صلاة الفجر.....وحرام عليك يا عم الشيخ.!!!!!!!!

حرام عليك يا أخي....
متراعي ربنا فينا يا شيخ...
جبتوه منين ده؟؟؟؟
كل ده يا أخي..حتكفرونا!!!!!

دي كانت أحد التعليقات اللي سمعتها النهارده...بعد صلاة الفجر..
ليه؟؟
الموقف...إمام شاب أكبر مني بحواي 3 أو 4 سنين..يعني حوالي 27 أو 28 سنه..صوته جمييل جدا..ورخيم وهادىء..من الأصوات اللي الواحد بيزداد خشوعه فى الصلاه وهو خلف من مثل هذا الإمام فى حلاوة صوته..
الراجل أطال فى الصلاة..
يعني الصلاة كانت حوالي 20 أو 25 دقيقه..
و قبل السجود..أطال فى الدعاء...
انا شخصيا وكان فيه كتيير متفقين معايا...إن صوته أكتر من ممتاز..
و دي حاجات مطلوبه فى الإمام..
بس رد فعل الناس اللي كان غرييب جدااااا.
بعد التسليم..قعدوا يتزمروا..من طول الصلاه..بصوت خفيض..
وبعد كده..صوتهم علي جدا..بصوره غريبه..
و كلام من نوعية ..إنتم جبتوه منين ده بس؟؟؟؟!!!
طبعا من المفترض إن قصارى السور فى المغرب..والفجر..
بس هل تكون مكروهه لو الإمام أطال فيهم.؟؟
ولو أطال...هل تكون الشكوى بهذه الصوره؟؟؟
اتمنى تشركوني برأيكم..لأنى كنت منحاز للشاب....

طبعا اللى حصل ده ناتج رئيسى عن الجهل بالدين و ان ناس كتير مش عارفين حاجه و لا عارفين الامور الاساسيه اللى المسلم العادى المفروض يكون عارفها ان العبادات بقت تقيله على الناس .. بقه صعب ان الواحد يقف يصلى 20 دقيقه لكن عادى انه يقعد ساعتين يتفرج على ماتش ولا فيلم.
طبعا مش حرام ان الواحد يرفه عن نفسه لكن لو الانسان فعلا فطرته سليمه هيستمتع بالعباده مش هتكون تقيله عليه .. عثمان بن عفان بيقول "لو طهرت قلوبكم .. ما شبعتم من كلام ربكم"

النقطه التانيه النصيحه لها اسلوب معين و مش اى حد ينصح لازم يكون عنده علم و مينصحش على الملأ يعنى ماشوفش واحد بيشرب سجاير أو مبيغضش بصره مثلا اجى قدام الناس ازعق و اقول له "ياخى اتق الله" لأ اخده على جنب وانصحه لو كنت انا مؤهل لكده .. عشان لا ينفر و يتمسك بالمعصيه.

ثالثا ده حكم الاطاله فى صلاة الفجر منقول من موقع الاسلام شؤال و جواب:

"المشروع في صلاة الفجر إطالة القراءة ، ويقرأ ما تيسر من القرآن بعد الفاتحة من غير تخصيص لسورة معينة ، إلا ما ورد الدليل بتخصيصه ؛ كسورة السجدة ، وسورة الدهر - هل أتى على الإنسان- في صلاة الفجر يوم الجمعة" انتهى .

"فتاوى اللجنة الدائمة" (5 / 340) .

وسئل الشيخ ابن جبرين رحمه الله :

بعض الأئمة يقرأون في جماعتهم في صلاة العشاء والفجر مقدار صفحة أو صفحتين في الركعة الأولى والثانية ، ويشتكي جماعة المسجد بأن الإمام أطال في القراءة ، وحجتهم أنه يوجد كبار السن وبعضهم مرضى ، وكذلك يقولون : إن هذا ينفر من الصلاة في المسجد ، فهل هذه تُعد إطالة ، وما نصيحتكم تجاه ذلك ؟

فأجاب رحمه الله :

" السُنة في صلاة الفجر الإطالة ؛ لأن الله سماها قرآنًا بقوله : ( وَقُرْآنَ الْفَجْرِ إِنَّ قُرْآنَ الْفَجْرِ كَانَ مَشْهُودًا ) أي صلاة الفجر ـ التي تطول فيها القراءة ، وقد كان النبي صلى الله عليه وسلم يقرأ فيها ما بين الستين آية إلى المائة أو نحو نصف سورة آل عمران أو ثلثها ، وذلك قدر اثني عشر صفحة إلى خمسة عشر وجهًا ، وكان عمر يقرأ فيها بسورة يوسف كاملة أو بسورة النحل كاملة ، أي فوق ثلاثة عشر وجهًا ، وثبت أنه صلى الله عليه وسلم قرأ نصف سورة "المؤمنون" في ركعة , أي نحو أربع صفحات ، فعلى هذا لا يُقال لمن قرأ ثلاث صفحات في الركعتين إنه قد أطال , بل هو مختصر , ولا عذر لأحد في طلب التخفيف الذي هو خلاف السُنة ، ومن كان عاجزًا لكبر سن أو مرض فله أن يُصلي وهو جالس إذا عجز عن الإتمام قائمًا ، فإن صلى قائمًا وعجز جاز له القعود لمرض أو كبر سن حتى في الفريضة ، فأما القادر فلا يجوز له الجلوس ؛ لأن القيام ركن في الصلاة ، والله أعلم " انتهى من موقع الشيخ .

هذا هو الأصل في صلاة الفجر ، وعلى الإمام أن يراعي حال المأمومين ، فلا يطيل عليهم إطالة تنفرهم من الصلاة خلفه ؛ فعَنْ أَبِي مَسْعُودٍ رضي الله عنه قَالَ : قَالَ رَجُلٌ : يَا رَسُولَ اللَّهِ ، إِنِّي لَأَتَأَخَّرُ عَنْ الصَّلَاةِ فِي الْفَجْرِ مِمَّا يُطِيلُ بِنَا فُلَانٌ فِيهَا . فَغَضِبَ رَسُولُ اللَّهِ صَلَّى اللَّهُ عَلَيْهِ وَسَلَّمَ ، مَا رَأَيْتُهُ غَضِبَ فِي مَوْضِعٍ كَانَ أَشَدَّ غَضَبًا مِنْهُ يَوْمَئِذٍ ثُمَّ قَالَ : (يَا أَيُّهَا النَّاسُ ، إِنَّ مِنْكُمْ مُنَفِّرِينَ , فَمَنْ أَمَّ النَّاسَ فَلْيَتَجَوَّزْ ؛ فَإِنَّ خَلْفَهُ الضَّعِيفَ وَالْكَبِيرَ وَذَا الْحَاجَةِ ) متفق عليه.

فقد تكون الإطالة مناسبة في مسجد ، وغير مناسبة في مسجد آخر ، لاختلاف حال أهل المسجدين .

وقد سئل علماء اللجنة للإفتاء :

ما هو القدر المناسب لقراءة الإمام في الصلاة الجهرية ، علما بأنه يوجد وراءه رجال متقدمين في السن ؟

فأجابوا :

"ذلك مما يختلف باختلاف أحوال المصلين بالمسجد جماعة ، فليراع كل إمام حال جماعة مسجده ؛ لقول النبي صلى الله عليه وسلم : ( أيكم أم الناس فليخفف ؛ فإن فيهم الصغير والكبير والضعيف وذا الحاجة )" انتهى .

"فتاوى اللجنة الدائمة" (6 / 391) .

للاطلاع على الرد كاملا:
http:///www.islamqa.com/ar/ref/138870/

اقتباس:

---

يعني الصلاة كانت حوالي 20 أو 25 دقيقه..

---

للأسف ...
الناس بقى حالها مقلوب ...
لو كل واحد من إللى إشتكوا دول فكر شوية فى أخرته .... أو قارن شوية بين الوقت إللى "ضاع" فى الصلاة وكم من الوقت يهدر أمام التليفزيون - الطابور - الإشارة - الطريق - إنتظار المواصلات - مشاهدة المباريات - جلسات المقاهى - أو الكلام الفارغ ..... سيدرك إلى أي مدي هو مخطئ فى شكواه

المفروض الامام يتفق مع المصلين الاول قبل الصلاة مما يناسبهم
و حتى لو كانو بيصلو فى وقت قصير جدا فانه من الغباء بما كان ان تغيير الوقت ده يبقى مفاجىء

فى رمضان اللى فات نزلت اصلى تهجد
اول ركعة استمرت 55 دقيقة بالظبط خلالها قعد ربع المصليين تقريبا على الارض
و الامام كان بيقرا زى القطر و الناس بتقع و انا بصراحة مقدرتش اكمل حتى الركعة التانية
و مدخلتش المسجد ده تانى

اقتباس:

---

انتهى

---

كانت الفتاوى تختم بأدب جم و ارجاع العلم الى من يملكه بكلمات مثل "و الله اعلم" او "و الله و رسوله اعلم" ،اما الآن فالكثير منها يختم ب"انتهى"،وكأن المفتى يقول لك: ألم تفهم بعد ؟!انتهى أمرك ايها الابله ان عصيتنى ، الصواب رأيي و رأيى الصواب الذى لا يحتمل الخطأ أبدا ، ألا تعلم من انا ؟! انا أعلم العلماء و امام الأئمة ، و ان خالفت رأيى-يا روبيضة-فانت و امك و ابيك و اهلك و ذويك فى النار فى النار فى النار

لو لاحظت بتلاقى أن جزء كبير من المصلين فى الفجر من كبار السن من أبائنا و أجدادنا..نسبة كبيرة جدا من كبار السن بيحتاج أنه يدخل الحمام بشكل متكرر و دة لازم أى امام يراعيه أن 20أو 25 دقيقة بالتأكيد بتكون كتير على كبار السن و فى حين أن صوت ألأمام جميل و فى ناس متقبله دة بيكون فى ناس تانية بتعانى أشد معاناه .

امال على كد لو راحو عمرة رمضان هيعملوا ايه فى العشرة الاواخر؟

خليهم بقى يقولوا جبتوه منين ده

موضوع الاطاله فى الصلاه له اكثر من شق
والرسول عليه الصلاة والسلام اوصى سيدنا على بن ابى طالب حين سأله عن الامامه بما معناه (صلى صلاه اضعفهم)
والمثل يقول( القافله تسير بأضعف رَكبِها)
والرسول عليه الصلاة والسلام كان يسرع بالصلاه حين يسمع بكاء طفل او طرقعه نار
فالشق الاول القراءه او التلاوه اذا كان الامام عذب الصوت او يحسن القراءه فلا مانع من ان يطيل بل مستحب
لأنه ان شق الامر على كبار السن والمرضى جلسوا فلا حرج عليهم وصلاتهم صحيحه
الشق الثانى الاطاله فى الركوع والسجود فهو كالسنه وقت قولك ثلاثه او سته او تسعه
ولكن الاطاله غير مستحبه هنا لأن من ركع او سجد خلف الامام وتعب لايستطيع ان يرفع راسه والا بطلت صلاته
ولذلك يجب ان يراعى من خلفه وخاصه مرضى الضغط والقلب والعمود الفقرى
هذا والله اعلم
وسامحنى الله على السهو والخطاء والفتوى

اقتباس:

---

المشاركة الأصلية كتبت بواسطة ams

كانت الفتاوى تختم بأدب جم و ارجاع العلم الى من يملكه بكلمات مثل "و الله اعلم" او "و الله و رسوله اعلم" ،اما الآن فالكثير منها يختم ب"انتهى"،وكأن المفتى يقول لك: ألم تفهم بعد ؟!انتهى أمرك ايها الابله ان عصيتنى ، الصواب رأيي و رأيى الصواب الذى لا يحتمل الخطأ أبدا ، ألا تعلم من انا ؟! انا أعلم العلماء و امام الأئمة ، و ان خالفت رأيى-يا روبيضة-فانت و امك و ابيك و اهلك و ذويك فى النار فى النار فى النار

---

اخي الكريم كلمة "انتهى" تعني نهاية الكلام او نهاية الفتوى وتفصل بينها وبين الكلام الذي يليها حتى لا يلتبس على القارئ ان ما يلي الفتوى من كلام هو تابع لها.

علما ان ناقل الفتوى عادة او من يكتبها هو من يضع كلمة انتهى او انتهى كلام الشيخ في بعض الأوقات وليس المفتي كما تفضلت وكأنه يقول بتعسف "خلاص كده مش هعيد تاني فاهمين!!"

ما قمت بعرضه اخي الكريم من تحليل للكلمة غير صحيح على الإطلاق ولا اعلم من اين استنتجته! واود ان اؤكد لك ان من يتباهى بعلم قد من الله عليه فهو جاهل وهذا لا ينطبق ابدا ولا يليق ابدا بالعلماء الثقات نفع الله بهم وبعلمهم وهدانا وإياكم إلى ما يحب ويرضى.
و إن كان يوجد من يفتى الناس ويقول مثل ما ذكرت فلا تأخذ منه علما فهو احوج لتعلم الأدب قبل العلم.

ذكرت ذلك من باب التوضيح وجزاكم الله خيرا

- المستحب في صلاة الفجر الإطالة قدر المستطاع
- مع مراعاة حال المصلين بحيث أنهم لو اعتادوا على وقت ما فتغييره مرة واحدة يسبب مثل هذا الارتباك
- فكان الأولى التدرج وتنبيههم وترغيبهم في الثواب
- ينبغي ألا ننسى أن البعض يصلي ولا يفكر في الصلاة لحظة وبالتالي تكون الصلاة عليه ثقيلة ثقيلة ثقيلة حتى لو كانت ثلاث دقائق لأن عنده (مباراة لم تنته- دور شطرنج متعلق- كلمتين عاوز يقولهم للمدام- أكل النهاردة مش عاجبه-رايح يجيب موبايل جديد......)
- بالنسبة للتعليق على كلمة (انتهى) ففي كلام الأخ أحمد علاء الدين كفاية ولا داعي لهذا التوتر وتحميل الكلام أضعاف مضاعفة من المعاني الخيالية

اقتباس:

---

المشاركة الأصلية كتبت بواسطة kareemz

[B].. عثمان بن عفان بيقول "لو طهرت قلوبكم .. ما شبعتم من كلام ربكم"
]
[/RIGHT]

---

اقتباس:

---

المشاركة الأصلية كتبت بواسطة Fouad Ezz

للأسف ...
الناس بقى حالها مقلوب ...سيدرك إلى أي مدي هو مخطئ فى شكواه

---

[QUOTE=ams;3872825597]المفروض الامام يتفق مع المصلين الاول قبل الصلاة مما يناسبهم

و مدخلتش المسجد ده تانى

اقتباس:

---

المشاركة الأصلية كتبت بواسطة mohabelnegm

لو لاحظت بتلاقى أن جزء كبير من المصلين فى الفجر من كبار السن من أبائنا و أجدادنا..نسبة كبيرة جدا من كبار السن بيحتاج أنه يدخل الحمام بشكل متكرر و دة لازم أى امام يراعيه أن 20أو 25 دقيقة بالتأكيد بتكون كتير على كبار السن و فى حين أن صوت ألأمام جميل و فى ناس متقبله دة بيكون فى ناس تانية بتعانى أشد معاناه .

---

اقتباس:

---

المشاركة الأصلية كتبت بواسطة Frozen_Pain

امال على كد لو راحو عمرة رمضان هيعملوا ايه فى العشرة الاواخر؟

خليهم بقى يقولوا جبتوه منين ده

---

اقتباس:

---

المشاركة الأصلية كتبت بواسطة w-m-a

[b][size=5][color=blue]
والرسول عليه الصلاة والسلام كان يسرع بالصلاه حين يسمع بكاء طفل او طرقعه نار
فالشق الاول القراءه او التلاوه اذا كان الامام عذب الصوت او يحسن القراءه فلا مانع من ان يطيل بل مستحب
لأنه ان شق الامر على كبار السن والمرضى جلسوا فلا حرج عليهم وصلاتهم صحيحه
الشق الثانى الاطاله فى الركوع والسجود فهو كالسنه وقت قولك ثلاثه او سته او تسعه
ولكن الاطاله غير مستحبه هنا لأن من ركع او سجد خلف الامام وتعب لايستطيع ان يرفع راسه والا بطلت صلاته
ولذلك يجب ان يراعى من خلفه وخاصه مرضى الضغط والقلب والعمود الفقرى
هذا والله اعلم
وسامحنى الله على السهو والخطاء والفتوى

---

طبعا كلام حضراتكم جميييل جدا..وممتاز و أكتر من رائع...
بس انا الكلام اللي إقتبسته...بياخدنا لنقطتين..
هم..الإطاله فى الصلاه ..وخصوصا صلاة الفجر..مستحبه...
ويجب علينا مراعاة كبار السن والمرضى...!!!!
إذن هي نقطه من شقين...
فرضا..الإمام أطال..
وده اللي حصل..
رد الفعل يكون بهذه الصوره؟؟!؟؟!؟!؟
النقطه اللي دايقت الواحد...هي إن الشاب إتعرض لإهانه و إن لم تكن مباشره....
بس أول أقتتباس و هو اللي عجبني بصراحه..
إن فعلا..لو الواحد كان سعيد جدا..بتلاوة الإمام بصوته الجميل للقرآن...
أكيد مكنشي حيتملل من إطالة الصلاه..

اقتباس:

---

المشاركة الأصلية كتبت بواسطة بحري

- المستحب في صلاة الفجر الإطالة قدر المستطاع
- مع مراعاة حال المصلين بحيث أنهم لو اعتادوا على وقت ما فتغييره مرة واحدة يسبب مثل هذا الارتباك
- فكان الأولى التدرج وتنبيههم وترغيبهم في الثواب
- ينبغي ألا ننسى أن البعض يصلي ولا يفكر في الصلاة لحظة وبالتالي تكون الصلاة عليه ثقيلة ثقيلة ثقيلة حتى لو كانت ثلاث دقائق لأن عنده (مباراة لم تنته- دور شطرنج متعلق- كلمتين عاوز يقولهم للمدام- أكل النهاردة مش عاجبه-رايح يجيب موبايل جديد......)

---

دكتور بحري..أحد الآعضاء اللي الواحد بيتمنى دخلوهم و مشاركتهم فى الموضوع..
بس الكلام فى النهايه..محير...
كيف يطيل الإمام فى الصلاه؟؟ويراعي كبار السن..
الكلام فى هذه النقطه..فكرنى بنكته قديمه كانت بتتقال..ألا وهي..الإامام لما بيسلم قال..(السلام عليكم لحسنين بس.!!!!!)

..ربنا يكرمك يا باشمهندس...الموضوع مش كده
التدرج مطلوب والموضوع نسبي وهاضربلك مثال يوضح الكلام
عندنا في منطقتنا مساجد كتير بفضل الله وأغلبها مملوءة بالمصلين حتى في صلاة الفجر...زمان قوي كانت الصلاة في أغلب المساجد سريعة بدون تأمل في الآيات وترسل وترتيل وبدون خشوع في الركوع والسجود وكان الأهم سرعة الانتهاء وتأدية الهيئات المطلوبة وفقط
بدأت بعض المساجد التي يقوم عليها الشباب المتحمسين من تغيير الوضع تدريجيا وغالب جمهور هذه المساجد كان من الشباب وبدأ الوضع يتم الاعتياد عليه (المسجد الفلاني والفلاني بيطولوا في الصلاة) ودي معناها في التراويح مثلا إنهم بيصلوا نصف ساعة فصاعدا وممكن يكونوا في الركوع والسجود متأنيين بعض الشئ..وبدأ الأمر ينتقل إلى المساجد المجاورة شيئا فشيئا واكتشف الناس أنهم من الممكن أن يصلوا وقتا أطول فيجدوا لذة أكبر وأن قدرتهم على الاحتمال أكثر بكثير مما كانوا يتخيلونه
الوضع الآن
أغلب المساجد تطيل في الصلاة بقدر معقول بغير إفراط أو تفريط بما في ذلك الفجر، وتعجب حينما تجد أكبر مساجد المنطقة في صلاة الفجر يطيل الصلاة وربما صلى بسورتي الإنسان والسجدة في فجر الجمعة كما جاء من فعل النبي عليه الصلاة والسلام وإذا بك تجد أن أغلب الخارجين من المسجد من كبار السن ومن تجاوزوا الأربعين والخمسين
الناس الكبيرة دي بقى بتطلع من المسجد في وقت تباشير الصباح والهواء النقي وبيتحركوا مع بعض مجموعة كبيرة جدا يطلعوا يقعدوا على البحر شوية..وكلهم من أصحاب المعاشات وتجد بعضهم يسير مستندا على عكاز

ويبقى أن هناك بعض المساجد صلاتها أخف من بعض
ولكن كما قلت الناس قدرتها علي الاحتمال كبيرة ولكنهم لا يعلمون والشيطان يدخل لهم من هذه الثغرة
والله عزوجل يقول (واستعينوا بالصبر والصلاة)....فالصلاة معين للإنسان محفز لهمته وطاقته
وعن عبد الله بن مسعود رضي الله عنه عن صلاة الجماعة : ولقد رأيتنا وما يتخلف عنها إلا منافقٌ معلوم النفاق ولقد كان الرجل يؤتى به يهادى بين الرجلين حتى يقام في الصف......
يعني يكون مريضا أو كبيرا في السن ولكنه حريص على صلاة الجماعة...هكذا كان حال الصحابة رضي الله عنهم

جزاك الله خيرا يا دكتور.والله..
و اتمنى إني أتشرف بمقابلتك فى يوم من الأيام...
وكلام حضرتك فعلا صحيح..
المساجد سمعتها هذه الايام..فلان بيطيل فى الصلاه..و مسجد علان بينجز فى الصلاه ...
وانا منكرش إني ممكن أكون من أحد الطرفين..إلا إعجابي بالإمام وصوته..خلاني متعاطف معاه..
و أكره ان ا أقول..إنه لو كنا إمام صوته مش حلو..
كان زماني من المتزمرين..
بس شق عليا إني أسمع الرجل بيهان..لأنه ...لأنه كان بيصلي!!!

عندنا في البلد لناس بتصلي في رمضان بسطر في الركعه - والله العظيم بسطر ولو الأمام ذود عن كده تلاقي كل واحد عامل فيها مفتي ويقول حرام ومش حرام

الموضوع محتاج تعود وبالتدريج

انا عن نفسي لما رحت الكليه في القاهره في اول سنه كنت بذهق طبعا لاني بقيت صلي التراويح في ساعه ونص مثلا بدل ربع ساعه ومع اول اسبوع بدأت اتعود وبقيت اتعب لما اصلي في البلد لانهم بيصلو بسرعه جدا

اقتباس:

---

المشاركة الأصلية كتبت بواسطة بحري

- المستحب في صلاة الفجر الإطالة قدر المستطاع
- مع مراعاة حال المصلين بحيث أنهم لو اعتادوا على وقت ما فتغييره مرة واحدة يسبب مثل هذا الارتباك
- فكان الأولى التدرج وتنبيههم وترغيبهم في الثواب
- ينبغي ألا ننسى أن البعض يصلي ولا يفكر في الصلاة لحظة وبالتالي تكون الصلاة عليه ثقيلة ثقيلة ثقيلة حتى لو كانت ثلاث دقائق لأن عنده (مباراة لم تنته- دور شطرنج متعلق- كلمتين عاوز يقولهم للمدام- أكل النهاردة مش عاجبه-رايح يجيب موبايل جديد......)
- بالنسبة للتعليق على كلمة (انتهى) ففي كلام الأخ أحمد علاء الدين كفاية ولا داعي لهذا التوتر وتحميل الكلام أضعاف مضاعفة من المعاني الخيالية

---

جزاك الله خيرا

اقتباس:

---

المشاركة الأصلية كتبت بواسطة ahmadalaaeldin

ذكرت ذلك من باب التوضيح وجزاكم الله خيرا

---

و جزاكم ، شكرا على التوضيح :)

اقتباس:

---

المشاركة الأصلية كتبت بواسطة ahmadalaaeldin

لا اعلم من اين استنتجته!

---

من تعنت أغلب الفتاوى التى تنتهى بها و اسلوب "المفتى" ، الكثير منهم الا من رحم ربى

اقتباس:

---

المشاركة الأصلية كتبت بواسطة ahmadalaaeldin

واود ان اؤكد لك ان من يتباهى بعلم قد من الله عليه فهو جاهل وهذا لا ينطبق ابدا ولا يليق ابدا بالعلماء الثقات نفع الله بهم وبعلمهم وهدانا وإياكم إلى ما يحب ويرضى.
و إن كان يوجد من يفتى الناس ويقول مثل ما ذكرت فلا تأخذ منه علما فهو احوج لتعلم الأدب قبل العلم.

---

و دول كتير قوى قوى الايام دى و صوتهم عالى

جزاكم الله جميعكم كل الخير

اقتباس:

---

المشاركة الأصلية كتبت بواسطة ams

من تعنت أغلب الفتاوى التى تنتهى بها و اسلوب "المفتى" ، الكثير منهم الا من رحم ربى

و دول كتير قوى قوى الايام دى و صوتهم عالى

---

استاذ احمد
كما وضحت الكلمة لا يتعدي معناها "نقطة في اخر السطر" او full stop.ولو راجعت فتاوى كثير جدا انهاها الناقل بكلمة "انتهى" لما وجت فيها تعنت كما تفضلت ومنها الفتوى المنقولة في الموضوع الرئيسي. فلا علاقة للكلمة بمحتوى الفتوى ولا بإسلوب المفتي , والمفتي مطلوب منه الجواب على تسائل من واقع ما يعلم من كتاب الله وسنة رسول الله.

افضل طريقة اننا نعرف الحق فنعرف اهله. واعرض ما يقال لك على كتاب الله وعلى سنة رسول الله صلى الله عليه وسلم لتعلم صدقه من كذبه.


لكل فن ستجد عليه دخلاء يضروا ولا ينفعوا ويميعوا ويلبسوا على الناس وخطورة التلبيس في الدين وإمداد العامة بمعلومات هدامه ليست من الدين وتحليل ما اجتمعت الأمه على تحريمة منذ نزول الوحي وعهد الرسول صلى الله علية وسلم والصحابة رضوان الله عليهم وتحريم بعض ما احل الله.

نسأل الله لنا ولكم الهداية

تقبل تحياتي

اقتباس:

---

المشاركة الأصلية كتبت بواسطة ahmadalaaeldin

استاذ احمد
كما وضحت الكلمة لا يتعدي معناها "نقطة في اخر السطر" او full stop.ولو راجعت فتاوى كثير جدا انهاها الناقل بكلمة "انتهى" لما وجت فيها تعنت كما تفضلت ومنها الفتوى المنقولة في الموضوع الرئيسي. فلا علاقة للكلمة بمحتوى الفتوى ولا بإسلوب المفتي , والمفتي مطلوب منه الجواب على تسائل من واقع ما يعلم من كتاب الله وسنة رسول الله.

افضل طريقة اننا نعرف الحق فنعرف اهله. واعرض ما يقال لك على كتاب الله وعلى سنة رسول الله صلى الله عليه وسلم لتعلم صدقه من كذبه.


لكل فن ستجد عليه دخلاء يضروا ولا ينفعوا ويميعوا ويلبسوا على الناس وخطورة التلبيس في الدين وإمداد العامة بمعلومات هدامه ليست من الدين وتحليل ما اجتمعت الأمه على تحريمة منذ نزول الوحي وعهد الرسول صلى الله علية وسلم والصحابة رضوان الله عليهم وتحريم بعض ما احل الله.

نسأل الله لنا ولكم الهداية

تقبل تحياتي

---

معاك حق :verygood:

اردت ان انقل بعض مما قاله القرضاوي في مسائل مثل هذه المسألة :

"نحن أولى بأن نيسر ولا نعسر، والنبي ـ عليه الصلاة والسلام ـ كان أقرب الناس إلى التيسير، وأكثر الناس تيسيرًا على أصحابه، فأنا إذا وجدت أحوط وأيسر، أفتي عموم الناس بالأيسر، ممكن أفتى بعض الناس بالأحوط، كشباب نريد أن نربيهم على العزائم، وإنما عموم الناس نختار لهم الأيسر، خصوصًا من يستفتون الآن في الفضائيات من مختلف أنحاء العالم، وهناك المسلمون الجدد، والتائبون الجدد، وضعاف العزائم، كل هؤلاء لو شددت عليهم يتركون الأمر، ولذا فمن الأولى أن تختار الأيسر، والذي يدل على هذا هو الحديث: أن النبي ـ صلى الله عليه وسلم ـ "ما خير بين أمرين إلا اختار أيسرهما" وأن النبي ـ عليه الصلاة والسلام ـ غضب على من يشدد من الصحابة، وقال: "أفتان أنت يا معاذ أفتان أنت يا معاذ"؛ لأنه يطيل بالناس الصلاة، ولما شكى إليه أن أبي بن كعب يطيل بالناس الصلاة، حتى بعضهم يخرج منها، قال إن منكم منفرين، وغضب غضبًا لم يغضب مثله، وقال: من أم بالناس فليخفف أو فليتجوز فإن وراءكم الكبير والضعيف وذا الحاجة."

انا شايف ان تلت ساعه مش كتير

فى ناس بتبقى تعبانة مرضيا ....

و ناس درجة تقوتها و قدرتها على الصلاة مش أكتر من 10 دقائق ...

لازم نراعى كل ده ..

و فى الأخر ... ده فلح و عمل الفرض , و ده فلح و عمل الفرض

دائما ما نقول أنه لابد من مراعاة حال المصلين
وأيضا الله سبحانه وتعالى لم يفرض علينا الصلاة لتعذيبنا بل كما قال النبي صلى الله عليه وسلم: أرحنا بها يا بلال..وقال: وجعلت قرة عيني في الصلاة
وأمر النبي صلى الله عليه وسلم بالتخفيف ..والتخفيف هو ما كان يفعله النبي صلى الله عليه وسلم وقد قال: صلوا كما رأيتموني أصلي...فينبغي أن نتعلم كيف كان النبي صلى الله عليه سلم يصلي في حركاته وسكناته وقرائته ونجعل هذا هو المقياس...الكلام هنا على صلوات الفريضة والنافلة...وإن كان النبي صلى الله عليه وسلم إذا كان يصلي لنفسه في الليل يطيل الصلاة جدا ..ولكن صفة صلاة النبي صلى الله عليه وسلم عموما موجودة في كتب الفقه..بدلا من أن نلجأ لتفسير التطويل والتخفيف حسب أفهامنا بمعزل عن الآيات والأحاديث

حينما تقول الطائرة سريعة وتقارنها بالسيارة ستوصف الطيارة بأنها بطيئة...وحينما تقارن السيارة بالدراجة الهوائية ستوصف السيارة بالسرعة والدراجة بالبطئ فما هو المقياس هنا....هذا مثال

وفي أمور العبادات خير الهدي هدي محمد صلى الله عليه وسلم

ممكن لو الواحد فينا قاعد عند سكرتارية واحد مهم من الوزرا مثلا مستني عشان يخلصله حاجة محتاجها ضروري ممكن يقعد بالساعات وهو مش متضرر ....طب هو أحنا مش محتاجين حاجة من ربنا وتستاهل إننا نصبر عليها شوية لعل ربنا يتفضل علينا برحمته وكرمه ؟؟؟
ما هي دي الفايدة من طول الصلاة إنك بتطول في الوقفة على بابه بتقوله يا رب مليش حد تاني عشان أروحله فأنت ربي ورب الناس جميعا ولي عندك حاجة أنت أعلم بها وكل ما طولت في الوقفة كل ما كنت اقرب لرحمة الله والثواب على قدر المشقة

بس في نقطة مهمة اثارها أخونا بحري الا وهي التدرج والنقطة دي بينصح بيها مشايخنا أي اخ أو شيخ يتقدم ليصلي بالناس إن الناس كتير منهم بعد عن الدين -نسأل الله أن يثبت قلوبنا على دينه - وصعب إن الناس مع بعدهم عن الدين الواحد فيهم يبقى داخل يصلي وهو متعود إن المساجد بتصلي بايتين وتلاتة فيلاقي الشيخ بيصلي بربع في الركعة فيفضل إن الإمام يحبب الناس في القراءة وفي الصلاة خلفه بالتوسط في الصلاة ثم الزيادة شيئا فشيئا لحد ما الناس تتعود إن العشاء والفجر السنة فيهم الإطالة في القراءة ودا اللي حصل عندي في منطقتي و زي ما حصل عند الشيخ بحري في منطقته
في النهاية أحب أذكر نفسي وأخواني بقول النبي صلى الله عليه وسلم "إن الرجل لينطق بالكلمة لا يلقي لها بالا فتهوي به في النار سبعين خريفا" فياريت كل واحد يوزن كلامه كويس قبل ما يكتبه ويضيفه
سبحانك اللهم ربنا وبحمدك اشهد ان لا إله إلا أنت استغفرك واتوب أليك

يا جماعة المقارنة مع صلاة التراويح والنوافل مش موضوعية
الفجر صلاة مفروضة .... يعني لازم اصليها بأي حال من الاحوال الا بعذر شرعي
لكن النوافل الموضوع مختلف تماما
الناس اللي نازلة من بيتها علشان تصلي الفجر من حقهم ان الامام يكون رفيق بهم
لأن منهم المريض والضعيف وذو الحاجة
التطويل في الفجر مسألة نسبية .... يعني يبقي اطول من العشاء ... والعشاء اطول من المغرب
انا اعرف ناس تركت المسجد لأن الامام كان بيطول في السجود .... ومنهم ناس كان عنهم جيوب انفية وضغط عين والتطويل في السجود كان بيتعبهم .... ودي صلاة مفروضة يعني مش ح يصلوا قاعدين ببساطة الا لو كانت حالتهم تستدعي ذلك
انا رأيي ان الحديث الصحيح
عن جابر بن عبد الله -رضي الله تعالى عنهما- http://taimiah.net/MEDIA%5CH2.GIF أن معاذ بن جبل -رضي الله تعالى عنه- كان يصلي مع النبي صلى الله عليه وسلم، ثم يأتي قومه فيصلي بهم الصلاة، فقرأ بهم البقرة، قال: فتجوز رجل فصلى صلاة خفيفة، فبلغ ذلك معاذا، فقال: إنه منافق، فبلغ ذلك الرجل، فأتى النبي -صلى الله عليه وسلم- فقال: يا رسول الله، إنا قوم نعمل بأيدينا ونسقي بنواضحنا، وإن معاذا صلى بنا البارحة فقرأ البقرة، فتجوزت، فزعم أني منافق، فقال النبي صلى الله عليه وسلم: يا معاذ أفتّان أنت، ثلاثا، اقرأ: والشمس وضحاها، وسبح اسم ربك الأعلى، ونحوها أخرجه الشيخان.
....
الوسطية مطلوبة
يعني مش لازم يقرأ في الركعة بربع او ربعين
ومش لائق انه يصلي بقصار السور
ممكن مثلا يكون الركعة بصفحة مثلا ...
....

انا هقول كلام بس يمكن مايعجبش ناس كتير..
من وجهه نظري في حال الدنيا اللي احنا فيها و المعاصي اللي بنعملها فعلا بعدنا عن الصلاه...
و انا من الناس اللي بعدت عن الصلاه في المسجد و بصلي بس في البيت...
و طبعا انا مقتنع تماما ان ده غلط و ما احبش اقول بسبب كذا و اجيب اللوم علي احد اني ما بقتش اصلي في المسجد...
بس كل فتره كنت بحاول ارجع بانتظام الصلاه في المسجد ...و ارجع اقول ان المساجد معلش يعني بتقل محبتها و هيبتها بين الناس و طبعا مش في كل المساجد...
بس المفروض الامام يكون صوته حلو...ان فعلا بكره اصلي ورا واحد صوته ينفر الواحد انه يسمعه...
غير الغلاطات اللي بتبقي في الصلاه من عدم حفظ اولا ...و تلاقي الامام بالعافيه و غظب عن المصلين هيقول الايه ...و مش هننزل نركع....غير ما يقولها!!!!!!

و لو امام صوته حلو تلاقيه بيطول جامد... و رأيي ده عيب بالنسبه لايامنا
لأن معظمنا بيتقل الصلاه في المساجد ... و ناس كتير مش متعوده الصلاه في المسجد و في ناس مش بتصلي اصلا :(
طيب ليه مايكونش امام صوته و تجويد و قرأه ممتازه و في نفس الوقت مايكونش بيطول...و يحبب الناس في الصلاه
هتلاقي الناس بدأت شويه بشويه تنتظم في المساجد...
لحد يا عم ما ربنا يتوب علينا و نحب الصلاه الطويله و الناس تتعود

و ده رايي مش فتوي
و الله اعلم ممكن اكون غلطان

شكرا لأسلوبكم الهادي فى المناقشه...وكم المعلومات اللي الواحد إستفادها منكم.....