الموضوع: تجربه بجد جامده مع لمبات هالوجين Tungsram (تنجسرام)

المشاركة الأصلية كتبت بواسطة am79

انا عندي النور ابيض وظاهر قدامي ابيض واي حد يركب معايه يقولي ان نورهم ابيض والكهربائي إل مركبهم قالي نورهم ابيض وحلوين

انا علي العموم انا حبيت اقول عن تجربتي و مش بعمل دعايه ولا عندي محل علاشان ابيعهم
وان شاء الله هبقي احط صور جديده واحاول اخليها تظهر الاضاءه بتاعت اللمبات وانتم تشوفوا ان كانت تنفع معاكم لونها ام لا
وبعدين انا بتكلم عن لمبات ب 40 جنيه وممكن كمان تخلص علي 35 جنيه مش بتكلم في مبلغ كبير

ياباشا والله عارفين انك همك المصلحة العامة وعايز تفيدنا بتجربتك ومش محتاج تقول كدة لاننا متاكدين من كدة بجد. وفي انتظار الصور ان شاء الله للمقارنة بالانواع الاخري مش للتاكد من كلامك. وتقبل مروري

المشاركة الأصلية كتبت بواسطة skybird

حد يشرح لنا موضوع الكتاوت بيتركب ليه مع المض دي وايه وظيفة الكتاوت الكهربائية ؟
وهل الكهربائي هيكون فاهم القصة دي ولا لازم الواحد يقوله وهيختار انهي كتاوت؟؟؟؟

الكتاوت او الRelay بالانجليش وظيفته فى دايره الكهرباء بتاعت النور انه حيسمحلك بانك تاخد لللمض كهرباء من البطاريه مباشره

حتقولى ازاى دى لازم تفهم توصيله الريلاى :

اولاً الريلاى الصغير او الكتاوت عشان محدش يتلخبط بيبقى عادتاً فيه اربع بنات Pins كل واحده مرقمه بترقيم ثابت فى كل الكتاوتات
-البن رقم 85 بياخد كهرباء (-) (من جسم العربيه او من البطاريه مباشره مفيش فرق)
-البن رقم 86 بياخد كهربا موجب اللى هى بتديله اشاره عشان يقفل الكويل ويوصل الدايره وحيتوصل عليها السلك الاصلى اللى رايح للمبه عشان بياخد كهربا لما تفتح مفتاح النور
-البن رقم 30 بياخد من البطاريه مباشره (+)
-البن رقم87 السلك اللى حيروح للمبه يعنى حيبقى (+)

انت لما تفتح المفتاح بتاع النور السلكه الاصليه اللى واصله فى الفانوس بتاخد كهرباء بس احنا موصلينها بالكتاوت فى البن رقم 86 تقوم تقفل الكويل وتوصل بين الطرف اللى جاى من البطاريه رقم 30 والطرف التانى اللى رايح للمبه رقم 87وبكده لو المبه بتستهلك قدره اعلى من السلك الاصلى يبقى احنا كده حافظنا عليه من السخونيه والحمل لأننا كده اكننا موصلين من البطاريه مباشره وطبعاً مركبين سلك اتخن من الفابريكه

طبعاً مع تركيب اسلاك اقوى واتخن من الفابريكه ده بيحسن اداء النور كتير لأنك ببساطه بتقلل الVoltage Drop

والموضوع ده مش معقد ولا حاجه بالعكس انت لو فهمت توصيله الكتاوت ممكن تعملها بنفسك

بس لازم تنبه على الكهربائى يعملك فيوز عشان لو حصل قفله الفيوز يسيح ويفصل الدايره تفادياً للمشاكل اللى ممكن تنتج من السخونيه الزائده للأسلاك

ودى صوره الريلاى او الكتاوت الصغير :


الريلاى ده ينفع لدايره واحده فقط يعنى الواطى بس او العالى بس

اللى الكهربائيه بيركبوه بيبقى كبير شويه عشان يستخدم كتاوت واحد فقط للدايرتين (الواطى والعالى) بس للأسف مش لاقى ليه صور دلوقتى

على فكره الكتاوت الصغير ده بيسموه كتاوت كلكس :)

المشاركة الأصلية كتبت بواسطة skybird

vtec حضرتك انسان اكثر من رائع
انا تعبت سيادتك معايا ومش لاقي غير اني اقول لك متشكر جدا جدا
وربنا يبارك فيك وفي علمك

ربنا يخليك

تقبل تحياتى :)