بورش رينو فورد فولكس

**M.Radwan** · 11-07-2010 11:01 PM

المشاركة الأصلية كتبت بواسطة ashrafsadany

كله كوم والاخ الى معاه جولف دا كوم الى عمال يتكلم على رينو فى كل مقارنه ويطلع فيها العبر ياريت يقول ايه رأيه فى المقارنه ولا هوا بيفهم اكثر من المتخصصين ويتعلم ان لا يتحدث الى بقليل من العلم مش بجهل تام لان النتدى هنا الحمد لله اكثره ناس بتفهم ومش اى كلام بتصدقه
شكرآ على الفديو

لأ وإيه بيتكلم وهو معاه جولف اللى متجيش حاجة جنب الشيروكو اللى فى الفيديو!

**esslynx** · 12-07-2010 02:40 AM

المشاركة الأصلية كتبت بواسطة ashrafsadany

كله كوم والاخ الى معاه جولف دا كوم الى عمال يتكلم على رينو فى كل مقارنه ويطلع فيها العبر ياريت يقول ايه رأيه فى المقارنه ولا هوا بيفهم اكثر من المتخصصين ويتعلم ان لا يتحدث الى بقليل من العلم مش بجهل تام لان النتدى هنا الحمد لله اكثره ناس بتفهم ومش اى كلام بتصدقه
شكرآ على الفديو

ما الفيديو ده انا جبته للناس اللى بتفتى بمناسبه و من غير مناسبه اصل فى ماس بتحب تلزق اسنها فى اى موضوع حتى لو داخل يكح ..و عموما انا بقول كويس انه مش كل الناس عارفه قيمه الرينو ..الاتميز حلو برضه ولا ايه

**amrden** · 17-07-2010 03:54 AM

كلامك صح 100 100 مافيش احسن من التميز

**golf2010** · 21-07-2010 01:50 AM

والله العظيم انتو صعبانين عليا, وانا مكنتش عايز ارد خالص في الموضوع ده عشان محدش يتعقد من عربيتو الرينو بتاعتو ويروح يرميها في الزبالة او يفتحها كشك سجاير بس انتو زودتوها قوي ولازم يترد عليكم.
واحد بيقول الي بيتكلم معاه جولف ومتجيش حاجة جنب الشيروكو ههههههههه انت كده اثبت لكل الناس الي بتفهم في العربيات انك جاهل تماماً في مقارنة العربيات الا عن طريق الشكل بس, لأن لو الجولف دخلت في المقارنة دي هيجيبو شيروكو جي تي آل الي هي 2000 سي سي تيرو وسوبر شارج, ومواتير الشيروكو هي هي نفس المواتير الي بتتحط في الجولف والفرق في الشكل والفرش والتابلوه بس.
الي حضرتك بقى تجهلو في الموضوع ان الجولف جي تي اي اسرع من الشيروكو نفس الفئة وده بسبب ان الشيروكو اتقل في الوزن, وعموما الجولف الي مش عاجباك انا ممكن انزل افكها بإتنين فلونس, ويجعله عامر.

يعني انتو بتخلو حتى الناس الي ممكن تبدأ تفكر في رينو بطريقتكو دي تكره كل أنتاجها عشان اسلوب الكلام المرسل والي مالوش اي معنى, العربية طلعت من عربية هوبا يا نهار ابيض دي اجمد عربية في الدنيا, دي الطريقة الي بتفكروا بيها, خلاص انا ممكن اجيب جيتز واطلع من كل عربيات رينو على بعضهم لو ده المقياس.

والله هتضحكوا الناس عليكم يعني بأي منطق الرينو احسن من الشيروكو !

اما بالنسبة لبقية القبيلة الي قاعدة بتهلل في الموضوع وتجيب سيرتي مش هقول غير رد واحد بس, لو كانت الرينو عربية تستحق ماكانش اختلف عليها الناس زي ماركات كتير محدش بيختلف عليها منها هوندا تويوتا سكودا سيات مرسيدس بي ام فولكس بيجو كيا وهيونداي ونيسان, انما هي شركة فعلاً محدش حاططها في الخريطة عايزين تعزوا نفسكو بكلمتين تميز ومش تميز براحتكو ومع نفسكو بس متهاجموش الي مش عاجباه العربية, في الآخر هتفضل الرينو هي مجرد رينو لا اكثر ولا اقل.

**ashrafsadany** · 23-07-2010 03:43 AM

بص يا اخى الكريم احنا كل كلمنا بناء على تقاريير عالميه ومبنقلش ان رينو احسن ماركه دا كلام حضرتك وفيه برضه مغالطه وتحوير للكلام احنا بنتكلم عن مستوى رينو الحقيقى وخبرتها فى تصنيع السيارات ودا الى حضرتك تجهله زى كتيير من الناس هنا فى مصر يعنى شركه بتقوم بتصنيع عربيات سباق وبتاخد بيها مراكز قدام فرارى ومكلارين وبتقوم بتصنيع معدات ئقيله وشاحنات تنافس اكبر شركتين فى هذا المجال مرسيدس وسكانيا وغيره وغيره من الخبره الكبيره وبتجربه عمليه من كل ملكها ان كل الى تعامل مع العربيه واحترمها فى الصيانه العربيه اعطته اكثر من الى كان يريده ودى اراء كل ملكها او اغليهم اما حضرتك تيجى وتتكلم عن انها شركه ضعيفه اوعلى قدها يبقى حضرتك الى جاهل بلشركه وعربيتها ولا تملك حتى معلومات عامه ولا تجربه شخصيه مع الماركه يبقى بتتكلم على اى اساس دا الى نفسنا نفهمه احنا مبنتكلمش عن ازواق علشان الموضوع يبقى مطلق لزوق حضرتك احنا بنتكلم عن معلومات محدده وتجارب شخصيه وحضرتك تفتقد الاتنين