مشكلة غريبة مش عارف لها سبب ولا حل؟

**samirayad** · 07-07-2010 10:15 AM

عموما هو أستخدم سلك تخين شوية

دا السلك التخين

أنيل من السلك الرفيع فى ضعف المقاومه الكهربيه

وحيخللى الشراره تطلع زى الفل ومنوره معاه

وحيقولك البوبينا دى

قوة قتل ثلاثيه

______________

نخليها قوة قتل رباعيه

علشان مخارج البوبينا الأربعه

**mohfud** · 07-07-2010 10:23 AM

المشاركة الأصلية كتبت بواسطة samirayad

أنا منتظر أجابتك على أسئلة أبو : يوسف

هباب أسود
دخان أبيض (تقريبا بنزين غير محترق لان فية ريحة بنزين قوية ظاهرة ) لما تنتش بس وألاحظ أن البستمين 2- 3 مش حارقين كويس
الزيت عندى تمام مش ناقص (موبيل 1)
العربية عمرها ما غيبت فى الدوارة الحمد لله
للتذكرة عند السحب والقرص كل المشكلات الذكرتها بتنتهى ثم تأتى من وقت لاخر زى ما يكون فير عفريت فى المكنة

**samirayad** · 07-07-2010 10:32 AM

عاوز تعمل شغل حلو فى المكنه وتتظبط أمورك

غير طقم سلوك بوجيهات ( أنا لسه مركب طقم كورى عندى ب 45 ج .........وشايل بتاع العربيه أحتياطى )

وغير طقم بوجيهات كمان بالمره

علشان تعمل تطهير شامل لدورة الأشتعال

وهات بوبينا تانيه وشغلها معاك شويه .........أيجار من أى ميكانيكى

قبل ماتشترى ( زيادة أمان )

ولو أن موضوعك واضح جدا

عيب بوبينا

**mohfud** · 07-07-2010 10:37 AM

السلك العندى مكملش سنة والبوجيهات بغيرها بإستمرار أما موضوع البوبينة فهحاول أشوف واحدة أيجار ولو أنى كنت عاوز أعرف من سيادنك أزاى أختبر البوبينا صح وأعرف أنها خلا ص هيست وقال أرحمونى يا قوم

**MMamdouh** · 07-07-2010 10:42 AM

كدة اما فيه جنب مش شغال فى البوبينا او الرشاشات بتوع بساتم 2 و 3 بيسيلوا

غير طقم البوجيهات و جرب... لو المشكلة هى هى بالضبط يبقى بوبينة.. لو اتحسنت و بمرور الوقت رجعت تانى تبقى رشاشات

MMamdouh

**samirayad** · 07-07-2010 10:45 AM

السلك العندى مكملش سنة والبوجيهات بغيرها بإستمرار

طيب المشكله دى كانت موجوده قبل ماتغير السلوك ولا لا

وبرضه أحنا خلاص أتفقنا أنك حتجرب بوبينا تانيه برضه

ولو أنى كنت عاوز أعرف من سيادنك أزاى أختبر البوبينا صح وأعرف أنها خلا ص هيست وقال أرحمونى يا قوم

طريقة الأختبار لقوة الشراره بالبلدى

لازم تتم ووسيلة نقل الفولت من البوبينا لجسم المكنه وقت الأختبار

بسلوك البوجيهات

مش أى سلك عادى كده

وأعتقد فيه طرق قياس لملفات البوبينا ممكن تعمل

بواسطة الأوم ميتر

بس خوته

وعاوزه متتخصص

وعاوزه داتا فنيه صح

وهى دى الطريقه العلميه الصح

____________________

والطرق بتاعتنا البلدى دى هى اللى شغاله فى الورش وماشى الحال

وخللى بالك البوبينا ممكن تبقى شغاله بحالات

شويه آه وشويه لا

لأن تصميمها الهندسى من جوه بيحتوى على وسيلة التقطيع لكل ملف من ملفاتها الأثنين

يعنى بالبلدى كده

بوبينة الدايو

عبارة عن بوبينتين ومشطين ألكترونين

جوه الجسم الأسود اللى بتشوفه ده

**mohfud** · 07-07-2010 10:51 AM

عملتها مرة واحدة و لما غيرت السلوك والبوجيهات أختفت تماما وبعد فترة رجعت لما كنت هتجنن والميكانيكية كل واحد برأى لدرجة مرة دخنت جامد شوية فواحد أقنعنى نعملها نص عمرة رحت سبتة ومشيت

**MMamdouh** · 07-07-2010 10:56 AM

المشاركة الأصلية كتبت بواسطة mohfud

أسف مش فاهم أن كنت بغير البوجيهات وكانت نفس البوجيهات بتهبب و2- 3 مش حارقين غير أن العربية عمرها مأ أخرت فى الدوارة والحمد لة ( وعزيزة ) لما تتعدل بتسحب زى الفل لذلك أستبعدت الرشاشات لكنى كنت عاوز اعرف أزاى أفهم أن الرشاشات بتسيل وهل دا ممكن يتشاف بالعين من برة وأزاى أختبر البوبينا وأعرف أن فيها جنب مش شغال
وشكرا لتعبك معايا يا هندسة

لما كنت بتغير بوجيهات كان بيحصل تحسن و بعد كام يوم ترجع تانى ولا كانت بتفضل هى هى؟؟

MMamdouh

-

-

الموضوع: مشكلة غريبة مش عارف لها سبب ولا حل؟

LinkBack

أدوات الموضوع

عرض

-

-

-

-

-

المواضيع المتشابهه

حصلت حاجة غريبة معايا انهارده مش عارف ايه هى

حاجة غريبة مش عارف ايه هياا //?

رسالة غريبة جاتني على الموبايل و مش عارف أعمل إيه

حاجة غريبة ومش عارف تفسيرها

مقارنة غريبة انا عارف بس انا فعلا محتارF3وPersona

الكلمات الدلالية لهذا الموضوع

المفضلات

المفضلات

ضوابط المشاركة