الموضوع: نداء عاجل لملاك التريوس

المشاركة الأصلية كتبت بواسطة shawkats

م / شوكت صلاح

تيريوس 2010 gxr
أكبر سرعة 100 كم
العداد 1200
التوكيل : الموعد السبت القادم و سأوافبكم بالتقييم

ذهبت اليوم للتوكيل بأبو رواش لعمل صيانة الألف كيلو و بصراحة التوكيل أكثر من رائع مقارنة بالأخرين و الخدمة منظمة و سريعة تقريبا الصيانة استغرقت ساعة واحدة فقط

لكن و الحلو ما يكملش كان عندي استفسارات كتير عن الإكسسوارات اللي هناك زي الكاسيت الباناسونيك بالشاشة و شاشات المخادع و الباركينج سنسور و لو كان هذا الكاسيت يحتوي علي جي بي إس لكن للأسف الجماعة كلهم مشغولين و لا تجد الإجابة الشافية أو الشرح لإمكانيات الأجهزة يمكن علشان مشغولين أو محدش عارف حاجة.

و لما سألتهم عن غمكانية التركيب لدي مراكز معتمدة يرشحونها أو تابعة لهم قالوا مش ممكن و لازم تركب عندنا لتفادي سقوط الضمان .... طيب يا جماعة يا تخصصوا حد لللإكسسوارات دي يا تشوفو مركز تبعكم في مكان زي المهندسين أو مدينة نصر يكون دي شغلته حتي نتمكن من معرفة أسعار و إمكانيات هذه الإكسسوارات لأن بصراحة العربية لو إضافلها شوية حاجات ها تبقي تحفة.

أنا أريد إجابة من أحد الإخوان هل فعلا إذا ركبت كاسيت أو باركينج سنسور برة التوكيل الضمان فعلا بيسقط و لا ده مجرد كلام و ايه هي المراكز المعتمدة و نفسي في جهاز كاسيت يبقي شاشة كبيرة و باللمس و يو إس بي و جي بي إس و بلوتوث يعني جهاز بتاع كله يا تري فين و بكام

و أسف علي الإطالة و شكرا

انا معايا تيريوس 2009 1500 glx 4*4

12500 كم

متضايق جداً من مركز أبو رواش مش مشكلتى إنهم مشغلين 4 عمال بس فى الصيانة ويحملنا وقت الراحة بتاعهم عشان كده محسسنا إن الدنيا زحمة ويكلمونا بزهق كأنهم دكاترة ومش فاضيين.
الموديلات قبل 2010 ماكنش فيها ريموت ويقوللك الموجود تايوانى و 560 جنيه على الرغم من إن made in Chinaمنورة أاااد كده وشكله متقفل فى العتبة وتركيبهم زى الزفت وسلوكه كلها مدلدلة فوق الدواسات ومش كده وبس لأ مايشتغلش الإنذار إلا لو الإزاز إتكسر!!!

وعموماً أنا طلعت ربطت العفشة تانى يوم بره لأنهم تقريباً معملوش فيها حاجة بالرغم من إن دى الشغلانة الوحيده فى صيانة ال 10000 مع تغيير الزيت!!!!

يمكن تكون حالتى فردية بس هو ده إنطباعى بصراحة.


ولو حد ممكن يفيدنا فى موضوع غطا الشنطة اللى مكانه محفور ورا الكنبة وبينزل بره ومتشال عندنا وياريت مكان إزاى نثبت الدفيندر على الرخصة لو حد عملها يقولنا.

نسيت أقول أقصى سرعه 140 كم لو مافيش هوا جامد طبعاً

انا معايا تيريوس 2009 1500 glx+ 4*4

8000 كم تقريبا
اقصى سرعة 140 كم وكانت غير امنة لوجود هواء ولكن على سرعة 120 كم معقولة جدا

انا بروح مركز ابو رواش ومشكلته هو اما بيتعرض لعدد كبير من العملاء يبدء التاخير واللغبطة وده لانهم مش واخدين لسة على الضغط فى الشغل .
المشكلة الكبيرة برضه هو ان العربية حتى الكاملة الهاي لاين ناقصة حاجات كتير حتى الريموت وده لحد موديلات 2009 والاسعار فى التوكيل غاالية جدا وللاسف ليست بجودة عالية وكان سيصبح من المقبول ان تكون غالية ولكن تكون اصلية ولكن للاسف هذا غير موجود فالمنتجات سيئة واسعارها غالية جداز
وانا فعلا للاسف ركبت الريموت والانذار فى التوكيل (والسبب طبعا الضمان) والريموت سئ جدا تقفيله سئ بالاضافة الى ان تقفيل الاسلاك سئ للغاية وهذا حقيقى وامر واقع.

المشاركة الأصلية كتبت بواسطة hagan

-انا فعلا لاحظت ان الشباب اللي موجودين لاعلاقة لهم بالاكسسوارات
اللي معروضة في الرسبشن اسفل السلم
-عموما انا معي تليفون الاخ اللي اتمم لي عملية الشراء في فرع الشيخ زايد وهو للمبيعات والاكسسوارات وقطع الغيار فقط والتركيب في ابورواش او العبور وهو متعاون جدا وعلي الكمبيوتر بتاعه جميع الاسعار
-ومعلوماتي بالنسبة لموضوع التركيب خارج التوكيل انه يخرج السيارة من الضمان حتي ان من جبروت معظم التوكيلات في مصر انه اذا قمت بتركيب فرش خارج التوكيل للكراسي مثلا فهذا يخرج الكراسي من الضمان اذا حدث بها مثلا عطب او عيب فني مثلا
- تليفونات الفرع بالشيخ زايد((38510757))((38510758)) ويدعي
الاستاذ/محمد صابر وهو انسان بجد محترم جدا حتي انه هو الذي نصحني بعدم تركيب الدفندرات الامامية والخلفية للمشاكل مع المرور
م/ حاتم السباعي

هو حضرتك تقصد إن فى مكان تبع دايهاتسو بيبيع بس ؟!!!