الموضوع: مميزات وعيوب نيو اكسنت سبور

الف الف مبروك وربنا يباركلك فيها ان شاء الله ويديلك خيرها ويكفيك شرها النيو اكسنت عربية ممتازة

ربنا يباركلك فيها ويكفيك شر العين

المشاركة الأصلية كتبت بواسطة totolay007

السلام عليكم

المميزات

1- صوت الماتور غير مسموع لدرجة انى ماببقاش عارف العربية ديره ولا لا
2- العزل بتاع العربية ممتاز
3- بتوفر فى البنزين عامل بيها 475 كيلو ومليها بنزين من ساعة ما جبتها بى 120 جنيه ولسه نص التانك مليان احسبوها انتم بقى
4- عربيه شكلها روش جدا الناس كلها بتبص عليها ومستغربين شكلها كأنهم ما شفوش عربيات قبل كده والحمد لله اتخبتط منى مرتين
5- التكييف كفاية انك تشغله على 2 فى عز الحر وهتبرد وهتشغله بعديها على 1 وهتبرد بردو
6- العربية سحبها زى الفل وعددها 220 واحلى حاجه فيها بتاخد غرز حلاوه
7- العربية عاليا عن الارض ومش بتحك فى اى مطب

العيــــــــــــــــــوب

1- خامات الطابلوه مش كويسه بيتقشر من اى خربوش يعنى عايز يتعامل بحنيه
2- الكاسيت مش بيقرا السى دى المتخربش لازم يكون نضيف والراديو الصوت بيقطع اوقات
3- العربيه بتنط من وراه والعفشه نشفه شويه يمكن عشان سبور
4- بالنسبة لسعرها فيها شوية كماليات نقصه زى وحدة الرفع وعداد درجة الحرارة العربيه دى فى دول تانيه بتنزل كملا من كل حاجه والكمال لله بس عشان انتا اكيد فى مصر لازم تخدها نقصه

ده كل اللى فكره حالياً واخيرا العربيه سعرها 84000 الف بعد الفصال

انا قررت اركنها شوية لغاية ما تتنتشر عشان العين عليها كتير اتخبتط منى مرتين والخبتطين مش غلتطى ربنا يستر انا ملحقتش افرح بيها

بالنسبة للمميزات

- صوت الماتور مسموع ( انا ببقى سامعة و هى دايرة) وخصوصا لما الار بي ام يوصل 2.5 بحس ان صوته عالى قوى
- العزل بتاع العربية ممتاز واستهلاك البنزين زى ما انت قولت وفعلا العربية عاليا عن الارض ومش بتحك فى اى مطب وحتى لو فى 4 راكبين
- السحب ممتاز جدا و العربية شكلها روش جدا وكل ماكون فى حتة الاقى الناس كلها بتبص عليها (ربنا يكفينا الشر )
- التكييف لسة مستخدمتهوش جربته بس

العيوب
هى فعلا ناقصها حاجات كتيير ( حركب وحدة رفع وانا بعمل الصيانة ان شاء الله )
الكاسيت زبالة وهو اللى بيخربش السى دى لو معرفش يقراها او لو اشتغل مدة طويلة وكمان بيبوظ الفلاشات
العربية مش بتنط معايا بس فعلا العفشة ناشفة وبتدبدب (يمكن عشان سبور)
فى ناس فى المنتدى قالت فى عضة فى الفتيس بي محصلتش معايا غير مرتيين وكان بسبب الدواسات ( كانت متزحلقة تحت البدالات )
الفرامل مجربتهاش على سرعة عالية ( 80 ) وبصراحة مش راضى عن كفائتها

العربية فى العموم جيدة جدا

و مبرووك عليك وربنا يكفيك شرها و ما تحطش فى بالك اركب عربيتك وافرح بهيا قبل ما تنتشر ويبقى الكل راكبها

خليك مميز