الموضوع: حاجة غريبة ومش عارف تفسيرها

المشاركة الأصلية كتبت بواسطة rompo6

اعتقد ياباشا ان الكيك داون مش بيشتغل والعربيه لسه طالعه دا عند في الاوبل ماعرفش في البي ام مختلف ولا لا وعلي فكره ممكن يكون عيب بنزين وبالنسبه للخبطه ممكن توضيح ليها اكتر

حضرتك فهمتني غلط..العربية مكانتش لسه طالعة من الثبات..كانت ماشية و عملت كيك داون علي مطلع الكوبري ( وأنا طالع الكوبري ) محستش إنه شغال..بالنسبة للخبطة.. العربية بتكون واقفة في إشارة مثلا ومديها d ودايس فرامل...الإشارة تفتح أشيل رجلي من علي الفرامل تبدأ في الحركة بالراحة..أدوس بقه بنزين عشان أنطلق..في بداية الإنطلاق ده بحس بخبطة من الخلف وبتسمع في نص العربية تقريبا..أنا مش عارف أحدد مكانها بالظبط بس بحس بيها.وعلي فكرة هي مش بتحصل بصفة دائمة..ساعات وساعات.

طيب بالنسبة للسحب لو عيب بنزين أعمل إيه..لأن اللي أنا عاوز أوضحه إن صاحب العربية دي كان بيحط بنزين في كرداسة..لأنه كان ساكن هناك..والمحطات هناك سوري يعني زباااااااالة..فأنا واثق إن في وساخة في دورة البنزين كلها.أعمل إيه؟ أنا آسف علي الإطالة.

طيب حيث إن الناس هنا بجد قلقتني جدا وخوفتني..لأني مش ناقص مصاريف يعني..

بس عاوز بس أعرف هل لو المشكلة فعلا في عمود الكردان زي ما الناس بتقول..تصليحه مكلمف.يعني موضوع الصلايب والكراسي ده غالي يعني؟ وهل لو مشيت بيها كده بشكل مؤقت يعني في مشكلة؟