التيريوس

**kshussein** · 07-07-2010 10:57 AM

حد يعرف عيوب التيريوس وهل زى ما سمعت انها غير ثابتة على السرعات العالية ارجوا من السادة حد يدلنى

**أبو عبدالله** · 07-07-2010 12:48 PM

القديمة ايوه
الجديده لأ

انت تقصد انهي فيهم ؟؟؟؟

**م. حاتم السباعي** · 07-07-2010 10:04 PM

انا معايا الvxr جديدة 2010 ولسة عامل صيانة الالف من كام يوم وطبعا مكنتش بجري قبل الصيانة بس بصراحة عندي خوف من الجري بيها فوق سرعة 110كم وحاسس انها مش معمولة لذلك حتي ان الدليل به تحذير من اخذ الملفات علي السرعات العالية وطبعا ده بسبب ارتفاعها عن الارض وعموما لايوجد في مصر كلها غير طريق واحد او اثنين بسرعة ال120كم وربنا يستر لحضرتك طريقك
م.حاتم السباعي

**mohamed_selim** · 12-07-2010 01:25 PM

اى عربيه عاليه لازم تاخد بالك فى الجرى خصوصا لما يكون فى هوا او ملفات مهما كانت بسيطه
على رأى واحد صاحبى كان بيقولى لما تجيب عربيه عاليه غصب عنك طريقة سواقتك هتختلف سواء تيريمس او كارنز او لاندكروزر

**mohammedfat80** · 12-07-2010 02:24 PM

أحلى حاجة فى العربيات العالية إنك تاخد المطبات والحفر وإنت سعيد وطبعاً إحنا معندناش شوارع دول شوية حفر ومطبات ووصلوهم ببعض فبالتالى مافيش مجال للسرعة اساساً

**shawkats** · 13-07-2010 02:19 PM

العربيات العالية حتي الشيروكي بتبقي خطر علي السرعات العالية و خصوصا في الملفات و الهوا الشديد لكن غير كده التيريوس عربية فعلا رائعة و ممتازة و متوافقة مع بعضها انا عندي تيريوس gxr موديل 2010 و عاملة 2000 كم

**marmoraessam** · 13-07-2010 05:29 PM

طيب بعد ازنكم هاسالكم على حاجه
انا لسه مش متعلمه سواقه وخايفه اشترى زيرو ويتخبط منى
فكرت اجيب تريوس
هل ماركه الدايهتسو كويسه وسمعتها كويسه ولا لو فى يومحبيت ابيعها هاخسر كتير
ثانيا انا لقيت واحده تريوس 2008 ب 47000 وعامله 9000 كيلو
هى كده مش رخيصه يبقى تقلق ولا لا لانى معنديش ادنى خبره فى العربيات
ثانيا موضوع السرعه مش هايفرق معايا لانى كده كده هاكون متعلمه جديد وخايفه امشى بسرعه عاليه
اسفه انى طولت بس ياريت اللى يعرف يساعدنى يقولى رايه

**shawkats** · 14-07-2010 04:27 AM

إلي الأخت صاحبة السؤال هي الدايهاتسو ماركة محترمة و التوكيل بتاعها و الصيانة برضه ناس محترمين و هي ياباني بالطبع و انت عارفة الياباني ده من أحسن العربيات

بالنسبة للسيارة اللي بتتكلمي عليها لازم توديها التوكيل يعملو ليها تقرير لأن صعب أوي 2008 و ماشية 9000 كم و السعر ده قليل عليها معني كده ان ممكن تكون فيها مشكلة يا ريت ما تتسرعيش في شرا العربيات و خصوصا لو مستعملة

, اخيرا ربنا يوفقك في الإختيار المناسب