عرض للطباعة
السلام عليكم ورحمة الله وبركاته
انا عندى عربية 128 موديل 1978 و العفشة بتاعتها تعبانه اوى والميكانيكى بتاعى قالى انك محتاج تغير شوية حاجات فى العفشة
1- جوز كبالن
2- صليبة كوبلن
3- بلى عجل امامى
4- طنابير امامى
5- تيل امامى
6- جوز مساعدين امامى
7- جوز بارات
وكمان انا العربية عندى سحبها ضعيف فى طلوع الكبارى فكنت عايز اشترى
8- ديسك واسطوانة وبلية
كنت عايز نصائحكم فى افضل انواع للقطع واسعارها واماكن بيعها ومصنعية الميكانيكة حتبقى كام تقريبا والوقت المستغرق فى التركيب
واسف جدا على الاطالة
عن تجربه احسن مكان ممكن تجيب منه الحاجات دي كلها من الحرفيين من عند الموجي
بس الاسعار مش هاقدر افيدك فيها بصراحه
ومتابع معاك ان شاء الله
الف شكر ليك اخى الكريم على التجاوباقتباس:
المشاركة الأصلية كتبت بواسطة bondokk
ممكن اعرف فين بالضبط فى الحرفيين عشان انا معرفش الصراحة وكمان انا لسه جديد فى موضوع العربيات وخايف يتضحك عليا
وهل فى انواع معينة عند الموجى
شوف يا اخي. احسن واحد في قطع غيار الفيات على الاطلاق هوه الكيلاني في شارع شملبيون وسط البلد. افضل خامات والله جبت منه حاجات ممتازة جدا و لما فكرت اغير علشان استقرب ندمت و روحت اشتريت نفس الحاجات اللي كنت جبتها من غيره بعد ما باظت من عنده.
اقتباس:
المشاركة الأصلية كتبت بواسطة refath
انا ممكن اديك اسعار العفشه الصينى وهى كويسه وسعرها معقول
1- جوز كبالن 90 صينى
2- صليبة كوبلن 50
3- بلى عجل امامى 50
5- تيل امامى 25
6- جوز مساعدين امامى الاتنين 200 جنيه صينى
7- جوز بارات الاتنين 60 جنيه صينى
ونصيحه متعملش العفشه عند ميكانيكي لازم تتعمل عند العفشجى بيضبط العربيه احسن بكتير والمصنعيه تقريبا 150 جنيه
الف شكر على ردودكم يا شباب
الميكانيكى ده معرفة من زمان
وانا وديت العربية امبارح وقالى انه حيغير الجنبين بالكامل بس استيراد وعلى ضمنته هو شخصيا
والله يا اخ رفعت انا مش عندي اسعار
بس اللي اقدر اقولهولك اسأل عند كذا واحد في التوفيقية
وما تتطمنش ل ميكانيكي واحد
احسن نوع في الكبالن وعن تجربية هي الصيني
ده ما اقدر علي نصحك بيهم
وربنا معاك
الحمد لله استلمت العربية امبارح
تم تغيير الجانبين بالكامل استيراد 550ج ( مساعدين بالسوست والطنابير وماستر الفرامل والتيل )
تم تغيير الديسك والاسطوانة والبلية 220ج
تم تغيير قلب الفتيس بفتيس كرورنا 300 ج
تم تغيير سلك البرياج 20ج
تم تغيير كاوتش الكبالن 30ج
جوز بارات دريكيسون 50ج
بس المشكلة اللى مضايقانى لغاية دلوتى تتلخص فى الاتى
1- صوت زى بلية كده بتتحرك جوه الدريكسيون
2- الفرامل حاسسس انها طرية شوية والهاند بريك اكنها مش موجود بعنى ممكن امشى بيها والهاند مرفوعة
رجاء اصحاب الخبرة للنصيحة بخصوص المشكلتين دول من ايه وكيف يتم علاجهم
اقتباس:
المشاركة الأصلية كتبت بواسطة refath
مبروك يا باشا .. أنا عندي نفس موديل عربيتك ,, وربنا يباركلك فيها .
الله يبارك فيك شكرا على ذوقكاقتباس:
المشاركة الأصلية كتبت بواسطة piowood
اقتباس:
المشاركة الأصلية كتبت بواسطة refath
اتمنى اكون افادتكم
الف شكر مهندس مصطفى على التجاوب
بالنسبة للصوت اللى طالع من الدريكسون مش صوت خشن خالص بالعكس ده صوت ناعم جدا يشبه الصفارة وكمان من غير ما الف الدريكسيون يمين او شمال
بالنسبة للفرامل الميكانيكى سحبلى الهواء من الفرامل
وبالنسبة للهاند بريك مشدودة على الاخر والتيل سليم ومليان
مش عارف المشمشكلة من ايه
معلش يا باشا ياريت توضح الصوت بتاع الطارة دة بيظهر امتى والصوت عامل ازاىاقتباس:
المشاركة الأصلية كتبت بواسطة refath
وبالنسبة للفرامل ورا
جرب امشي بالعربية وخلى حد يقفلك فى الشارع وامشي بالعربية وتعالى عندة وامسك فرامل جامد وخلية يبص على الفرد الخلفية مسكت فرامل ولا لاء
ممكن تكون خزن الفرامل اللى ورا فيها مشكلة
شكرا على اهتمامك اخىاقتباس:
المشاركة الأصلية كتبت بواسطة eng_mostafa_89
بالنسبة لمشكلة الدريكسيون الحمد لله اتحلت الصوت طلع من المرايا اللى فى الجنب كانت عايزة تتثبت كويس
اعذرنى انا لسه جديد فى العربيات
بالنسبة للفرامل وراء حجربها بكرة ان شاء الله
بس معلش فى مشكلة تانية ظهرت فى الفرامل الامامية ...... كل ما اضغغط فرامل اسمع صوت صفارة جامدة
يا ترى ده من ايه
كده يبقى فيه هواء في الماستر روح للميكانيكي يعملهاقتباس:
المشاركة الأصلية كتبت بواسطة refath
الف الف شكر على ردك اخى الكريماقتباس:
المشاركة الأصلية كتبت بواسطة yoko
علم وجارى التنفيذ