 و e46 العربيات دى ممكن تجمعنا وعلى فكرة انا ساكن فى الهرم وبعدين يا عمر الرابطة ممكن تبتدى بعدد قليل مش لازم عدد كبير فى الاول بس نبتديها

**TheBuccaneer** · 05-07-2010 01:00 AM

فكره جيده! مع العلم إنى مش معى سيارة الأن و مش مستقر على نوع سيارة e36 أو e46 لعدم وجود سيارة بحاله نظيفه تستحق الشراء لكن أنا معكم!

**elfashn** · 05-07-2010 01:25 AM

ده شىء كويس اوى الموضوع لسة مفتوح امبارح وبقينا تلاتة واقدر اقول بقينا اربعة لآن صاحبى اكيد هيبقى معانا يلا يا جماعة فين وحوش الدبانة (حلوة وحوش الدبانة دى) بس ياريت كل واحد عايز يبقى فى الرابطة يضيف ممكن نعمل اية فى الرابطة دى

**TheBuccaneer** · 05-07-2010 05:46 AM

أول شىء يتم هو التعريف بالسيارة ( بداية سنة الموديل, نهاية السنه الموديل, الفئات المصنوعه بها, إمكانيات السيارة, المحركات اللى موجوده بها فى كل فئه على سبيل المثال فئة ال e36 320 كان بها محرك معروف بxxx و سعته xxx وإمكانياته, إلخ... ) هذا هو أفضل شىء و يكون شىء أكثر من رائع من الأعضاء إذا قدرنا نجمع أسعار قطع الغيار الجديد و الأستيراد و أحسن الأماكن لشراء قطع الغيار و هكذا إلخ....

**elfashn** · 05-07-2010 03:24 PM

فكرة جامدة فعلا بس كدة محتاجين حد على دراية كبيرة بكل الكلام دة يبتدى وانا كنت شفت عضو بأسم دكتور شامل شكلة بى اموى قديم عارف كل حاجة عن العربية باربت يبقى معانا ويفدنا بخبرتة او اي حد ركيب قديم المهم ان حد يبتدى يحط المعلومات الى يعرفها عن ال e36 ايا كانت الفئة

**Ellawai** · 05-07-2010 11:34 PM

انا راشق معاكم مع اني مش معايا دبانه .. بس معايا موديل تاني برضه من بي ام.

**seko_66** · 06-07-2010 12:15 AM

وانا باذن الله مع حضراتكم ومعايا e30 316i موديل 90 .

**mo7amed3afifi** · 06-07-2010 02:30 AM

لسه والله الفكرة دي كانت في دماغي وكنت ناوي اعمل موضوع عن الرابطة دي بس سبقتني ياجميل خيرها في غيرها
انا عربيتي e36 model 1992 وشايف ان احسن واحد ممكن يفيدنا هو الاستاذ عمرو buccaneer وانااحسبه علي خير ولا ازكي علي الله احد ..