عملت صيانه ال 1000 بس مسافر مرسى مطروح

**hamada132** · 04-07-2010 11:13 PM

انا عملت صيانه ال 1000 للعربيه وكله تمام والعربيه زى الفل بس انا مسافر مرسى مطروح والعداد دلوقتى 2800 تفتكرو اروح اعمل اى حاجه اشيك على حاجه ولا اتوكل على الله على طول وياريت يا جماعه الى يقدر يفيدنى بطريق مرسى مطروح مع شرح تفصيلى اكون شاكر افضلكم شكرا

**mshmshm3** · 04-07-2010 11:30 PM

لا اتوكل على الله طريق مطروح هاتمسك طريق مصر الاسكندرية الصحراوى وعند الكيلو 120 هاتلاقي يو ترن وقبليها هاتلاقي لافته للمتجه الى الساحل الشمالى والعلمين هاتاخد اليوترن وبعد ما تلف وترجع خليك في اليمين هتلاقي دخلة يمين طريق العلمين خش فيها تقريبا الطريق 160 كيلو او اقل او اكتر مش فاكر بعد ما هاتخلص الطريق هاتطلع على طريق تاني هاتلف وترجع وتمشي على طول بردو 180 كيلو كمان او اقل او اكتر مش فاكر بس هاتلاقي نفسك في مطروح وحمدلله على السلامة مقدما

**hamada132** · 05-07-2010 03:36 PM

طيب بالنسبه للعربيه هحتاج اعمل فيها حاجه هى لسه زيرو ونا عملت صيانه ال 1000 الاولى والعداد دلوقتى 2800

**mshmshm3** · 05-07-2010 04:01 PM

المسافة من هنا لمطروح تعملها من 400 ل 600 كيلو رايح جاي هانفرض انها 600 يبقي عملت 1200 كيلو ونقول + مشاوير في المدينة مش هاتعدي ال 1000 كدة هاتبقي عاملة 4500 كيلو مثلا بس كدة لما تعمل ال 5000 ابقي اعمل صيانة ال 5000