الف مبروك ياباشا وربنا يباركلك فيها
هو فعلا بنك ناصر بنك محترم جدا ومتهيألي من احسن العروض بس مشكلته اجراءاته كتيره جدا ومعقده
وشكرا علي المعلومات المفيده دي ياباشا
الف مبروك ياباشا وربنا يباركلك فيها
هو فعلا بنك ناصر بنك محترم جدا ومتهيألي من احسن العروض بس مشكلته اجراءاته كتيره جدا ومعقده
وشكرا علي المعلومات المفيده دي ياباشا
الله يبارك فيكم جميعا :)
و بالنسبة للموضوع ان البيع ده مش اسلامي فأنا سألت كذا شيخ و قالولي طالما ان البنك هو اللي بيبيع العربية لي البنك بائع و أنا مشتري
فده ان شاء الله جائز و مفهوش اي شبهة لأن ده بيع السلم و الله أعلم !
مبروك عليك أولا ، وأنت بأي حال روحت حسب النية والله أعلم
أما خلاصة الموضوع هايتلخص في الرد على سؤالي
هل حضرتك دفعت للتوكيل أي مبلغ مقدم ولا أخدت من البنك شيك بالمبلغ كامل ثم سددت للبنك المقدم ؟
كلام سليم ولكن مين اللي قال لحضرتك ان كلام المشايخ اللي سألتهم بينطبق على حالتنا دي في بنك ناصر
أخي الفاضل راجع الكلام
أول شئ انك اساسا تمضي على ورق شراء وليس هناك سلعة موجوده ولا يمتلكها البنك علشان يبيعها لك علشان تقعد تخلص ورق مع البنكاقتباس:
مش مهم المشتري وظيفته ايه
المهم ( و هي دي أهم نقطة ) انك تعرف 2 موظف حكومي ( دكتور في جامعة - مدرس في مدرسة - ......)
لو ربنا أكرمك بالاتنين دول يبقا يلا بينا نروح بنك ناصر
أولا: الأوراق المطلوبة في البنك ( تجهزهم قبل ما تروح )
1- بالنسبة للاتنين ضامن
-2 صورة بطاقة شخصية (سارية) لكل واحد
-ايصال كهرباء فيه العنوان ( ممكن للوالد / للوالدة + شهادة ميلاد / ... )
-مفردات مرتب الضامن ( مختومة بختم النسر )
2- بالنسبة للمشتري
-5 صور للبطاقة الشخصية (سارية)
-الرقم التأميني مطبوع ( من أي مكتب تأمينات ) لفتح حساب جاري في البنك عشان الأقساط
-ايصال كهرباء
كده انت حتروح البنك و تسلم الورق ده ( من غير ما يروح أي ضامن معاك) انت بس :)
متنساش تاخد معاك دوسيه بلاستك أبو حديدة عشان يبقى ده ملفك عندهم
الموظف في البنك بقى حيديلك طلب (عرض السعر للسيارة من الوكيل ) ( و تقريبا كل ماركة سيارة وليها مكان للتعامل مع بنك ناصر والله أعلم )
حتدفع 40 جنيه استعلام مركزي + 10 جنيه مصاريف فتح الحساب الجاري
ثانيا: مشوار الوكيل - حتديلة الطلب و حتاخد منه العرض ( متنساش لازم يختمهولك )
عشان تاخد عرض السعر لازم تحجز سيارة باللون المطلوب و تدفع مبلغ (500 جنيه مثلا) يتخصمو من الثمن الكلي للسيارة و حتاخد عرض السعر بالمبلغ المتبقي
ثالثا: رجعنا البنك تاني و حنتكلم في الفلوس بقى :)
-يتم حساب أقل مقدم 15% من ثمن السيارة كما ورد في عرض السعر
-يمكن التقسيط حتى 90 شهر (7.5 سنة) بفائدة 6%
ثانيا الموظف بيعطيك طلب عرض من وكيل العربيه اللي انت عاوزها يبقى البنك لم يمتلك السيارة بعد ومش هو اللي بيشتريها حته وحتى لو هو اللي بيشتريها لك لازم تبقى ملكه قبل ما تقعد معاه وتتفق على سلعة ليست في ملكه علشان تتفق عليها وده بيع مالا يملك
ثالثا انت اللي اشتريت العربيه ولكن بقرض من البنك يسمى قرض شراء سيارة وهذه مسميات فقط فهو في الاول والأخر قرض انت اتفقت عليه مع البنك علشان تشتري سيارة
وليس ان البنك يبيع لك سثيارة يملكها وبيقسطها لك
===============
اخى الكريم المعاملة الحلال لابد من هذه الشروط فيها :
1- اولا لا يجوز ان تتفق على شراء سلعة ليست في حوزة من تشتري منه
يعني مينفعشي ابيع حاجه انا ممتلكتهاش ولا اتفق بورق على بيع مالا املك
2- لازم الجهة المالكة يكون ده مجال شغلها يعني شغاله في العربيات اساسا وانت رايح تشتري منهم عربية وهو بيقسطهالك من عنده لأنها بتاعته وليس بقرض من البنك ياخد هو الكاش وانت تسدد قرض البنك اللي هو قبضه زي ما اغلب المعارض بتعمل
وبعدين المواضيع قتلت بحثا في المشاركات دي هنا
http://www.nilemotors.net/Nile/5618-a.html
وهنا
http://www.nilemotors.net/Nile/24323-a.html
اللهم اكفنى بحلالك عن حرامك واغننى بفضلك عن من هم سواك
الف مبروك على العربيه
ان شاء الله انا عندى استفسارت لشراء سياره هبقى استفسر من حضرتك بعدين اما اشوف امكنياتى
وربنا يكرمنا كلنا
اللي حصل معايا كالآتي
روحت البنك و طلبت شراء السيارة
طلب عرض السعر من التوكيل
هناك طلبوا حجز لون معين عشان يجيبوا العربية ب 500 جنيه
تم خصم ال 500 جنيه من ثمن العربية اللى راح البنك في عرض السعر
كملت اجراءات البنك من الإتفاق على المقدم و القسط و مدته و ماليش دعوة بالتوكيل
اخدت محضر استلام من البنك و سلمته للتوكيل استلمت العربية
البنك طلب صورة الرخصة و شهادة بيانات العربية عشان يطلع فلوس التوكيل
معرفش اكتر من كده
بش انا سألت كذا شيخ عن ال 500 جنيه حجز قالوا مافيهاش مشكلة ان شاء الله طالما البنك اللي بيبيع العربية ليه
بيع السلم غير بيع العينة
بيع السلم (بفتح السين و اللام) بيع سلعة متوفرة في جميع الأسواق و ان لم تتوفر عندي انا حاليا ( مثل السيارات الجديدة)
بيع العينة(بكسر العين) بيع سلعة غير متوفرة إلا عند شخص بعينه ( مثل سيارة مستعملة تخص شخص معين)
بيع السلم حلال و بيع العينة حرام
و الله أعلم
العقد بيني و بين البنك عقد بيع سيارة ( مش قرض)
و ان شاء الله حأعرض الموضوع تاني من أوله لآخره على شيوخ ثقات
و رجاء لو حد يعرف حد و ممكن يسأله يا ريت يقولنا رأيه
بس بلاش أراء شخصية لو سمحتم جميعا في موضوع الحلال و الحرام
انا لما قلت حلال مكنش كلامي و الله كنت سألت فعلا كذا شيخ في عرض بنك ناصر بيع السيارة بالقسط
و الله المستعان
و جزاكم الله جميعا كل خير :)
الله يكون في عون حضرتك
لكن لو حضرتك سألت نوعية مختلفة من الشيوخ وقالوا لك مثلا ان المعاملة دي غير حلال .... يا ترى حتعمل إيه؟
مجرد ما قالك في فايدة قيمتها كذا ده اسمه ربا . وده تقسيط غير اسلامي