السلام عليكم و رحمة الله و بركاته يا أهل المنتدى الكرام :)

أتصلت يوم الخميس 21 فبراير بمركز جسر السويس أمام سوق القنال لحجز ميعاد صيانة ال 30 ألف لسيارتى الانسر , أنا حسبتها بالورقة و القلم لاقيت نفسى هكون عامل 29500 كم يوم 15 مارس و ده هيكون يوم سبت و مناسب جدا بالنسبة لى علشان أجازة , و فى نفس الوقت أكون ألتزمت بميعاد الصيانة و أكون مرتاح البال :) معلش أصل أنا موسوس شويتين :D
توقعت طبعا - كما حدث معى من قبل - أن الراجل يقولى لأ يا باشا لسه بادرى أتصل قبلها بأسبوعين ماينفعش تحجز بدرى كده , لاقيت الراجل بيقولى أول ميعاد فاضى يوم 12 مارس قولتله أنا عايز أجى يوم السبت 15 مارس قالى مفيش مشكلة و أخد البيانات منى و حجزت ان شاء الله يوم السبت 15 مارس الساعة التاسعة صباحا , و شهادة حق الراجل كان ذوق جدا فى التليفون و محترم جدا , الصراحة كل مرة أتصل الاقى معاملة كويسة جدا و محترمة جدا فى التليفون , و لما بروح نفس الموضوع معاملة كويسة و ناس محترمة , الحمد لله.
سألته الصيانة بتكلف كام قالى حوالى 400 جنيه بدون تيل الفرامل , التيل حاليا بالضريبة تمنه 390 جنيه يعنى لو غيرت التيل - اللى عمره ما أتغير قبل كد - هدفع حوالى 800 جنيه , و الله المستعان.
أسف طولت عليكم , أنا حبيت بس أنبه الأخوة الأعزاء , لو عايز تعمل صيانة أتصل و أحجز من بدرى.
شكرا جزيلا على وقتكم :) ان شاء الله لو فى العمر بقية و عملت الصيانة , هاعمل موضوع حول صيانة ال30 ألف بالتفاصيل , و السلام عليكم و رحمة الله و بركاته.