العربية بتاكل بنزين

**ابوهاشم** · 22-02-2008 02:11 AM

اشتريت عربية فولكس بيتل من شهرين واكتشفت بعد ايام انها بتاكل بنيزين كتير لدرجة انها كانت بتعمل 60 ك فى الصفيحة الميكانيكى قالى غير طقم الكهربا كوندنسر وابلاتين وبوجيهات غيرتهم وبرضه مافيش فايده رحتلو تانى قاللى يبقى لازم نسقط الموتور ونزود الصبابات عند الخراط ونغير طقم الشنبر بالمرة لان امفروض تعمل 200ك فى الصفيحة وفعلا نفذت كلامه وبعدين لقيتها بتعمل 100 ك فقط قاللى نغير البك وابرة الكاربراتير وفعلا غيرهم لقيت العربية بتعمل 120ك وانا بصراحة غلبت وغلب غلبى ومش عارف اعمل ايه تانى ارجوكم فيدونى واسف للاطالة

**HNaga** · 22-02-2008 11:52 AM

ممكن يكون عندك خرم فى التنك او العداد بايظ ووممكن البنزين يكون مضروب

**ابوهاشم** · 22-02-2008 02:12 PM

عملت تشيك على التنك ولقيته سليم والبنزين انا مش بمون غير من التعاون

**ahmedsrs** · 22-02-2008 03:00 PM

ممكن يكون فى تنفيس من فرن الشكمان او تلف فى علب الشكمان

**eng_mkhalaf** · 22-02-2008 05:32 PM

غريبة تلف فى الشكمان يزود أستهلاك البنزين

**ahmedsrs** · 22-02-2008 07:18 PM

تلف فرن الشكمان بيعمل خلخلة فى غرف الأحتراق وممكن يزود استهلاك البنزين

**ahmedsrs** · 22-02-2008 07:26 PM

ويمكن الأطلاع على الرابط ده
http://auto.howstuffworks.com/question172.htm

**Eng_Nissan** · 22-02-2008 07:43 PM

هل الاول في دخان بيخرج من الشكمان بكثافه ؟ لو في فلونه ايه ؟ عشان نعرف في تسريب باور من المحرك ولا لأ.
تاني حاجه لو مفيش دخان فاتأكد من دايرة الوقود لحد الكاربيراتير . لو مظبوطه فشوف كبس المحرك في اي بنزينه كويسه ... ومستني ردك

**ahmed1981** · 22-02-2008 09:04 PM

أسألك أولا:
ما هي حالة الموتور وهل يخرج من الشكمان دخان وما لونه وهل السحب كويس ؟؟؟؟؟

بالنسبة لزيادة الإستهلاك له أسباب كثيرة أهمها:
1 - مشكلة في الكاربيراتير (نضافة أو خلوصات البيكات أو نسبة الهواء والبنزين غير مضبوطة أو فلتر الهواء مسدود أو.... )
2 - مشكلة في دائرة توزيع الشرارة (بوجيهات وأسلاكها وإبلاتين وموبينة وكوندنسر)
3 - مشكلة في ضبط الزوايا والإتزان والترصيص
4 - مشكلة في دائرة التبريد (سخونة زيادة أو برودة زيادة)
5 - مشكلة في الزيوت وفلاترها (نقص أو بحاجة لتغيير)
6 - مشكلة في مجموعة الدبرياج
7 - عدم ضبط ضغط الإطارات
8 - عدم ملائمة نوع البنزين للموتور ( 80 أو 90 أو 92 أو ..)
9 - عدم ضبط تقسيمة الصمامات مع الكرنك بدقه
10- عدم ضبط خلوص الصمامات (التاكيهات)
11- موتور حالته سيئة (الشنابر فوتت)
12- أسلوب قيادة عنيف (رياضي أو شبابي أو أمريكاني أو منفعل)
13- قيادة في أماكن مزدحمه وكثرة التوقف (لو الإشارة أو الوقفة هتطول إطفي السيارة)
14- تحميل العربية (كلما زاد الوزن المحمل زاد الإستهلاك)
15- القيادة على سرعات عالية فوق ال 100 كلم\س أو سرعات منخفضة عن 80 تقريباً لفترات طويلة
16- مشكلة في الشكمان تؤدي في بعض الأحيان لزيادة الإستهلاك
17- بالنسبة للسيارات ذات الحقن الإلكتروني قد يكون هناك حساس (سنسور) عطلان (سنسور العادم أو الهواء أو غيره حسب نوع السيارة)

طبعا هذه ليست كل الأسباب لزيادة إستهلاك البنزين ولكن هذا ما علق في ذاكرتي الآن
والله أعلم

**ahmed1981** · 22-02-2008 09:19 PM

كيف تقوم بقياس إستهلاك البنزين؟؟
المفروض تملأ وتفول التانك للآخر وتاخد رقم عداد الرحلات وتمشي مشوار طويل على سرعة متوسطة 90 مثلا لمسافة 50 كيلو مثلاً
ثم تقوم بملئ وتفويل التانك للآخر مرة أخرى وتشوف هتاخد كام ليتر
تقسم عدد الكيلو 50 كيلو مثلاً على عدد الليترات بتاع التفويلة الثانية وتضرب الناتج في 20
ينتج معدل إستهلاك سيارتك كيلومتر في الصفيحة

الموضوع: العربية بتاكل بنزين

LinkBack

أدوات الموضوع

عرض