ياباشا مش فكرة شد و جرى
انتا شايف شوارع المحروسة الجميلة و الزحمة و محدش بستحمل حد
و الواحد بيستنى الاشارة تفتح علشان يمشى و ينجز
مش عايز بقى عربية تشلنى
و بعدين ما فيه المانى بيجرى برده و انا ليييه ادفع 200000 الف فى عربية و أحس انها بطة :majd(4):
عرض للطباعة
أنا لما بمشى على الدائري أو طريق سريع عموما
ال a5 والفانتازيا بيقطعو الطريق جري وبياخدو غرز بثبات رائع
ببقى سايق وحاسس ان العربية مهمها عملت فيها مش هتقولك لأ
بس طبعا أسمع انها تقيلة على السرعات البطيئة
وده في رأيي مش عيب أبدا فى عربية بالفخامة دي.
كلام تمام..وعاوز أقول للعضو الفاضل Som3aa أنا مش هألف تسارع من عندي.جايز إنت مش عارف تجمع بيها كويس.لكن أنا عملت التسارع في 12 ثانية بالظبط.
وعلي فكرة في غيري هنا عملوا نفس التسارع ومنهم moodiabas و خالد أيمن تقريبا بالـ a5.
وعلي فكرة أنا راكب الفانتازيا وراكب a4 وجربت أشد بالفانتازيا والـ a4 طلعت منها بفارق بسيط وبعد الـ 100 الفانتازيا بدأت تطلع منها.
الخلاصة عاوز أقول إني الحمد لله ركبت عربيات كتير ( نوبيرا-لانسر-صني-فيرنا-أوكتافيا a4 - فانتازيا ) وعمري ما حسيت بمتعة قيادة فيهم زي اللي حسيتها في الفانتازيا سواء داخل أو خارج البلد.وعشان يكون في إثبات..إنتظر مني فيديو تسارع الفانتازيا عشان خاطرك
الاسكودا عربية جميلة و شيك والمانيو مش لازم يعني اجيب عربية سبق عشان اشد بيها مع
بعا كامل احترامي للي عايز مثلا يطلع من اشارة جري عشان الناس مبقاش عندها صبر
بس دا ميخلنيش افكر مرتين عند شراء الاسكودا
و انا هجيب اى عربيه كورى ولا يابانى عشان خاطر الاشاره لما تفتح ابقى الاول ...
و ايه موضوع بطه ده :C_laugh[1]: :C_laugh[1]: :C_laugh[1]: يا باشا ونبى عييب الكلام ده
ديه اوكتافيا مش 128 ... حضرتك انا جايب من 0-180 فى 50 ثانيه !! و التسارع 12.5 ثانيه !! و كانت عايزه تغير زيـــــت !! و اللى شايف انها بطه ميشتريهاش
YouTube - 28022010048.mp4
و خد بالك عند ال 140 انا هديت و بعدين قرصت تانى ضاع فيها حوالى ثانيتين ديه !!
و الطريق مكسر و كله حفررررر ...
معلش انا بيدايانى اوووى الدفاع عن العربية على الفاضى و المليان دا
كل واحد واخد الموضوع كانه تحدى , مش فاهم فيها ايه لما نقول مميزات و عيوب العربية؟؟؟؟؟
العربية بطيأة جدااا فى التجميع (التسارع) و بطة فعلا و دى مفيهاش كلام و ملاكها بيقولوا كدا و عند والدتى و دى اى ملاحظة حد ساقها علشان يجربها قالها علطول العربية سحبها ضعيف جداااااا و بطة فعلا .
اما بالنسبة للتسارع فهو زى مانا قلت 12.3 للمانيوال و 14.1 للاوتوماتيك و الكلام دا مش من تاليفى و انا مجربتش اجيب 100 و احسبها , دا كلام الكاتالوج صفحة 284 و الفيديو اهو بيثبت كدا , انت جايب ال100 فى الثانية ال15 و انطلقت (صوت الموتور مسموع) فى الثانية الاولى يعنى خدت 14 ثانية و اساسا سواء 14 او 12.5 الاتنين كتييير جداااا.
بعدين ال14 ثانية دول مش جايين طبيعى , دول جايين بالقرص جامد (انا عارف ان التسارع بيتحب كدا) بس الفكرة ان لما الواحد هيبقى سايق طبيعى هياخد وقت اكتير بكتير علشان يجيب ال100
و الله لو شفيق جبر ما هيدافع عن العربية كدا!!!
مش فاهم ليه الدفاع عن حاجة واضحة و متجربة و شكوى من الناس كلها لان التوكيل بيستبخل ومش عايز يجيب الموتور ال1400 التربو؟
امال لو قولت على عيب فى العربية كنتوا عملتوا ايه؟؟
الصراحة التحيز دا مش حلو خالص , لازم الواحد يقول المزايا و العيوب بصراحة علشان لما حد يشترى العربية ميفاجاش يعنى الناس اللى عايزه تشترى بتقرا الكلام دا.
طيب شوف هقولك علي حاجة.
جايز إنت رأيك العربية بطة.وبطيئة جدا وشلل ومش عجباك في السحب بتاعها.وجايز تكون شايفني من وجهة نظرك إني بدافع عنها وإني ذاكر مميزاتها فقط و مش ذاكر عيوبها.وشايف إني منحاز ليها وخلاص وأي حد يقول عليها كلمة وحشة مسكتلوش.
بس شوف..أولا سيبك من صفحة 284 دي اللي مزعلاك أوي كده..لو هندخل في صفحات وكتالوج ورسميات.هتلاقي الكتالوج كاتب السرعة القصوي للعربية 180 أو 190 كم.
وهي في الواقع السرعة القصوي بتاعتها 205 كم ولو الهوا معاك تجيب 210 كم ( ودي مفيهاش نقاش ولا إختلاف).
ثانيا أنا لما أجي أجرب تسارع العربية,تكون العربية علي وضع الثبات.وتظبط الجير بوكس علي الوضع الرياضي (s) وتقفل الـ ASR System وبعدين تبدأ في الإنطلاق.صدقني.رأيك هيتغير كتير.
ثالثا.الصانع الألماني ده مش ميكانيكي حرفيين في مدينة السلام عشان يعمل موتور 1600 ألماني كسلان للدرجة اللي سيادتك بتقول عليها دي,,,,و زي ما قولتلك ..هرفعلك مخصوص فيديو التسارع من 0-100 وتشوف بنفسك.أنا لولا الموضوع مش في دماغي أصلا لأني واثق في قدرات عربيتي اللي أنا دافع فيها فلوس ومش محتاج أشهد حد علي قدراتها كنت رفعته من زمان.لكن طالما ده رأيك فيا وفي العربية لا نرفع بقي وأمرنا لله.
رابعا..ولا تزعل نفسك خالص.لو مصمم علي رأيك.أوووك.الفانتازيا عربية بطيئة وكسلانة وشلل ومش سريعة.
والسيراتو والسيفيك واللانسر و الفيرنا والإلنترا يدمروها علي الطريق...أقولك علي حاجة.أنا هبيع العربية عشان متزعلش خالص يا سيدي.