اوتوماستر

**toni** · 06-07-2010 04:55 PM

سلام عليكم يا اجدع شباب انا حجزت يوم السب الى جاى في اوتوماستر علشان اعمل صيانة ال 5000 كان نفسي اغير زيت فيسكو بس للأسف قالوا مينفعش اغير عندهم غير موبيل حتى لو انا الي جايب الزيت محتاج نصايحكوا بقى ولو حد جرب اوتوماستر ده الي قبل كده

**RimonWagdy** · 06-07-2010 05:18 PM

متــــــــــــــــــــابع بأهتمام ...

**RimonWagdy** · 06-07-2010 05:46 PM

المشاركة الأصلية كتبت بواسطة toni

سلام عليكم يا اجدع شباب انا حجزت يوم السب الى جاى في اوتوماستر علشان اعمل صيانة ال 5000 كان نفسي اغير زيت فيسكو بس للأسف قالوا مينفعش اغير عندهم غير موبيل حتى لو انا الي جايب الزيت محتاج نصايحكوا بقى ولو حد جرب اوتوماستر ده الي قبل كده

بعد أذن حضرتك ... هو انت اخترت يوم السبت بمزاجك ولا أقرب ميعاد حجز متوفر يوم السبت , ثانيا مواعيد العمل هناك من كام لكام . شكــــــــــــــــراً .

**toni** · 06-07-2010 06:40 PM

المشاركة الأصلية كتبت بواسطة rimonwagdy

بعد أذن حضرتك ... هو انت اخترت يوم السبت بمزاجك ولا أقرب ميعاد حجز متوفر يوم السبت , ثانيا مواعيد العمل هناك من كام لكام . شكــــــــــــــــراً .

انا اخترت يوم السبت وهما حددوا الساعة و مواعيد العمل كل يوم من 9 ل 5 حتى يوم الجمعة

**wael_dosoky** · 07-07-2010 12:07 PM

والله انا متعاملتش معاهم قبل كده بس لي واحد قريبي بيتعامل معاهم وبيقول انهم كويسين جدا
في إنتظار رأيك بعد ما تخلص معاملتك معاهم
انا اتعاملت مع المقر الرئيسي في ابو رواش وبصراحة معاجبنيش
وتعاملت مع العوض علي طريق الأوتوستراد وكانوا كويسين

**mikeflyer** · 08-07-2010 09:50 AM

سلام عليكم
بص يا سيدي اولا اوتوماستر مش محتاج حجز انا اصلا دلوقتي فيه علشان بعمل صيانة ال10000 كل الي انت محتاج تعمله انك تروح بدري شويه الساعه 9

وفعلا همه مش بيغيرو غير زيت موبيل 1 لأني كنت عايز احط الشل هايلكس بس قالولي مفيش غير موبيل 1

وفي صيانة ال5000 كل الي هيعملوه انهم هيغيرو زيت ويكشفو على الموتور والعفشه بتاعت العربيه ويربطوها لو محتاجه تربيط

ولو هتغير الزيت وتحط ال5000 كيلو خد معاك 180 جنيه (بس اعمل حسابك علشان لو في حاجه هتتغير غير كده)

واظرف ما في الموضوع ان عندهم واي فاي فا لو معاك لابتوب هتعرف تدخل على الانترنت تكلمنا من هناك زي ما انا بعمل دلوقتي

وبصراحه الناس دي محترمه جدا في التعامل بتاعها واعتقد انهم فاهمين بيعملو ايه
العيب الوحيد في الوكيل ده انك ممكن متشوفش العربيه بيتعمل فيها ايه حال كل التوكيلات في مصر بس واحد صاحبي قالي ان دي مش مشكله لأن عندهم امانه في شغلهم

انا اقصد اوتوماستر الحي السادس بالمناسبه علشان لو كان اكتر من فرع........

**mikeflyer** · 08-07-2010 03:55 PM

وسيادتك صيانة ال10000 عملت معايا النهارده 322 جنيه
واخدو 122 مصنعية ميكانيكا مش عارف حاسس انه كتير قوي على الي اتعمل
(تربيط عفشه ، كروسات عجل ، تغيير زيت ، تغيير فلتر بنزين ، زيادة ميه للريداتير)

لو حاسس انه كتير زي حلاتي كده مش عارف بقى يستحسن تسأل على نظام الخدمة السريعه الي في رابعه اسعارهم ايه

ولما سألت عن سبب الرقم الغريب قالولي ان صيانة ال5000كيلو بس هيه الي ببلاش من غير مصنعيه

**toni** · 08-07-2010 05:23 PM

ربنا يباركلك يا باشا انا بس عايز اطمنك فعلا اول صيانة بس هي الى مش فيها مصنعية
بس سؤال بقى انا في حاجات عايزهم يكشفوا عليها زي الشكمان لو في حاجه هل اوتوماستر ممكن يغيروا ولا لازم اروح منصور الهرم

**mikeflyer** · 09-07-2010 12:54 AM

انا لما رحتلهم قولتلهم على شوية حاجات طقه في الدريكسيون وزنه في العفشه على السلانسيه وكده ولما مشيت كان كله تمام
كل الي انت محتاج تعمله انك تكتب الملاحظات كلها في ورقه واديها للمهندس الي هيستلم منك العربيه واطلع فوق في الاستراحه وحظك لو حلو هيشتغلو في المكان الي انت تعرف تكشفه

انا بعد ما قعدت بحوالي ربع ساعه المهندس اتصل بيا عالموبايل وقالي احنا محتاجين نغير فلتر بنزين (مع اني محسوك قوي في البنزين ومش بحط من اي بنزينه ومش بحط الا 92)

ربنا معاك يا باشا وميطلعلكش مشاكل يارب