الشاهين لما بتشد ..... محدش بيقف قدامها

**m7md_hany2** · 22-02-2008 11:56 AM

أنا كنت بشوف حاجات كدة علي ال YOUTUBE , لأيت الفيديو داه للشاهين ... نفسي أعرف عامل ايه في متوره لو حد عارف ياريت يقول ........

http://www.youtube.com/watch?v=Sic_bGwcZrU

**m7md_hany2** · 22-02-2008 01:47 PM

أنا نفسي أعرف ايه اللي ممكن يكون معمول في الموتور ده عشان يعمل كده ؟؟؟

**رامى خيال** · 22-02-2008 02:50 PM

اعتقد انه مركب تربو

**m7md_hany2** · 22-02-2008 03:19 PM

المشاركة الأصلية كتبت بواسطة رامى خيال

اعتقد انه مركب تربو

لوكده هو مركب تيربو بس .. هاروح أركب واحد بكرة :D

**Xpert** · 22-02-2008 04:20 PM

غالباً مسقط مكنه زي الفلومكس او ال2.0 تيربو ...

**m7md_hany2** · 22-02-2008 04:26 PM

المشاركة الأصلية كتبت بواسطة Xpert

غالباً مسقط مكنه زي الفلومكس او ال2.0 تيربو ...

+1
أنا معاك في موضوع التسقيط ده ........

بس كنت عايز أعرف لو الواحد حطللها تيربو ..... اللي يركب الصغير والا المتوسط ... و ده كتكلفة اجمالية لو هغير بساتم للتيتانيم كمان عشان أزود الضغط براحتي ؟؟؟؟

و مشكور مقدما يا XPERT باشا

**Xpert** · 22-02-2008 04:36 PM

المشاركة الأصلية كتبت بواسطة m7md_hany2

+1
أنا معاك في موضوع التسقيط ده ........

بس كنت عايز أعرف لو الواحد حطللها تيربو ..... اللي يركب الصغير والا المتوسط ... و ده كتكلفة اجمالية لو هغير بساتم للتيتانيم كمان عشان أزود الضغط براحتي ؟؟؟؟

و مشكور مقدما يا XPERT باشا

ااه قلتلي .. تيتانيوم و بتاع .. انت هوس نيد فور سبيد جالك يا حج .. ههههه .. الكلام ده عايز امليميتد ماني ساببورت هههه
بص يا سيدي .. عند التفكير .. خليك واقعي .. و الواقعيه هنا في مصر .. "لم الليله" .. و عشان "تلم الليله" تعمل الاتي :
دور عند المستوردين علي مكنه كروما تيربو .. تمنها في حدود ال 4000 جنيه .. تكون كامله .. تغير التيربو بواحد اكبر ..(تمنه في حدود ال3000 جنيه لو جديد ) .. هاتركب المكنه عندك في الحوض علي فتيس ال131 عش النمل و كرونه 131 11/41 .. و تبقي كده الليله هاصت .. طبعاُ تغير الفتيس و الكرونه ده بعد ما اللي عندك يبوظ .. و لو عاوز تطلع مصلحه بيعهم قبل ما يبوظو .. حسب المبداء اللي سيادتك بتتبعه في حياتك اليوميه.. الافضل لو هاتركب مكنه 2.0 تيربو حديثه .. المكنه دي غالباً بتيجي من علي فيات كروما ..و هاتستحمل الهاي بووست و التيربو الكبير ..
الليله هاتكلف في حدود 10-15 الف (بزياده طبعاُ .. لازم تحسب الميزانيه + احتياطي تضخم هههه)

**m7md_hany2** · 22-02-2008 04:54 PM

......... شكرا علي الرد السريع

و بعد التفكير السريغ و أستخدام الألة الحاسبة : ان شاء الله هجيب فلتر بنزين جديد و فلتر هوا و أغير البوجيهات اللي عندي دلوقتة و الحمد لله علي كدة .... :d:d:d

مالها يا عم Xpert المتور بتاعها : 1400 Cc يعني بتاع 78 حصان كده قبل ال Loss :D و تمام أوي كده ....... تيتانيوم ايه يا راجل

:D

**Xpert** · 22-02-2008 04:58 PM

ماتنساش تغير زيت و تفول بباقي ال 100 جنيه بنزين ههههه
المشكله في التعديل انه مكلف جداً علي المدي القريب و البعيد .. بمعني ..
هاتحط 15 الف ناو لتسقيط مكنه و الات الجر .. و بعد كده بدل ما كنت بتفول بكثلاً 50 جنيه في الشهلا هاتفول ب 100 ..
بس الجري مزاج برضه (مش الجري علي الرجلين يعني ) هههه