بروتون برسونا الاوتوماتك 92000ج ام صنى اوتوماتك 92000ج

**Raul_7** · 16-07-2010 05:13 AM

بما إن واحد صاحبي عنده sunny ex 2009 وأنا عندي Gen.2 هعلق على بعد النقاط.

المشاركة الأصلية كتبت بواسطة amrseba

اولا التنين تقفيلهم مش بالمستوى ياعنى لا كويس اوى اوى اوى ولا وحش اوى اوى اوى انا تقيمى ليه جيد مرتفع وده للصنى

الاتنين ثابتهم كويس جدا -- تمام.

الخامات داخليه و الخارجيه بتاعت الصنى اقوى واحسن -- الخامات الداخلية بتاعت ال ex 2009 عادية جدا. إلا لو فيه تحسن في 2010.

توكيل نيسان افضل من عز العرب بكتييير -- معاك إنه أحسن, مع إني مشفتش لحد دلوقتي حاجة وحشة من عز العرب.. (يا رب دايما).

عربيه ممتازه و اعتماديه ويابانى مش زى البروتون ماليزى -- سيبك من ياباني ديه مبقتش مقياس, عربيات كتير ياباني عمالين يسحبوا عربياتهم من السوق لعيوب صناعة... وبعدين مافيه بروتون كتير في مصر من 2000 وشغالين تمام لحد دلوقتي.

الفتيس الاوتو الاتنين كويسين عشان الفتيس بتاع البرسونا فتيس ميتسوبيشى -- تمام.

شكل التابلوه بتاع الصنى احسن بكتير من البروتون -- بتاع ال ex 2009 عادي جدا برده, وبصراحة شايف الجين أو البرسونا أحسن. (أذواق)

العفشه بتاعت الصنى جميله انا معرفش بتاعت البرسونا -- الجين عندي عن تجربة عفشتها أحسن من ال sunny ومابتدبيش الدب الي ال sunny بتدبو.

تداول الصنى افضل واعاده بيعها افضل عشان تقريبا هيا بنفس مستوى لانسر فالى بيزهق من انتشار الانسر و شكلها القديم بيجيب الصنى -- تمام وإن كان سعر اعادة بيع البروتون ابتدى يتحسن كتير.

اداء الصنى جميل وسحبها ممتاز ركبتها صاحبى جاب بيها 170 وهو كان خايف على العربيه جدا -- عن تجربة الجين أفضل برده في التسارع والثبات.

قعدتها مريحه فيها ايبى اس و اير باج وكماليات عاليه شكلها احسن من البرسونا وده رأى و زوقى شكل البرسونا مش راكب على بعضه الجين 2 احسن -- يا راجل! ده شكل ال sunny الجديدة كأنها من التسعينات ولا أول الالفينات, حتى وإن كنت شايف إن الجين شكلها أحلى, شكل البيرسونا عصري أكتر من ال sunny الجديدة. لو كنت بتقارن بال sunny الشكل القديم كنت قلتلك ماشي بس الجديدة ديه معرفش إزاي جالهم قلب ينزولها. وعموما هي اذواق في الآخر.

وخلى قدامك ديه يابانى وديه ماليزى بس وعلى فكره فى كذا مقرنه قبل كده الصنى هيا الى كسبت -- مش شرط زي ما قلت قبل كده.

وعلى فكره التقفيل المصرى الى مش عاجب الناس انا شايفه كويس جدا والعربيه كويسه ومش باين عليها التقفيل المصرى يا عم المرسيدس بتقفل فى مصر -- معاك برده في النقطة ده لأنها مش فارقة قوي.

**ahmad--ezzat** · 16-07-2010 05:14 AM

صنى طبعا افضل

**tarekfar** · 16-07-2010 04:56 PM

انا ما عرفش البروتون بيرسونا لكن الصني عربية رائعة عن تجربة من خلال عربية أخويا موديل 2006 الشكل القديم سوبر صالون وسقتها السنة اللي فاتت لحد العلمين ، عربية ممتازة جدا وشكلها حلو وبتسحب وفيها ثبات عالي ، مشكلتها من وجهة نظري انها في المطبات بتسمع صوت هبد جامد لكن اعتقد عفشتها كويسة بس من الآخر الصني عربية حلوة فعلا

**أبومعاذ** · 17-07-2010 09:03 AM

كان معانا زميل معاه الصني وكان عايز يبيعها عشان يجيب جين2 بس للاسف الصني مجابتش السعر اللي هو عاوزه عشان اعادة البيع في الصني مش حلوة أوي المهم هو جرب عربيتي وقال بالحرف مفيش وجه مقارنة بين الاتنين وكان مقتنع تماما ان الجين2 افضل من الصني بمراحل ودي بعض النقاط اللي هو علق عليها:
الصني عفشتها أنشف وبتدب عن البيرسونا ورغم كدا البيرسونا هتلاقيها أثبت على السرعات المختلفة
الموتور رغم انه المفروض في الصني أقوى بس التجربة بتقول إن البيرسونا بتطلع من الصني ودي مش تجربتي دي تجربة كذا حد معانا في المنتدى وزميلنا دا لما ساق العربية كان بيشكر في السحب جدا
الوسع الداخلي في الجين2 أفضل من الصني رغم إن الشكل الخارجي للصني يوحي بعكس ذلك يعني الراجل رجع الكرسي اللي قدام لحد قبل الاخر (كان مقعد واحد صاحبه طويل قدام) ودخل قعد ورا مستريح وقالي مينفعش تعمل كدا في الصني لو واحد طويل قعد قدام شكرا
بالنسبة للشكل دي أذواق بس أنا شايف الصني كلاسيكية أكتر يعني تنفع لراجل كبير لكن البيرسونا مناسبة لأعمار مختلفة وشكلها أحلى في رأيي
البيرسونا أحسن قيمة مقابل السعر هتلاقيها وإن شاء الله مش هتندم
في الأخر حضرتك استخير قبل ما تشتري اي واحدة فيهم

**ahmad--ezzat** · 17-07-2010 08:49 PM

المشاركة الأصلية كتبت بواسطة DR.almaghraby

مممممممممم انا مش فاهم الي بيقولوا صني طبعا دا علي اي اساس !!!

ما علينا ...

العربيتين حلوين علي فكرة

لكن البرسونا احلي و احدث و اشيك و موتور اقوي و عفشة مالتي لينك و اثبت و انعم من ورا ........

الصني حلوة جدا برده لكن البرسونا ليها رونق و مذاق تاني

الصنى يابانى وعمر افتراضى اعلى اكيد
توكيل احسن
مضمونه اكتر
سعر اعاده بيع احسن
والصراحه النيسان اضمن من البروتون فى خدمه ما بغد البيع

تأكد ان مفيش اى انحياز

**mido_soliman** · 17-07-2010 09:02 PM

المشاركة الأصلية كتبت بواسطة ahmed_nubira

الصنى يابانى وعمر افتراضى اعلى اكيد
الصنى يابانى متقفلة فى مصر والبرسونا ماليزى متقفلة فى ماليزيا تفتكر انهى احسن يابانى مخبوط فيها مفك مصرى ولا جاية كلها من بلدها :)))
العمر الافتراضى مع احترامى لحضرتك مينفعش يتقال مفيش حاجة اسمها عمر افتراضى اعلى دة بناء على اية ؟ العمر الافتراضى يختلف ما بين سائق واخر مش عربية والتانية ممكن الصنى تعود معايا 5 سنين وتفوت منى وتعد مع واحد تانى 15 سنة ومتحتاجش عمرة ونفس الكلام على البرسونا وبالتالى العمر الافتراضى دى كلمة زيها زى اليابانى لجعل هناك افضلية وخلاص ومحدش عارف حاجة
توكيل احسن (بناء على اية جربت توكيل عز ؟؟؟ انا مجربتش توكيل نيسان لكن مشوفتش حاجة وحشة من توكيل عز حتى الان والحق يقال )
مضمونه اكتر (يعنى اية ؟؟؟؟؟؟؟؟؟؟؟؟؟؟؟ بردة كلام مش مفهوم الغرض منة زيادة النقاط وخلاص من غير منطقية )))
سعر اعاده بيع احسن (دة من امتى الكلام دة الصنى سعر اعادة بيعها اى كلام وانزل السوق وانت تعرف وعلى فكرة المفك المصرى اللى قلتلك علية موقع سعرها فى الارض )
والصراحه النيسان اضمن من البروتون فى خدمه ما بغد البيع

تأكد ان مفيش اى انحياز

اشك مليون فى المية :)))))

تحياتى ليك

**M.almaghraby** · 17-07-2010 09:04 PM

اتفق معاك فالتوكيل و خدمة ما بعد البيع.....

لكن المميزات فالبرسونا تطغي علي الصني " في رأيي"

**ahmad--ezzat** · 17-07-2010 09:26 PM

المشاركة الأصلية كتبت بواسطة mido_soliman

الصنى يابانى متقفلة فى مصر والبرسونا ماليزى متقفلة فى ماليزيا تفتكر انهى احسن يابانى مخبوط فيها مفك مصرى ولا جاية كلها من بلدها :)))
العمر الافتراضى مع احترامى لحضرتك مينفعش يتقال مفيش حاجة اسمها عمر افتراضى اعلى دة بناء على اية ؟ العمر الافتراضى يختلف ما بين سائق واخر مش عربية والتانية ممكن الصنى تعود معايا 5 سنين وتفوت منى وتعد مع واحد تانى 15 سنة ومتحتاجش عمرة ونفس الكلام على البرسونا وبالتالى العمر الافتراضى دى كلمة زيها زى اليابانى لجعل هناك افضلية وخلاص ومحدش عارف حاجة
(بناء على اية جربت توكيل عز ؟؟؟ انا مجربتش توكيل نيسان لكن مشوفتش حاجة وحشة من توكيل عز حتى الان والحق يقال )
مضمونه اكتر (يعنى اية ؟؟؟؟؟؟؟؟؟؟؟؟؟؟؟ بردة كلام مش مفهوم الغرض منة زيادة النقاط وخلاص من غير منطقية )))
(دة من امتى الكلام دة الصنى سعر اعادة بيعها اى كلام وانزل السوق وانت تعرف وعلى فكرة المفك المصرى اللى قلتلك علية موقع سعرها فى الارض )

اشك مليون فى المية :)))))

تحياتى ليك

النيسان صنى تقفيلها ممتاز جدا ومفهاش غلطه...انا معايا 2008 والصراحه مفهاش اى عيوب.....ناس كتير معاها صنى هنا ومش بتشتكى من التوكيل....حضرتك مجربتش العربيه اكيد عشان كده بتقول التقفيل المصرى....وعلى فكره انا مش بيعجبنى تقفيل البروتون خالص (وجه نظر شخصيه)
فنقطه متقفلها فى بلادها وانهى الاحسن والكلام دة معتقدش انه مهم...الجيلى بتتقفل فى بلادها...بص على التقفيل بتاعها عامل ازاى....ف موضوع مفك مصرى والكلام دة مفهوش اى عيب طالاما العربيه كويسه معايا وبالفعل محدش اشتكى من تقفيلها

ازاى بقا مفيش حاجه اسمها عمر افتراضى....انا جوز عمتى ربنا يديله الصحه معاه تويتا كرولا موديل 84 والعربيه لما تدورها دلوقتى انعم من حجات كتير زيرو

بالاضافه الى العزم وخلافه....اليابانى حاجه تانيه ياباشا غير الكورى والماليزى...وحضرتك مش هتصدق الكلام غير متجرب عربيه يابانى 10 سنين وعربيه كورى او ماليزى او صينى 10 سنين (على سبيل المثال)

بالنسبه لنقطه التوكيل دى الحقيقه مش هقدر اتكلم فيها لان عز العرب توكيل مش كويس....اكيد حضتك بتتعامل صيانات فقط....لو جيت دخلت فى مشاكل لاقدر الله هتشوف المعامله....دة يحدفك لده وده يرميك لده ومتاهه مش بتنتهى...العيله هنا عندنا مجرباه كتير

طبعا نيسان مضمونه اكتر...عربيه اسم وماركه وبنت عيله وتوكيل نيسان افضل بمراحل من عز العرب ومحدش اشتكى منه....وانا ياسيدى الفاضل لا بزود نقاط ولا بزود اى حاجه....هيا مش خناقه... تتحرق دى على دى

وبالنسبه لاعاده البيع طبعا افضل من البروتون....

وياسيدى ولا يهمك...البروتون افضل من النيسان والقرار لصاحب الموضوع والعربيات ازواق فى الاول وفى الاخر

**ahmad--ezzat** · 17-07-2010 09:27 PM

المشاركة الأصلية كتبت بواسطة DR.almaghraby

لكن المميزات فالبرسونا تطغي علي الصني " في رأيي"

متفق معاك

-

مشاهدة نتائج الإستطلاع: بروتون برسونا الاوتوماتك 92000ج ام صنى اوتوماتك 92000ج

الموضوع: بروتون برسونا الاوتوماتك 92000ج ام صنى اوتوماتك 92000ج

LinkBack

أدوات الموضوع

عرض

-

-

-

-

-

-

المواضيع المتشابهه

انا حجزت بروتون برسونا بــ 93 الف ونص

نيسان صنى أم بروتون برسونا

موصفات بروتون برسونا الاوتوماتك النصف كماليات 86000ج

الوان بروتون برسونا

بروتون برسونا الجديده

الكلمات الدلالية لهذا الموضوع

المفضلات

المفضلات

ضوابط المشاركة