الموضوع: يأتى فجأة

المشاركة الأصلية كتبت بواسطة abd_el_7amid

السلام عليكم ورحمة الله
بالامس كنت مع والدى واخوتى لمناقشة موضوع عائلى .... المهم فى وسط الكلام قالى ان مصطفى مات
طب مين مصطفى؟؟؟؟
قالى على كلمة كدا كان دائما بيقولها فعرفته... كان من زمان تقريبا سنة 99 كنت فى السنة الثانية فى الكلية وكنت بلعب بلاى ستيشن كتير وكنت بقابله هناك كان ساعتها صغير .. يعنى تقريبا عمره الان 23 او 24
طب مات ازاى؟؟
كان فى مصيف فى الاسكندرية وهوا مبيعرفش يعوم ... المهم كان جنب صخرة ... ومش عارف يطلع .. فراحوا بسرعة وجابولوا حبل لكن معرفش يمسكه ... جات موجة عالية وبعدها اختفى .. وبعدين ظهرت جثته بعد 4 ساعات .. المهم انتشلوها .. وتم الدفن ببلده. ربنا يرحمه
عرفت انه لسه متزوج وزوجته حامل.. انا كنت كل ما اروح لزيارة والدى و والدتى ... للاسف معظم الوقت اجده على القهوة
ومش عارف ان كان بيصلى ولا لأ... فسبحان الله انا من ساعة ما عرفت الموضوع دا امبارح وانا زعلان جدا ... وتعبان
بصراحة مش عشان وفاة مصطفى 100 فى 100 لكن عشان الموت اللى بيأتى فجأة .. ولا يميز بين كبير وصغير ولا يميز بين مطيع وعاص ...
وصيتى اليكم احبائى الكرام
الله الله فى الصلاة ( ياللى ما بتصليش الحق صلى .. وياللى بتاخر الصلاة .. صلى فى الميعاد)
كفاية سجاير ( مضيعة للصحة وللمال والوقت وفوق دا كله معصية لله.. واذية للناس و للملا ئكة)
كفاية اغانى ( لم يحلها احد من الائمة الاربعة... بالاضافة للعلماء المعاصرين)
كفاية اطلاق للبصر ( على كل واحدة رايحة وجاية فى الشارع ... فى المصايف... فى الشاشات )
والله لتقوى الله خي من هذا كله.... واللى خلانى اكتب الموضوع دا ... انى نفس الحق الناس قبل مايتحاسبوا وقول لهم والله ماتسوا الدنيا .. الا العمل الصالح اللى بنجمعه للاخرة

بسم الله الرحمن الرحيم

( حم ( 1 ) تنزيل الكتاب من الله العزيز العليم ( 2 ) غافر الذنب وقابل التوب شديد العقاب ذي الطول لا إله إلا هو إليه المصير ( 3 ) )

اللهم اغفر لنا ما قدمنا وا اخرنا وما انت اعلم به منا

أنا معاك في كل ده بس الأغاني مش حرام والفن في حد ذاته مش حرام ان لم ينهي عن طاعة الله ... يعني الموسيقى والرسم مش حرام الا الفاسد منها. وده رأيي الشخصي

انا لله وانا اليه راجعون
اللهم ارحمنا واغفر لنا وتوب علينا