كنت عاوز اسال عن انواع الستاير كلها اللي موجوده ؟
انا مركب عندي في اللانسر ستاير كبس للبابين اللي ورا والازاز اللي ورا وكنت عاوز اركب كمان ستاير للبابين اللي قدام بس مش هتنفع طبعا تبقي ستاير كبس علشان لو حبيت اكلم حد من الشباك او اخرج ايديا من الشباك او حاجه فالستاير الكبس هتبقي مقرفه في الموضوع ده لاني لسه هشيلها وارجع اركبها تاني
فكنت عاوز اعرف ايه كل انواع الستاير اللي موجوده
لاني مره ع الطريق كنت واقف في اشاره لقيت كورولا عدت من قدامي كانت مركبه ستاير ملهاش حل جااااااااامده اوووي ومغطيه الشباك اللي قدام كله وشكلها تحفه بجد ... ومعرفش الستاير دي نوعها ايه ؟
المهم انا رحت لمحل اكسسوارات كبير عندنا هنا وسالت علي انواع الستاير
* قالي في نوع ( مش فاكر اسمه ) اللي هيه بتبقي مغطيه جزء من الشباك وبتطلع مع الازاز وبتنزل معاه ودي شكلها مقرف جداااا ومش حلوه ومش عمليه بصراحه
* ووراني نوع ستاير تاني غالي ب 250 عباره عن اربع ستاير للاربع ببان مش فاكر اسمها برده بتهيالي ستاير مزيكا او حاجه كده مش فاكر المهم الستاير دي نضيفه اوووي وحلوه بس مش بتغطي الشباك اللي قدام كله سايبه جزء صغير من قدام ده اللي انت بتبص منه ع المرايات بس برده مش دي الستاير اللي انا شفتها في الكورولا

فكنت عاوز اسال لو حد يعرف نوع تالت يكون بيغطي الشباك كله ويكون ممكن اشوف اللي بره العربيه وانا جوه العربيه ؟
وهيه صحيح الستاير دي مخالفه ولا لاه ؟ ... انا مركبها بقالي 7 شهور تقريبا ع البابين اللي ورا والازاز اللي ورا ومحدش كلمني بس مش عارف لو ركبتها ع الازاز اللي قدام حد هيتكلم ولا ايه ؟