الموضوع: تحذير..!! ماتغسلش الفيكترا بليل !!!

تقريبا وانت بتغسل اصلا العربيه فيه ميه بتدخل من ورا الكارتيره بتاعه الرفارف وبتسرى ميه على الفيوزات او السلوك بتاعه العربيه عموما

المشاركة الأصلية كتبت بواسطة kareemz

أو ممكن يكون عندك السويتش اللى فى الباب الكاوتشه بتاعته مشققه ولا حاجه .. فبتدخل ميه و تمشى بالعربيه و كأن الباب مفتوح.
كانت بتحصل معايا كتير فى السوزوكى .. و افضل ماشى و الانتظار شغال و اللى ورايا مش عارف انا ماشى شمال ولا يمين.

حصلت معايا لما الباب إتغسل بالمسدس و كل حاجة هيست خالص

اكيد فيه مياه بتدخل من جوان الكاوتش اللي بيفصل بين الباب والزجاج
او بتدخل على السويتش اللي في الباب
لأن زرار الزجاج ونور الصالون مرتبطين بسويتش الباب وبيطفو مع قفل الباب
اذن شوف الكاوتش اللي فوق السويتش ممكن تكون مشققة زي ما العصابة قالتلك
احسن حاجة انك تغسل العربية قبل ما تخرج مباشرة علشان المشي بالعربية بعد الغسيل بيساعد ان المية ما تركنشي في اي مكان وتعمل برومة او تسرح لأي مكان وتعمل مشاكل
والاحسن ما تغسلشي العربية الا قليل جدا واكتفي بمسحها بفوطة
انا بستخدم بليدج وفوطة صفرا بختين على كل جزء في العربية وتلميعة بالفوطة وبعد كدة تشيل الفوطة في كيس بلاستيك علشان ما تنشفشي من البليدج. بيخلي العربية تلمع وتبقى نضيفة

المشاركة الأصلية كتبت بواسطة tananybasha

البليدج بتاع تلميع الخشب ينفع للعربية

والله يا طناني باشا انا شغال بيه وكويس معايا بالذات اللي بريحة البرتقال ده بيخلي ريحة الجراج جميلة ههههههههه
هو الفكرة بس ان البليدج فيه شموع فلما بمسح بيه العربية بيخليها تلمع بس مش زي الواكس بتاع العربيات طبعا بس بيسهل عليا تنضيف العربية جدا لأنه بيساعد الفوطة انها تلم التراب
ثانيا هو بيعمل مع العربية زي الخشب بالظبط انه ما بيلمش تراب بسرعة علشان بيعمل طبقة انتي ستاتك اللي بتنفر التراب بعيد عنها بس الموضوع ده مع العربية مش بيطول طبعا لأنها في الشارع
بس بيكون تنظيفها بعد كدة اسهل شوية ومش بحتاج اغسلها الا على فترات متباعدة