سؤال عن الستاير الكبس

**gemy215** · 05-07-2009 01:27 AM

هل ستائر الكبس مخالفه للمرور ولا ايه نظامها من المرور؟؟
ياريت حد يرد عليا

**bmw323** · 05-07-2009 01:29 AM

متابع بأهتمام
بس فى واحد قالى أن ألى ورا مش ممنوعة والبيبان ممنوعة بس مش متأكد نستنى رأى باقى الأعضاء افضل

**khattab_1989** · 05-07-2009 02:00 AM

بص يا باشا أنا لسة مركب ستاير كبس من أسبوع بعد فترة حيرة طويلة جدا علشان إخوانا الصهاينة بتوع المرور و تلككهم
بس في الأخر قررت بأني أشتري ستاير كبس و أستخرت ربنا و توكلت على الله و كمان الله أعلم بنيتي في سبب تركيب الستاير و هو التخفيف من الحمل على التكييف وكمان أنا بسافر كتير مع أهلي و الشمس بتكون مميته ورا عليهم طول سكه السفر
تجربتي بقى يا سعادة حضرت الباشا خلال الأسبوع ده هي مشوارين للمطار و سفر لدمياط و إسكندرية و لف في مدينة نصر و مصر الجديدة و وقفت خلال الأسبوع ده في حوالي أربع كماين كلهم بصوا على الرخص و طريق السلامة ياباشا
أرجو أني أكون أفدتك و قدرت أساعدك و تحت أمرك في أي سؤال أو أستفسار

**Eng.Sameh** · 05-07-2009 02:18 AM

هوه ايه الكبس ده .. ده نوع غير الستاير اللي بتتفتح وتتقفل بالعرض وا ايه ؟؟

**Rembrandt** · 05-07-2009 02:24 AM

أى نوع من انواع الستائر سواء كان كبس او حتى شفط فهو ممنوع ومخالفة

**كابوس الليل** · 05-07-2009 02:25 AM

المشاركة الأصلية كتبت بواسطة justs

هوه ايه الكبس ده .. ده نوع غير الستاير اللي بتتفتح وتتقفل بالعرض وا ايه ؟؟

لا انت فاهم غلط كبس جاية يااما من حاجتين:
اولن الكبسة لحمة ورز وصلصة

ثانيا:انك تكبس واحد قدامك

انا برضوا معرفش يعنى ايه كبس بس تقريبا الى هيا بتبقا عاملة كدة وهيا مقفولة
كانها حتة عصاية متركبة من ورا ف الحتة الى ورا الكنبة الى بيتبقا فيها السمعات و بيبقا ليه ايدين كدة فوق
ولما تحب ترفعها بتترفع معاك وتركب نهاياتها ف الايدين ديه بس تقريبا مش بتبقا غمقة اوى يعنى بتبقة شبكة كدة

**M.Abdelshafi** · 05-07-2009 02:40 AM

الستاير الكبس بتبقى على مقاس الشباك بتركب عليه من جوه و بتبقى للبابين اللى ورا و الزجاج اللى ورا
حد يعرف ممكن أعملهم فين فى المنصوره؟

**Eng.Sameh** · 05-07-2009 02:49 AM

أنا عن نفسي ... جبت طقم ستاير جاهز ومخصوص للمازدا3 للأربع ابواب والزجاج الخلفي ... وقابل للفتح والغلق ... الطقم كامل ب 325 جنيه ، هوه تايواني ونضيف جدا ، مش عارف ده اللي قصدك عليه ولا ايه

**M_Nabil** · 05-07-2009 02:53 AM

الستاير الكبس ممنوعة ومخالفة لقانون المرور زى الفاميه كده عشان هيقولك دى تعوق الرؤية والكلام ده وتدفع عليها 50 جنية تصالح فورى ولو الضابط مش غلس هتقولوا هفكهم دلوقتى بعد ماتفكهم هيديك الرخصة و يمشيك غير كده ياتدفع فورى يا يسحب الرخصة.

**Eng.Sameh** · 05-07-2009 02:55 AM

المشاركة الأصلية كتبت بواسطة m_nabil

الستاير الكبس ممنوعة ومخالفة لقانون المرور زى الفاميه كده عشان هيقولك دى تعوق الرؤية والكلام ده وتدفع عليها 50 جنية تصالح فورى ولو الضابط مش غلس هتقولوا هفكهم دلوقتى بعد ماتفكهم هيديك الرخصة و يمشيك غير كده ياتدفع فورى يا يسحب الرخصة.

طب ما انت ممكن تقفلهم بدل ما تشيلهم

الموضوع: سؤال عن الستاير الكبس

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الستاير الكبس؟؟

صعبة قوي الستاير الكبس

فين الستاير الكبس وبكام ؟

بخصوص الستاير الكبس

الستاير الكبس

الكلمات الدلالية لهذا الموضوع

المفضلات

المفضلات

ضوابط المشاركة