الموضوع: ايه حكايه الشيفورليه كورسا دي ؟

انا مع أميروس بأمانه يا نجد ,,,,,حكايه منصور دي زيها زي أي حاجه بايظه في البلد وكلها مصالح برده وبيزنس
ومنصور نفسه زيه زي أي بيزنس مان في مصر عندنا ,,,,ويمكن أرحم من غيره في حاجات كتير

وفي نفس الوقت برده لسه شايف كلام تامر ومؤيده
انا مسمعتش عن حد اشتكي من توكيل فولكس ولا مرسيدس ولا بي إم !!!!!
وهو تقريبا محدش بيشتكي من المرسيدس وال بي إم ,,,,إوعدنا يارب

المشاركة الأصلية كتبت بواسطة ameros

يا استاذ نجد احنا بشر صح يعني الخطاء وارد جدا ومنصمر زيوا زي اي رجل اعمال اكيد مش هينزل مركز من مراكز الصيانه عشان يشوف الوضع عامل ازاي ولو في تسيب من اي عامل او مدير صيانه اكيد بيتحاسب وان حصل خطاء او خلل فعربيتك فبترجعلو وانتا حاطط رجل علي رجل وبتتغير وخلاص انا لسه كنت هناك يوم السبت وكان معايا محمد الفرماوي مدير المركز الحقيقه كنت بعمل حاجه بسيطه بس اتعمل معيا الواجب فالوقت والتركيب ودا اللي يهمني وبصراحه المركز اتصرف كتير عليه وشوفو بنفسك وبقي في نظام عن الاول وقطع الغيار موجوده وبضمانها مش زي بره تشتري وتركب وتجرب وربنا معاك بقا تشتغل ولا لا انتا وحظك صحيح السعر غالي بس الضمان والراحه برده ليهم سعر
يا استاذ نجد ممكن ناس كتير تجمع ان فلان مش تمام من كتر السمع والعكس بس دا كله نتيجه تجارب شخصيه ولا سمع وجرد ....... محدش عارف
وناس كتير مثلا شكرت فواحد اسمه عبد الله اوبل وحسيت من كلامهم انه ملك الاوبل فمصر واذ بي وعن تجربه احس انو عادي واقل مالعادي كمان كلاموا حلو ومريح فالسعو وبس
يا رب اكون قدرت اوضح وجهة نظري

السلام عليكم ورحمة الله وبركاته

كلامك ياسيدى الفاضل كويس بس فىتعقيب بسيط
أولًا منصور مش حاينزل بنفسه يتابع مراكز الصيانة ودة صح بس المفروض يكون فى إدارة كاملة متخصصة فى المتابعة لأن دة توكيل عربيات مش توكيل مكانس ولا خلاطات وبعدين إتصرف علي المركز كتيير مش من جيبه دة من جيبى وجيبك وجيوبنا كلنا


ثانياُ مش معنى إنهم حلو لك مشكلة فى مرة يبقى الموضوع سلس كدة علطول , روح شوف مشاكل الأفيو والكروز اللى مالهاش حل وبالذات الأفيو

ثالثاً سبب غليان قطع الغيار برة التوكيل هو التوكيل نفسه ودة لأن التوكيل بيبالغ فى الأسعار وبالتالى التجار كمان بيبالغوا فى الأسعار ويقولك الجملة الشهيرة " شوفها فى التوكيل بكام"
وبعدين أشترى جوز مشاعدين لأوبل كورسا 99 من النوكيل ب 1210 جنيه مصرى ويدينى عليهم ضمان سنة
ولا أشتريهم من بره ب 550 جنيه وبرضه مش حايبوظوا قبل سنة

أسف للإطالة
أخوك فى الله هانى