العربية اتجننت أرجوكم أفيدونا

**SkyBird** · 07-07-2010 02:09 PM

انا بستعمل زيت كالتكس

زيت كالتكس زيت احادي ثقيل
وطالما معمر الموتور ابقى غير بزيت تخليقي موبيل وان او موبيل xhp ومتنساس تغي الفلتر علشان ياخد رواسب العمره

**kamatsho** · 07-07-2010 05:00 PM

المشاركة الأصلية كتبت بواسطة f_i_gawish

شكرا للرد
المشكلة ان العربية بستلمها من الميكانيكي كويسة وبمشي بيها وممكن اروح بيها مشاوير طويلة لكن لما تبات مش يتدور الصبح
لو مشكلة بوجيهات هتظهر وانا ماشي بيها

كان عندى نفس المشكله ودا عندى كان عيب بطاريه مش اكتر كانت خلاص جابت اخرها

عشان تتأكد انها بطاريه او لاء هتعمل حاجه كويسه

بعد ما تخلص مشوارك وتبطل العربيه شغل الكاسيت 10 دقائق كدا وبعدين حاول تدور العربيه لو مرضيتش تدور يبقى المشكله عندك مشكله بطاريه او الكابلات بتهرب شحن من البطاريه

جرب وقولى النتيجه ايه

هذا والله اعلم

**dondark** · 10-07-2010 12:21 PM

طيب بص على مشط الكهربا......
ممكن يكون السبب عندى كانت الاعراض قريبة من دى وكان السبب المشط فى الاخر
مش تدور وبعد 10 دقايق او حاجة تدور مع نفسها
تنتش وانت ماشى كأنها عايزة تبطل
تحسها مجنونه وشوية تبطئ وشوية تشد حيلها
ناقص تشتم الناس وهى ماشية لوحدها ههههههههههه

**f_i_gawish** · 11-07-2010 10:46 AM

السلام عليكم
شكرا لكل من حاول المساعدة
الحمد لله المشكلة اتحلت
يوم الجمعة حاولت أدور الصبح طبعا مرضيتش تدور قمت جايب الميكانيكي يثبت حالة
بعد الكشف على العربية لقى دورة البنزين طبيعية والكهربا شغالة كويس وان مفيش اي حاجة مش طبيعية غير ان الموبينة بتسخن بطريقة زيادة
اقترح عليا أجيب اسبراتير وموبينة جداد، فنزلنا الوكالة وجبت اسبراتير وموبينة الكتروني
ومش عايز أقولكم العربية بقت ما شاء الله حاجة تانية ومعظم المشاكل اللي كنت بعاني منها اتحلت والحمد لله