لانوس - نوبيرا - لانسر كريستالة

**mazda3** · 06-07-2010 03:06 AM

السلام عليكم :
عايز اخد رايكم فى افضل عربية فى الثلاثة من حيث مميزات كل عربية وعيوبها وقطع الغيار واقتصادية ام لا وهكذا والمقارنة هتكون بين

متسوبيشى لانسر كريستالة وما افضل موديل ليها وما هو سعرها حاليا لو بحالة ممتازة

و دايو لانوس وما افضل موديل وما هو سعرها حاليا لو بحالة ممتازة

ودايو نوبيرا وما افضل موديل وما هو سعرها حاليا لو بحالة ممتازة

حيرررررررران ومش عارف اجيب انهى فيهم

معايا فى حدود 47 الف ج

**amrseba** · 06-07-2010 03:22 AM

لانسر كريستاله ممتازه جدا جدا جدا واحسن من لانوس و النوبيرا بكتيير ومراحل كمان ولو حاله ممتازه مابين 50 الى 55 بس تستحق فعلا

**shooter123** · 06-07-2010 03:25 AM

انت بتتكلم في ايه يا برنس؟ اللانسر طبعا وبدون نقاش
واحسن موديل فيها هي البومة من 2004 وانت طالع
انت ممكن تقارن اللانوس والنوبيرا بس مدخلش بينهم اللانسر لانها خارج المنافسة معاهم زي ما بيقولوا علي الاقل اللانسر ياباني

**aly10** · 06-07-2010 03:35 AM

انا على فكرة انا فى نفس حيرتك بس بقارن بين الكريستالة و النوبيرا مانيوال 2005 وعايز اقولك على حاجة انا الاول كنت هاجيب الكريستالة بس نزلت كذا مرة السوق مالقيتش حالة نضيفة خالص ويوم مالقيت لقيت صاحبها بيتكلم فى 55 الف ومش عايز ينزل مليم وعلشان كدة انا قررت ادور على النوبيرا واهى تبقى موديل اعلى لاكن الانسر هتدوخ شوية عشان تلاقى حالة نضيفة

**shooter123** · 06-07-2010 03:49 AM

ولو لقي حالة نضيفة حيلاقيها غالية
انا في تاجر سيارات بيتحايل عليا ابيع لانسر مكواة بتاعتي 2003 كاملة اوتوماتيك علي 65 وانا رافض طبعا مع ان السعر حلو واعلي من اللي انا شاري به
بس انا مش تاجر وماصدقت لقيت عربية اعتمد عليها
معلش اتعب شوية ودور واكيد حتلاقي بس بلاش تركب كوري

**aly10** · 06-07-2010 08:53 AM

هو على السعر اللى معاك مظنش انك تلاقى كريستالة حالة نضيفة بالسعر دة

**mazda3** · 06-07-2010 12:50 PM

المشاركة الأصلية كتبت بواسطة aly10

هو على السعر اللى معاك مظنش انك تلاقى كريستالة حالة نضيفة بالسعر دة

انا معايا 47 الف فعلى كلامكم مفيش لانسر كريستالة نضيفة تعمل السعر دة

عندك حق يا ALy10

متشكر جدا جدا لاهتمامكم وردودكم السريعة

انا بفكر اشوف النوبيرا ولكن هل يوجد نوبيرا بحالة ممتازة بسعر 47 معلش هتعبكم معاايا

انا قدامى نوبيرا 2 موديل 2001 عاملة 94 الف كم - دواخل فبريقة - 1600 سى سى - كاملة- رشة برا
عاملة 47 الف
هل تستاهل ؟؟؟؟