عرض للطباعة
مساء الفل يا جماعة .... حبيت ومن واقع انى لسه من كام يوم مغير حاجات عندى فى العربية بعد الخبطة اللى اتخبطها أنى افتح الموضوع ده وكل واحد غير حاجة فى الوكيل لأى سبب وبالتالى يعرف سعرها يكتبها علشان الكل يستفيد وانا هبدأ أهه
1- فانوس يمين:950
2- فانوس شمال 1010
3- اكصدام أمامى 1250
4- صدر 1150
5- فانوس ضباب 450
6- كارتيرة أمامى شمال 130
وأى حد من حضراتكم هيضيف حاجة أنا هضيف بعديه رد جديد أجمع فيه كل حاجة بحيث يبقى دايما آخر رد فى الموضوع ده فيه كل أسعار قطع الغيار عند الوكيل
تحياتى
معلش ممكن سؤالين ؟؟
ليه الفانوس الشمال أغلى من اليمين ؟؟
و ايه الصدر ده ... مكانه فين من الاكصدام ؟؟؟
بص يا فندم بالنسبة لفرق السعر بين الفانوسين فده راجع ان واحد من رسالة استوردها الوكيل والتانى كان فى رسالة تانية فحصل فرق السعر
أما الصدر فده عبارة عن جزء أمامى فى وش العربية مصنوع من صاج خفيف وفبر ممسوك فيه الاكصدام ومتحملة عليه الفوانيس والرادياتير
مشكور ياجميل علي الموضوع الجامد ده وربنا يستر طريقك ويجعلها اخر الاحزان
المفروض انت ملكش دعوه الحاجات جت في انهي رساله المفروض الحاجه ليها سعر محدد ملكش دعوه انت دي جايه امتي و فين و لمين طيب ما انا ممكن اقولو مش عاوزه انا عاوز الاتنين في نفس الرساله هما بس حبو يعملو سبوبه من وراك مش اكتر
يمكن يقصد يا زواوي ان الفانوس الشمال كان في منه مخزون بالسعر القديم .. اما اليمين لما تم استيراده بعد ما خلص من عندهم جابوه بعد ارتفاع اسعار الدولار بالسعر الغالي الجديد اللى حيتم تطبيقة على الشمال لما يستوردوه ... حد فهم منى حاجة ؟ :Y_hi_3[1]:اقتباس:
المشاركة الأصلية كتبت بواسطة alzwawy
على فكرة على طوووول فى اى عربية الشمال اغلى من الليمين
انا كنت فى توكيل فورد مع واحد صاحبى بيجيب فانوسين قادم بردوا الشمال اغلى من الليمين
سالنا بتوع قطع الغيار قالوا ولله ما نعرف هية الاسعار بتيحى كدة من برة
يمكن الشمال عندهم بيتكسر كتيير ههههههههه