برنامج كمبيوتر لفحص السيارات
[OVERLINE] السلام عليكم ورحمة الله وبركاته
بسبب ازمة الرشاشات اللى ظهرت فجأة وبعدد كبير فى الدايو ..كنت بادور على رشاشات للنوبيرا ..لاقيت محل والراجل قالى انها ممكن ماتكونش عيب رشاشات وتكون عيب حساس الاكسجين وقالى استنى ربع ساعة على ما وليد(تقريبا حد شغال معاه) يجيب الكمبيوتر عشان يفحص العربية وكل ماقوله لأ هامشى يقولى ربع ساعة بس يجيب الكمبيوتر...لاحظت ان الراجل مصمم على كلمة(كمبيوتر) ولما سألته :قصدك جهاز السكانر؟؟..قاللى لأ ,ده لاب توب
وطبعا لأنى فضولى بطريقة بشعة فيما يتعلق بالالكترونيات ..ماقدرتش اصبر ورجعت البيت اشوف ايه حكاية اللاب توب ده من غير حتى ماشوفه عند الراجل
وقعدت افكر واقول ياسلام لو عندى البرنامج ده..اشيك على العربية تحت البيت من غير مشاوير للتوكيل المعتمد (مشوار 90كيلو رايح وزيهم جاى)
وقعدت ادور فى النت على حاجة زى كدة لغاية مالاقيت واحد بس لسة ماجربتوش عشان محتاج الكابل اللى بيتوصل للعربية
وده اسم البرنامج PCMSCAN
وهتلاقوه هنا ..خامس واحد فى الجدول تقريبا وتضط عليه هيتحمل مباشر
Downloads - Palmer Performance Engineering, Inc.
واكتشفت بعد كده ان اول اتنين برده برامج سكان
ودى معلومات عنه
PCMSCAN - Palmer Performance Engineering, Inc.
وان كانت محتاجة خبير الكترونيات عشان يفك الشفرات دى من اول OBD-II ولغاية اللى تحتinterface cables
حد عمره جرب البرنامج ده او حاجة زى كدة...وياريت ماتحرموناش من اى معلومة عن البرامج دى والكابلات بتاعتها
دمتم فى رعاية الله
استنوا..لسة لاقى حالا صورة للكابل
http://images3.souq.com/uploaded/120...1260340659.jpg
[/OVERLINE]