ينفع كده اشترى طقم تيل فرامل للفيرنا 3 مرات فى شهر واحد .... عايز حل ؟

**M.Elhamy** · 07-07-2010 11:21 AM

أنا كنت بجيب نوع كوري لللانوس اسمه gold أكيد بينزل لهيونداي دور علييه و هاته وان شاء الله حيعجبك اوي

**ahmedsameir** · 08-07-2010 12:12 AM

المشاركة الأصلية كتبت بواسطة m.elhamy

أنا كنت بجيب نوع كوري لللانوس اسمه gold أكيد بينزل لهيونداي دور علييه و هاته وان شاء الله حيعجبك اوي

شكرا ............. هشوف و ارد

**i_engineer** · 08-07-2010 01:34 AM

اسمع حضرتك و من غير مااحلف..
انا غيرت تيل الفرامل لعربية المدام الفيرنا فى التوكيل و من يوم م اركب مابطلش تصفير و بعد مرور حوالى 10000 كم او اقل كان التيل اتاكل و الطنابير باظت و لم اكتشف هذا للاسف قبلا رغم شكوى المدام لكثرة انشغالى و قلة خبرتى و فى التوكيل فى نفس اليوم كان هناك حاله مشابهه لعربية فيرنا برضة لانسة كان واضح انها بنت ناس اوى و كان واضح انها مش واخده على الخناق و الزعيق و المهندس كان قليل الذوق معاها هيا حاولت تستقوا بيا لكن هما اتبعوا سياسة فرق تسد و جيه مهندس اخدها بعيد و انا فضلت مع المهندس اللى كان معايا. كده كده انا ماكنتش ناوى اتخانق علشان اولا مااحرقش دمى و ثانيا مكنش هايحصل حاجة لأنى اكتشفت ان الضمان على قطع الغيار 5000 كم فقط لا غيررر.طبعا ماكنش ينفع امشى من غير ما اسمم بدن المهندس بكلمتين ذى ما معناه انكم توكيل غير محترم و شغالين فى المضروب الى اخره..و ربنا يسامحنى لو كنت ظالمهم

**m_mekkawy** · 08-07-2010 09:23 AM

والله انا جبت تيل امامى 220 جنيه تقريبا وخلفى 120 تقربا برضه من التوكيل هيونداى وعليهم الستيكر بتاعها مش هقول انها ممتازه معديه الممتازه بتاع 3 متر على فكره الناس هتقول عليا عبيط عشان الخلفى فى كل العربيات اغلى من الأمامى بس انا عندى العكس عشان الفرامل من ورا وقدام سكاكين

**gotosamir** · 16-07-2010 03:58 PM

[QUOTE=kamatsho;3872827817]على فكره بجيب التيل الكورى بس مش الاصلى ب 35 من التوفيقيه
وبيشتغل معايا شهووووووور

انا كمان جربت ابو 35 ده وعاش معايا 4 شهور وكان فله وهركبو تاني

**maiasn2000** · 16-07-2010 04:36 PM

بلا تيل هندي بلا صيني بلا كوري
شوف يا استاذي سيبك من كل المحلات اللي في السوق
اتنت تجيب من مسورد بجد وده سهل في التوفيقيه فيه واحده اسمها الحاجه اخلاص ودي مستورد وهي اللي بتوزع لاكتر من 70% من المحلات لما بتروح عندها تقول لك ايه الاصلي وايه النص نص هي عندها امانه واسعارها ممتازه انا باجيب كل الاكسسوارات وقطع الغيار من عندها وبجد حاجتها نظيفه ومضمونه ولما تجيب دور علي انظف حاجه مش ارخص حاجه بالذات في الفرامل لان دي فيها ارواح ياصاحبي

**memo823000** · 17-07-2010 12:12 AM

المشاركة الأصلية كتبت بواسطة mohamed_mohsen

الراجل بيتكلم علي التصفير اللي ناتج من إحتكاك التيل بالطنابير مش من إحتكاك الكاوتش بالأرض

و نصيحه هات التيل من أي موزع معتمد لقطع غيار هيونداي
هتلاقيه في حدود 150-170 جنيه
و ماتسترخصش في التيل عشن الطنابير ما تبوظش

+11111111111111111111111111111111111111

لان انا بردو اشتريت تيل مضروب مرتين ابو 90 و60 جنيه زيك بالظبط وفى الاخر جبت التيل الاصلى بيبقى مختوم من عند اللى بيوزع قطع الغيار الاصليه بحوالى 150 جنيه والحمد لله عمره مسفر وحافظ على الطنابير

**ahmedsameir** · 17-07-2010 12:20 AM

المشاركة الأصلية كتبت بواسطة memo823000

+11111111111111111111111111111111111111

لان انا بردو اشتريت تيل مضروب مرتين ابو 90 و60 جنيه زيك بالظبط وفى الاخر جبت التيل الاصلى بيبقى مختوم من عند اللى بيوزع قطع الغيار الاصليه بحوالى 150 جنيه والحمد لله عمره مسفر وحافظ على الطنابير

انا جبت ابو 150 جنيه و كله تمام