الموضوع: ابوس ايديكم مساعدة لوجه الله ضرورى جدا

المشاركة الأصلية كتبت بواسطة mmamdouh

انا مش مقتنع بموضوع الترس اللى اتغير فى العداد دة


اشترى طقم عدادات بالكيلومتر عشان يبقى القياس شرعى و بعد كدة نتكلم

اصل العربية لا بتاكل بنزين ولا رشاشاتها وحشة ولا فيها تسريب... يقى يا اما حد بيسرق منك بنزين يا اما العدا دة لسة بالميل و اللى قالك حوار الترس دة اشتغلك فى 100 جنية... اصلا طقم العدادات ب 150 او حاجة كدة

mmamdouh

والله يا استاذ محمد ده اللى حصل فعلاً فك طقم العدادت شال ترس وحت ترس تانى وركب واخد 100 والواد الصبى اخد 5 جنيه ،
والبنزين بركن فى جراش الشركة و ولما بروح فى الجراش بتاع العمارة ، وهنا امان وهناك برضه امان 0
طيب دلؤت اعمل ايه اغير العدادت ولا اغير وحدة التحكم 0
يارب يكون البشمهندس سمير كمان لسه موجود 0

المشاركة الأصلية كتبت بواسطة samirayad

والله أنا جاتلى فكره حلوه برضه

علشان برضه نزيل الشك من موضوع العداد ده

ماهو ممكن يعتمد على الكيلووات على الطريق ( الترقيم الكيلومترى )

بحيث يعمل مشوار من الأسماعيليه للقاهره مثلا رايح جاى

ومعروف حيبقوا كام كيلو ....نقول 230 كم مثلا ( رايح جاى )

ومع التفويل قبل وبعد الرحله

بكده حنعرف العداد أتصلح صح ولا لا

عشرة على عشرة يا بشمهندس
وكمان ممكن اركب وحدة التحكم الجديدة وبكده يبقى بجرب الاتنين ، صح كده ولا انا هعك ؟؟؟؟؟؟؟؟

وكمان ممكن اركب وحدة التحكم الجديدة وبكده يبقى بجرب الاتنين ، صح كده ولا انا هعك ؟؟؟؟؟؟؟؟

مفيش عك ولا حاجه لاسمح الله

بس خد الأمور واحده واحده

نطمن الأول على أن العداد أتصلح صح ولا لا

وموضوع وحدة التحكم أهو معانا

يعنى خللى التجربه على مرتين

مره لأختبار صلاحية العداد من عدمه

ولو حصل خير وتقييمك مكنش صح

وطلعت الحسابات صح بالأعتماد على المسافه الكيلومتريه

تبقى خلصت وعرفنا السبب الحقيقى

__________________

لو لسه العمليه برضه مش مظبوطه

يبقى حتعمل مشوار تانى بوحدة التحكم البديله

عاوزين نعرف برضه

الفوله فين

طيب معلش يا بشمهندس ، سؤال هو الطبيعى بتاع عربية 1500cc اوتو ماتك ، ومن غير تكيف المفروض تعمل كام ، الطبيعى يعنى لو العربية مظبوطة فى حدود كام ؟ جوه البلد وعلى سفر

يعنى

بالنسبه لظروف عربيتك

وكيلواتها الكبيره وأنها أوتوماتيك

نقول
لو عملت معاك جوه البلد 150 كم فى الصفيحه

وعلى السريع ( بدون تكييف ) 200 كم فى الصفيحه

تبقى ممتازه ومعقوله جدا

بس كده مش قليل يا بشمهندس على عربية cc1500 ، وخصوصاً ان كل السرفيس بتاع العربية بيتعمل فى ميعاده ؟

طيب بس يبقوا كده

دا تبقى ميت فل وأربعتاشر

أنت ناسى أن فيه فتيس أوتوماتيك

شغال بقاله 200 ألف

يعنى كلاتشاته مهريه

وممكن يكون ليه دور كبير فى زيادة الأستهلاك دى

أو يكون هو سبب رئيسى فى زيادة الأستهلاك

________________________

دى حاجه ونسبة كبس المكنه حاجه تانيه

وغيره

يعنى فيه عوامل أستهلاك برضه

بس أهمهم الفتيس حاليا

وده عيب الأوتوماتيك على فكره

بيبقى نقل القدره من المكنه لمجموعة الجر فى أسوأ حالاته

مع تقادم عمر الفتيس

أما فى المانيوال

بنديها عمرة دبرياج ........بتتروق الأمور على طول

وكل اللى بيطلع من المكنه من قدره بيروح لآلات الجر

بدون أى خسائر أو فقد