السلام عليكم يا شباب
ايه احسن مقاس كاوتش بيحسن اتزان العربية وبيحسن ثباتها على الطريق ... مقاس 13 ولا مقاس 14 ؟
العربية لانوس 2 موديل 2000
عرض للطباعة
السلام عليكم يا شباب
ايه احسن مقاس كاوتش بيحسن اتزان العربية وبيحسن ثباتها على الطريق ... مقاس 13 ولا مقاس 14 ؟
العربية لانوس 2 موديل 2000
ياباشا انت مركب جنط ايه اصلا
لو مركب 13 يبقي مينفعش تركب غير 13
لو هتغير الجنوط يبقي احسن تغير ل 14
اولا هتركب كاوتش اعرض 185/60r14
وده اكيد احسن في الثبات ومع الفرامل....
وكمان يبقي عندك فرصة تعمل تعديل الفرامل اذا قررت تعمله
ايوه انا مركب جنط 13 بس حبيعه ان شاء الله وبفكر اغير لمقاس 14 سواء طبعا جنط او كاوتش عشان كده حبيت اعرف اي مقاس بيأثر على ثبات العربية .
تمام كده
انا عايز اعمل زيك ان شاء الله توكل علي الله وهات جنط 14
طبعا لازم هتركب عليه كاوتش 14 مينفعش 13
ال 13 بياخد كاوتش عرضه 175 لكن ال 14 بياخد كاوتش عرضه 185
يعني فيه فرق 1 سم وبكده انت عرضت ال 4 فرد 1 سم في كل فردة
يعني اكيد ثبات اكتر واداء الفرامل احسن لان تلامس العجل علي الارض هيبقي اكبر
انا بقي مشكلتي اني متردد
بفكر في 3 انواع جنوط
جنط حديد نوبيرا الاصلي
جنط سبور نوبيرا الاصلي
جنط سبور عادي..اندونيسي طبعا
لو انت سالت ولفيت قولنا المميزات والعيوب...
انا بحب الجنط الحديد لانه بيستحمل بس طبعا شكله مش حلو
جنط سبور نوبيرا مش عارف موجود جديد ولا مش موجود
جنط سبور اندونيسي سعره 1700 والتايلاندي 1350 تقريبا
انا بصراحة بحس ان الجنوط الاسبور لا يعتمد عليها ونفسي حد يفيدني في اي حاجة في الموضوع ده
متابع باهتمام عرفونا اخر عمليات البحث اللي هتوصلولها و استقريتوا علي ايه لاني ناوي اجي و راكم ان شاء الله في الحوار ده
أنا معايا لانوس 99 وغيرت من شهرين تقريبا الجنط و الكاوتش 14 والتزمت بنفس المقاسات الموجوده فى الكتالوج بتاع العربيه والصراحه اخترت جنط حديد بتاع نوبيرا وكاوتش كومهو ومن يومها حاسه بفرق جامد فى المطبات أحسن بكتير وكمان الثيات على السرعات العاليه حاسه ان العربيه اكتر اتزانا وربنا يوفقك للاحسن
نسيت اقولك ان سبب اختيارى للجنط الحديد لانى حسيت انه بيستحمل اكتر وكمان الجنوط السبور بتتباع كلها 4 فقط من غير استبن
طيب المقاس حيكون كام بالضبط ؟؟
185 / 75 / 14 صح ولا غلط ؟
هما فعلا وانا باشترى فى المحل كانوا عايزينى اشترى مقاسات مختلفه بس انا كنت ماسكه الكتالوج ومصممه على المقاسات المطلوبه وكمان التاكد من سنة الصنع للكاوتش الجديد وكان الراجل مستغرب جدا ان سنة الصنع تكون على الاقل اخر2009 لان طبعا ماكنش عنده اى حاجه 2010 وبالنسبه للسعر ال5 جنوط حديد نوبيرا 14 فى حاله ممتازه حوالى 500 او 600 جنيه مش فاكره بالضبط اما الكومهو فالكاوتشه ب 220 تقريبا بعد المفاوضات وطبعا عملت عنده ترصيص كمان
بالنسبه للمحل هو فى شارع احمد سعيد بس حتدوخ شويه علشان تلاقى 5 جنوط نوبيرا وتقعد مستنى ساعه عقبال ما يدور عليهم فى المخزن ويقعد يقولك خد اى نوع تانى ويعملوا شوية افلام كده بس عامة لا تيأس وربنا يوفقك
السلام عليكم ورحمه الله
الجنط ال 14
مميزاته:-ثبات أكبر ولو كبرت كمان ل 15 حيزيد الثبات وال 16 أكبر وأكبر
-زيادة الاتزان على السرعات العالية
-زيادة قوة الفرملة عن سابقة
عيوبه:-
-زيادة صلابة العفشة على الطروقات
-زيادة أسنهلاك الوقود بنسبة قليلة
ويجب الالتزام بالمقاس الجديد للأطار لعدم تغير قراءة عداد السرعة عماسبق وعدم هبوط او علو أرتفاع السيارة
الله يخلليكى
القطر الخارجى للفردة 175/70/13 هو هو القطر الخارجى للفردة 185/60/14 فا لما يركب الاستبنال13 مع الفردة ال14 العربية لا حتعلى ولا حتوطى من اى جنب و حتبقى مستوية تماما على الطريق
طبعل لازم نراعى ان الاستبن هنا ارفع شوية فا مش حيبقى ماسك فى الارض بنفس قوة باقى العجلات بالتالى بلاش سرعات عالية او ملفات قاسية مع تركيب الاستبن ال13 مع الفرد ال14
MMamdouh
ألف شكر على الايضاح و ربنا يكرمك
ياريت الأخوة يراجعوا الموضوع ده
http://www.nilemotors.net/Nile/120854-a.html
يعنى آخر كلام للجنط ال 14 سبور هو 60 \185 \ 14
لأنى اشتريت 4 جنوط سبوردايو لانوس أصلى وناوى اركبهم بعد شراء الكاوتش المناسب وأبيع الجنوط الحديد بكاوتش 13
بس يا ترى سعر الجنط ال 14 استعمال يعمل كام ؟
للاسف مبحبش الاستعمال
يا هجيب زي مانت قلت الجنوط ال ssw او زي ما قال ا/احمد عزت ال hrs
يا هجيب حديد وده اللي هدور عليه هو والجنوط الاصلي السبور بس عايز وقت فاضي ولفة شوية
بالنسبة للكالبرات امامي انا بردو هدور عليهم جديد الاول..لو تعرف مكان ياريت تقولي عليه
انا شفت علي دايوتك انك كنت بتشتكي من حدفة يمين علي ما افتكر مع الفرامل واحتمال يكون من الكالبرات ...صح..........ده اللي مقلقني من الاستعمال
أنا جبتهم من عمرو الجميل عند قصر عابدين و ده الكارت بتاعه
ملف مرفق 10059
على ما أذكر الجنوط 1700 و الكاوتش 1200 يبقى 2900 اجمالى بالترصيص و أخد الأربع جنوط الحديد ب 400 فدفعت 2500
و كمان شوفت الجنوط دى عند محل Good year بالمقطم ش 9 و انت متجه الى مسكن الزلزال قرب المفارق بشويه
عائلة الجميل (عمرو و ابوة شعبان) اسعارهم غالية.... لو كنت زودت 100 جنية على ال1700 كنت جبت طقم جنوط 15 و ال 1200 دول يجيبوا طقم كاوتش 195/50/15 من سمير بيومى
MMamdouh
سمير بيومى فى الدقى جنب جاد و اشرفكو فى ضهر المنصة
MMamdouh