لا مباشر من صاحب العمل وشكرا ليك علي الرابط المهم انهم خادو كل الورق العندى في الشركة طبعا اى حاجه كنت بمضى عليها عندهم دلوقتي
ده غير طبعا الكلام الحيتقال من قليل الاصل وكده لو روحت واشتكيت في مكتب العمل
عرض للطباعة
لا مباشر من صاحب العمل وشكرا ليك علي الرابط المهم انهم خادو كل الورق العندى في الشركة طبعا اى حاجه كنت بمضى عليها عندهم دلوقتي
ده غير طبعا الكلام الحيتقال من قليل الاصل وكده لو روحت واشتكيت في مكتب العمل
بص حا يقولو كدة و فى النهاية انتم الاثنين مزنوقين فى بعض بمعنى هما علشان يقفلو التأمينات بتاعتك لازم اما انهم يعملة زى اغلاق نشاط و بكدة لازم يخلصو معاك او انك تكتب استقالة و تمضى على استمارة رقم 6 علشان يقفلو التامينات بتاعتك و زنقتك انت انك ممكن تبقى عايز استمارة 6 علشان تشتغل فى مكان تانى فهمت فصدى
اكيد طبعا فاهم قصدك وانا يهمني ان اخرج من عندهم وكمان اخد منهم براءة ذمه
بص يا باشا معلش التصفية دى يعنى كل الورق على المكتب مرة واحدة سلم و استلم من حقك شهادة خبرة و ما اودعتة لديهم من اوراق شهادات ميلاد و خبرة و شهادة الجيش الخ و اخلاء الطرف و بعدين تكتب استقالتك و تمضى عليها و تمضى على استمارة 6 و بعدين هما حا يودوها مكتب التأمينات لرفعك من على شاشة التأمينات و بدوها لك مختومة من التأمينات و دة خلال يومين مثلا
طيب متنوي خير وتفتح لنفسك مكتب استيرا وتصدير لنفسك جايز ربنا يكرمك ويبك من الشهرين بتوع كل سنه يعني هيطلعلك كام 1800 نيه استعوض ربنا فيهم وبص قدامك وشوف انتا اتعلمت ايه من الشركة وطبقه لنفسك هنيقن انك كنت في مدرسة تعليم وانتا المستفيد
معلش يا جماعة انا لما كنت بقول رأيى للزميل انا حاطط فى الاعتبار حاجات كتير منها مثلا لو انت مسؤل عن اسرة و بيت يعنى عندك مصاريف بيت مفتوح مش عايش فى بيت العائلة مثلا و الحاج قائم بالواجب و زيادة لو انت مسؤل عن اسرة و بيت مفتوح لازم اتمسك بحقى يعنى مش اجامل مرات صاحب الشغل و عفوا استلف فلوس من حد علشان اعيش لغابة ما الاقى شغل لآ يبقى معى ما يكفينى حتى نقلة على عمل جديد دى كانت و جهت نظرى
و على فكرة بحسبة بسيطة مستحقاتة حوالى 9000 جنية و معلومة اخرى يتم صرف نقدى لبدل ما هو مستحق لك من رصيد اجازات عن اخر 3 سنوات عمل الكلام دة فى قانون العمل
استاذ هشام كتر خيرك بجد بنسبه البيقول افتح شركه يا باشا منين الجاى علي قد الرايح انا فعلا متمسك بحقي برده عندى اسرة ومش شرط اكون متزوج يعني بس في ناس مسئولين مني وربنا يسترها مع الواحد يارب
ربنا يوفقك لما فية الصالح و زى ما بقول لك حاول انك تخلص بالحسنى بس هما لازم يفهمو انك عارف حقك و الا علية العوض و منة العوض بس مش بصورة استفزازية او تهديدية و لكن عفوا يعنى شد و رخى و اكيد معلش الفلوس دى حا تنفع لحين الانتقال الى عمل اخر على الاقل لن تضطر الى قبول عمل مش عاجبك للحجة المادية لو معاك الى تصرف منة لغاية ما تلاقى فرصة حلوة حا يخليك مطمئن نفسيا اكثر و اختيارك يكون مش بلهفة الغريق الى حا يتعلق بقشة اعذرنى لو كان كلامى ناشف شوية بس و الله انا بقولك الحقيقة عارية دون اى زواق