السلام عليكم ورحمة الله وبركاته ياريت تساعدونى فى نية الشراء فى العربيه دى بسرعه

**وسام** · 22-02-2008 11:47 AM

بسم الله الرحمن الرحيم... يجماعه ياأهل الدايو بعد الفادحه الكبرى وبعد فوات الإعصار وهروب الوحش الألمانى الأوبل فكترا منى والحمد لله على كل شىء قولت أشترى حاجه أقل شويه من الأوبل بس شوفت عربيه دايو إسبيييرو موديل 94 وهى 1500 سىسى كامله أتوماتيك..............................>أ� �جو منكم التقييم والتسعير والأراء وقطع الغيار وأماكن وجودها والنصيحه وكيفية الكشف مع العلم ان العربيه استعمال راقى وده قدام عنيه مش بيتلعب بيها وصيانتها كانت بتبقى فى الرواش ويااااااارييت اللى يعرف اى حاجه عن العربيه دى يتفضل يقول رايه بموضوعيه وشكرا ليكوا

**وسام** · 22-02-2008 04:19 PM

يجماعه ياأهل خبرة الدايو مفيش رد ولا ايه محتاج أرئكوا لو سمحت العربيه هتتباع وأنا عايز ردود بسرعه أنا مستعجل

**m7md_hany2** · 22-02-2008 04:37 PM

والله أنا معرفش حاجة عن السبيرو بس غامةكانت قدامي واحدة نضيفة قبل ما أجيب الشاهين و للأسف ربنا مسهلش ......... بس عامة مدام أنتا عارف أصلها و فصلها و عارف تاريخها أن صاحبها محافظ عليها .... و دي فرصة مبتجيش كتير أنك تبقي عارف العربية قبل ما تشتريها .... فا بص كدة علي رأي الناس في المنتدي عليها وشوف عيوبها و قرر

أسف عالاطالة و عدم الافادة ..... بس حتة أنك عارف العربية مع صاحبها الأصلي ديه هتوفر عليك بلاوي

و السلام عليكم

**eng_mkhalaf** · 22-02-2008 05:14 PM

العربية كانت مع واحد قريبى - وهية عربية كويسة وستايل خالص بس قطع غيار مش موجودة ونار ومش إى ميكانيكى بيشتغل بيها وقريبى بعاها علشان كدة وكمان حوت بنزين
نصيحة بلاش

**m7md_hany2** · 22-02-2008 05:37 PM

المشاركة الأصلية كتبت بواسطة eng_mkhalaf

العربية كانت مع واحد قريبى - وهية عربية كويسة وستايل خالص بس قطع غيار مش موجودة ونار ومش إى ميكانيكى بيشتغل بيها وقريبى بعاها علشان كدة وكمان حوت بنزين
نصيحة بلاش

تلاقيها عشان كدة الناس بتبعها رخيصة نسبيا .... أقلك علي فكرة .... أنا بالنسبالي لما جيت أفكر في عربية مستعملة و مكنتش مستقر و كله كان بيخوفني من قطع الغيار .... كتبت لستة بكام حاجة الواحد عارف أنها ممكن يحتاج يغيرها و أٍسأل عليها في التوفيقية مثلا لكل العربيات اللي في دماغك و اعمل مقارنة .... و ربنا يوفقك:)

**وسام** · 22-02-2008 06:01 PM

شكرا ليكوا ياجماعه بس هى العربيه نضيفه بس برده انا اكيد مش هسيبها الا لما أفلييييها حته حته بس متهيألى ان العربيه قطع غيارها موجوده فى الحرفيين او فى بورسعيد وكمان فى ميكانيكيه كتير اعرفهم بيشتغلوا فيها وازاى يامحمد حوت بنزين دى 1500 سىسى ......شكرا ليكوا ياجماعه والله بس أرجو مزيد من التوضيحات للعربيه وايه قطع الغيار اللى بتبقى دايما محل شراء وتبديل ؟؟؟؟؟؟؟

**وسام** · 22-02-2008 06:04 PM

اسف نسيت ان كمان هنا فى قسم الدايو مفيش كلام على العربيه دى كتير او يعتبر مفيش خالص غير مجرد راى غير توضيحى لأى حاجه زى باقى العربيات التانيه مثلا

**muslem** · 23-02-2008 03:41 AM

لو العربية مش منتشرة يبقي بلاش احسن اخى ربنا يوفقك

**وسام** · 23-02-2008 09:00 AM

ربنا يكرمك يامسلم..........هى بصراحه العربيه إنتشارها أقل نسبيا طبعا عن أخواتها من عائلة الدايو والله أنا محتار أنا قولت أجيبها مؤقتا

**MMamdouh** · 23-02-2008 01:34 PM

العربية مش منتشرة و بالتالى قطع غيار كتير ممكن متلاقيهاش بسهولة و لو لقيتها حتبقى غالية... و القطع اللى حتلاقيها فى الغالب هى القطع المشتركة مع اللانوس او النوبيرا و كدة

الاكسسوارات الخارجية (فوانيس و اكصدامات و رفارف و كدة) حتبقى قليلة جدا و غالية و حتضطر تجيبها استيراد و برضة حتبقى غالية

العربية شخصيا ممكن تكون حلوة جدا لكن مصاريفها حتبقى اعلى من اى عربية دايو تانية

MMamdouh