رايكم في سيارة تمبرا 1991

**start_wow** · 07-07-2010 02:56 AM

مساء الخير شباب
ممكن اعرف عن السيارة تمبرا يعني هل هيا سيارة اعتمادية في السفر ومريحة في القيادة وقطع غيارها متوفرة ورخيصة وممكن الاقيها في اي مكان ولا صعبة وسعر قطع غيارها غالية..انا المعروض عليا السيارة كابراتير مش انجكشن موديل 91 وبعدين هل هيا سهلة التعامل من اي ميكانيكي ولا ايه؟؟ وشكرا ليكم مقدما

**amrseba** · 07-07-2010 05:05 AM

بص يا باشا التمبرا تتجاب حاله عشان غير كده هتتعب معاها

وهيا سياره جيده جدا

تتحمل السفر اكثر من اى سياره اخرى

قطع غيارها مش صعبه ولا حاجه وتوفره وكويسه وسعرها معقول مش رخييييص زى 128 ياعنى متوسط وهتلاقى كل حاجه فى عزبه شلبى و عند الكيلانى

وعربيه موفره جدا فى البنزين انا سفرت من السويس لاغيت اسكندريه ب 17 لتر

بتاخد زيت سعره حنين مش اكتر من 60 جنيه ياعنى انا بحطلها بتاع مصر للبترول

مريحه جدا وحسب الكماليات والتكييف وتقريبا بتبقى كامله والعربيه اهم حاجه الحاله عشان كل الى فى السوق حالتها وحشه جدا جدا جدا ولو لاقيت حاجه ام 29 الف لاغيت 32 بتبقى مهريه بمعنى الكلمه مهلوكه انا اعرف واحد العربيه مبتركنش ياعنى شغاله طول اليوم سفر وهلك وبتسحمل

وبقولك اشترى حاجه عاليه وحاله نضيفه وفيه عربيه بتبقى فبريكه بره وجوه

**adelco** · 07-07-2010 10:37 AM

المشاركة الأصلية كتبت بواسطة start_wow

مساء الخير شباب
ممكن اعرف عن السيارة تمبرا يعني هل هيا سيارة اعتمادية في السفر ومريحة في القيادة وقطع غيارها متوفرة ورخيصة وممكن الاقيها في اي مكان ولا صعبة وسعر قطع غيارها غالية..انا المعروض عليا السيارة كابراتير مش انجكشن موديل 91 وبعدين هل هيا سهلة التعامل من اي ميكانيكي ولا ايه؟؟ وشكرا ليكم مقدما

السلام عليكم
اهلا بيك
انا هقولك كلمتين بس
انا مشترى تمبرا 97 بقالى كام شهر
مش عاوز اقولك انى بحب العربيه لحسن تفهمنى غلط
بس انا بقالى كام يوم متضايق جدا لانى اكتشفت ان العربيه اوسع من اللازم لدرجه انى بفكر احط خداديه جنبى عشان الباب بينى وبينه مسافه وكمان بحاول ازنق الكرسي لادام وانزل الدركسيون لتحت يعنى عارف زى ما يكون واحد قاعد فى شقة واسعه وعاوز يحس بالضيق يقوم ينزل يعد تحت السلم حاجه كده من الحاجات اللى تخنقك اخر دلع يعنى
لكن لما ركبت فى عربيه صديقى ريجاتا امبارح عرفت قيمه الوسع بصراحه حاجه كده ملوكى
ربنا يوفقك ان شاء الله

**ZALABANY** · 07-07-2010 10:41 AM

عربية ممتازه بس فعلا اهم حاجه حالتها لو كويسه وتكييفها تمام وتكون 1600 مش 1400 يبقى توكل على الله وخش على الرابطه وعلى منتدى فيات هاتلاقي كلام كتير عنها

**heshamzaky** · 07-07-2010 12:49 PM

صباح الفل يا رجالة متشكرين يا خالد باشا بص يا باشا كل رجالة التمبرا قالو لك المختصر المفيد لو العربية 1600 سى سى و مش متهانة القرش الى حا تدفعة مردود لك مش ضايع فى الهواء و زلبانى باشا قال حاجة عجبتنى ادخل على رابطة مالكى و عشاق التمبرا و انت تعرف كل حاجة بس موديل 91 اعتقد و الله اعلم ان التكيف بتاعها اللوحة بكرة مش ديجيتال يعنى زى كدة

**adelco** · 07-07-2010 01:46 PM

المشاركة الأصلية كتبت بواسطة heshamzaky

صباح الفل يا رجالة متشكرين يا خالد باشا بص يا باشا كل رجالة التمبرا قالو لك المختصر المفيد لو العربية 1600 سى سى و مش متهانة القرش الى حا تدفعة مردود لك مش ضايع فى الهواء و زلبانى باشا قال حاجة عجبتنى ادخل على رابطة مالكى و عشاق التمبرا و انت تعرف كل حاجة بس موديل 91 اعتقد و الله اعلم ان التكيف بتاعها اللوحة بكرة مش ديجيتال يعنى زى كدة

السلام عليكم
ايوة يا h انا معاك
بس الموديل مش مهم اد ما هو مهم حاله العلربيه ايه
وانا قبل ما اشترى عربيتى مو 97
كنت بحاول مع موديل 91 1400 2 كامه مكيفه كامله كانت زيرو فابريقه بجد بس الحمد لله انا اخدت نصيبى
يعنى فى الاخلر اهم حاجه الحاله

**heshamzaky** · 07-07-2010 01:50 PM

أنا معاك يا عدولة المهم الحالة بس معلش ليا رأى كدة الزميل لم يوضح اى تفاصيل عن السيارة هل هى 1400 و لا 1600 سى سى و بعدين لو كانت موديل 91 ماشية فى مصر حا تبقى تعبانة لو العربية دى داخلة استيراد معاقين يعنى ممكن تلاقيها فابريكة جوة و برة المهم فعلا زى ما انت بتقول حالة العربية اية مش مشكلة سنة الصنع بس العربية دى ايطالى مش مصرى تجميع النصر للسيارات

**adelco** · 07-07-2010 01:57 PM

المشاركة الأصلية كتبت بواسطة heshamzaky

أنا معاك يا عدولة المهم الحالة بس معلش ليا رأى كدة الزميل لم يوضح اى تفاصيل عن السيارة هل هى 1400 و لا 1600 سى سى و بعدين لو كانت موديل 91 ماشية فى مصر حا تبقى تعبانة لو العربية دى داخلة استيراد معاقين يعنى ممكن تلاقيها فابريكة جوة و برة المهم فعلا زى ما انت بتقول حالة العربية اية مش مشكلة سنة الصنع بس العربية دى ايطالى مش مصرى تجميع النصر للسيارات

اكيد هيا ايطالى
انا بصراحه مش متاكد اخر الايطالى كام بس اظن 1996
اما بالنسبه لشركه النصر برضه مش متاكد بدات من 94 ولا 96
عموما ده معناه انها ايطالى وانها داخله معوقين بنسبه 99%
ويا ريت يكون اخونا بيشتريها من المعاق هتبقى لقطه ان شاء الله