:_Alshmokh08[1]::_Alshmokh08[1]::_Alshmokh08[1]::_Alshmokh08[1]::_Alshmokh08[1]:
عرض للطباعة
ماهو احد اسباب النظره الدونيه ليناحاليا تفريطنا فى حقوقنا
كان من حقكتشتكى الكاشير او حتى تعرفه انو غلطان بالذوق او حتى توجه الحته الخليجى اللى خدت دورك وتنبهها بس انت اخترت تسكت يبئى لاتلومن الانفسك
هاهاها, أنت بصيت للموضوع من جانب تانى خالص, و شكلك هتاخد وقف قريب قوى:shine[1]:
أبويا كان مسافر فرنسا من اسبوعين, و هو واقف قدام السفارة فى طابور علشان الفيزا و كدة شاف شخص سينمائى مشهور , الشخص دة راح لبتاع الأمن اللى واقف جنب البوابة و قاله أنا فلان المشهور و عايز أخش بسرعة , بتاع الأمن قاله ماينفعش يا فندم علشان الدور , رئيس الأمن (فرنسى) كان معدى بالصدفة و شاف الى حصل , فراح للراجل المشهور دة وسأله عايز ايه و لما قاله أخش قبل دورى , الراجل الفرنسى قعد يزعق بصوت عالى و يقول ازاى و الكل هنا زى بعضه و كدة
الراجل المشهور بقى شكله وحششششششش:majd(4):
بره مش موضوع كاشيير بس - الناس نفسها محترمه
ده انا لما كنت بدخل مطعم الناس اللي ورايا كانت بتسيب بيني وبينها حوالي 2 متر عشان ميزعجونيش وانا بطلب
ولما رجعت مصر وكنت رايح اسحب فلوس من atm لقيت الأخ اللي ورايا لازق في قفايا وكان ناقص يقولي كلمة السر بتاعتي
فعلا كلامك صح يغنى عندك الأهرامات الأجانب مسموح ليهم دخلوها من جوه واحنا لا رغم ان الحاجة دى على أرضنا احنا
ربنا يعينك....أنا حاسس بيك.
الموقف ده بيشلنى أوي أنى أبقى واخد دوري و ييجى واحد يسبقنى و ياخد دوري كأنه أعمى مش شايفنى أو فهلوي و ذكى بالموقف ده.
دمى بيتحرق جدا مع أنه موقف بسيط و بيتكرر فى كل حتة و بأسكت للأسف لأن طبيعتى لما بأنفعل أعصابى بتتعب أوي فبقول حرقة دم أهون من حرقة دم.
بالنسبة لموضوع أنها خليجية...برضه كان واحد أعرفه أنجليزي قابلنى و كان معاه صاحبه المصري بيفسحه هنا لما جه زيارة...بيحكيلى المصري لما راح مع الأنجليزي يفسحه فى القلعة قعدوا يفتشوه و أسئلة بقى (انت تعرفه منين...أنت سكن فين؟..الخ) و يشوفوا البطاقة و بهدلة و مش فاكر فى الأخر سابوه يخش و لا لأ.
أعتقد التفسير اننا بنتعامل هنا وحش فى بلدنا أن الكاشير ده زي كتير غيره أتصرف بناء على التفكير التالى
1- أنا مصري
2- أنا درجة تانية (الظروف اللى أحنا عايشنها بتخلى الواحد مش حاسس بذاته أو انه يستاهل الأحترام )
3- من (1) و (2) نستنتج أن أي واحد مصري عادي هو درجة تانية ما لم يذكر خلاف ذلك (يعنى حته مرسيدس أو واحد سنه كبير لابس بدلة)
4- الأستاذ اللى واقف قدامى و ماسك كانز ده بيحقق المعادلة شكله مصري عادي زي بقية الناس
5- من (3) و (4) الأستاذ اللى قدامى يعامل معاملة درجة تانية.
و كفاية كتابة كده عليا عشان الموقف اللى حصلك ده فعلا بيضايق