معاذ والبولو وسواق الميكروباص

**Karim_Monir** · 23-02-2008 04:48 PM

انا لسه طالع حالا من عنده
اصلي خليته يجبها عند وليد دبوس هنا عشان صنايعي ايده تتلف في حرير
العربية اتفكت امبارح وحمادة السروجي فك الارضيات عشان تتظبط صح واتعملت الخبطة
ومعاذ مع نزل مع السمكري اشتروا باب احسن وافضل من سمكرتة بالزجاج بحاجتة كلها واتركب
وان شاء الله لان كدة الشغل اتوفر جامد بدل ما يستلمها الاتنين ممكن يستلمها النهاردة بالليل بس بالليل قوي يعني 1 او 2 صباحا
ويوم الاتنين تدخول بقى عند البوهيجي دوكو وربنا يعينة على ما ابتلاه
انا بلغتة سلامكم كلكم وشكرا ليكم بالنيابة عنه
-----------
قابلت عند حمادة السروجي زميلنا شريف حسنى الدوياتي بعتة لحمادة يعمل فرش ارضية جلد زي اللي في عربيتي
وان شاء لما تخلص يوريكم الصور وينقلكم الانطباع

كريم منير

**اسلام المصرى** · 23-02-2008 08:40 PM

المشاركة الأصلية كتبت بواسطة karim_monir

انا لسه طالع حالا من عنده
اصلي خليته يجبها عند وليد دبوس هنا عشان صنايعي ايده تتلف في حرير
العربية اتفكت امبارح وحمادة السروجي فك الارضيات عشان تتظبط صح واتعملت الخبطة
ومعاذ مع نزل مع السمكري اشتروا باب احسن وافضل من سمكرتة بالزجاج بحاجتة كلها واتركب
وان شاء الله لان كدة الشغل اتوفر جامد بدل ما يستلمها الاتنين ممكن يستلمها النهاردة بالليل بس بالليل قوي يعني 1 او 2 صباحا
ويوم الاتنين تدخول بقى عند البوهيجي دوكو وربنا يعينة على ما ابتلاه
انا بلغتة سلامكم كلكم وشكرا ليكم بالنيابة عنه
-----------
قابلت عند حمادة السروجي زميلنا شريف حسنى الدوياتي بعتة لحمادة يعمل فرش ارضية جلد زي اللي في عربيتي
وان شاء لما تخلص يوريكم الصور وينقلكم الانطباع

كريم منير

الله يطمنك يا كريم يا حبيبى :) جزاك الله خيرا , أنت أبو الواجب كله!
ان شاء الله يا معاذ ربنا يوفقك و تخلص التصليح على خير , فداك ألف باب و ألف عربية :) المهم أنكم بخير.

**Xpert** · 23-02-2008 09:06 PM

الحمد لله امها جت سليمه .. بس انا لو مكانك الصراحه .. كنت بصيت لسواق الميكروباص كده .. و لو هوه راجل كبير و مش حمل بهدله .. هاسيبه يمشي .. انما لو شاب من الشباب الروشين طحن اللي جايين من ورا العربيات الكارو .. كانت هاتبقي وقعته سوداء معايا .. كنت شديته علي القسم و صلح يا معلم (انا باقبل العوض .. هوه هايصلح علي حسابه .. انا ماباخدش منه كاش .. هوه يصلح عند اللي انا باصلح عنده .. لو مش عاجبه بقي بابيته في الحجز لحد ما يبانله صاحب ..).. انما اتز جست مي ..

**معاذ الشرباصى** · 23-02-2008 09:15 PM

الف الف شكر يا جماعة على مشاعركم الجميلة دى

الواحد فعلا فى وسط اهله

الحمد لله اولا على كل شىء, العربية زى ما كريم قالكم بتتصلح فى الحرفيين

اهم حاجة ان محدش حصل له حاجة

انا متشكر لكم جدا على سؤالكم, وان شاء الله ربنا ميكتبش الغمة دى عى حد ابدا

طبعا كريم, مهما قلت او عملت مش هقدر اوفيه حقه, نعم الاخ و الصديق

ربنا يبارك له و يجعله فى ميزان حسناته

**معاذ الشرباصى** · 23-02-2008 10:10 PM

من الحاجات اللى اثلجت صدر الواحد من موضوع الحادثة دى ان فعلا معادن الرجال بتظهر وقت الشدة

النهارده واحد متعرف عليه من شهرين, اول اما عرف انى عملت حادثة, صمم انه يجى معايا و اتحجج ان عربيته محتاجة تتعمل علشان ميحرجنيش و فضل معايا بتاع 5 ساعات

و واحد صاحبى تانى, عربيته بايظة بقالها فترة طويلة و بيروح الجامعة و كل حتة بالمواصلات, نزل يصلحها مخصوص علشان يوصلنى و يساعدنى فى مشوار الحرفيين علشان بعيد جدا

ده غير كريم, اللى ساب العزومة بتاعة والدته مخصوص علشان يجى يشوف العربية و يقف جنبى

انا فعلا معنوياتى مرتفعة جدا بسبب الحاجات دى, و خففت على صدمة الحادثة

ده غير المكالمات اللى جت, من اعضاء الموقع, مش عاوز انسى حد

فعلا معادن الرجال بتظهر وقت الشدة, و بتعرف مين فعلا بيحبك لوجه الله و مينبيعرفك علشان مصلحته

**Xpert** · 23-02-2008 10:16 PM

وتلاقي اقرب واحد و اللي انت متوقع انك تلاقيه يسيبك .. و اصحاب المصلحه اكتر مما تتخيل و تلاقي 3/4 اللي جانبيك عارفينك و متصاحبين عليك عشان معاك عربيه و بتاع .. ... المهم ماتحطش في دماغك و ماتتوقعش حاجه من اي حد يا باشا ...)no matter how close you are .. but friends will always let you down )... عادي يا حج ماتشغلش دماغك .. بس انا برضه كنت عاوزك تستلم بتاع الميكروباص ده ...(انا عن نفسي باستلمهم .. مابسبهمش غير لو محترمين و ناس كبيره في السن بس ...)

**modux** · 24-02-2008 12:58 AM

قدر الله وماشاء فعل الف سلامه

الحمد لله

**segsauer** · 24-02-2008 12:34 PM

قدر الله وماشاء فعل وربنا يعوضه ان شاء الله

**Karim_Monir** · 24-02-2008 03:57 PM

ايه الاحراج ده بس
والله انا بقول عشان اطمنكم عليه مش عشان حاجة
اعوذ بالله من الرياء والنفاق ده بيودي في 60 داهية
------
ايه يا عم معاذ خلاص خليها بيني وبينك بلاش تشريد كدة
دي اقل حاجة الواحد يعملها مع اخ زيك
لو كان فيه اكتر كنت عملت وانت عارف
المهم تخلص على خير بس
وانا مع اكسبرت ان التهاون مع سواقين الميكروباص دول
بيدلهم فرصة للتمادي عشان عارفين محدش بيكلمهم
ماهو في الاول والاخر عربجي
ولما لغوا الكارو ركبوا عربيات المووت دي
واستبدلوه هوا مكان اللي بيجرها

-

الموضوع: معاذ والبولو وسواق الميكروباص

LinkBack

أدوات الموضوع

عرض

-

-

-

-

-

المواضيع المتشابهه

حل لمشكله لمبة epc الى السيات والبولو

ماهو الفرق بين البوينتر والبولو ؟

مطلوب سيارة وسواق خاص ليوم واحد فقط

الفرق بين البولو والبولو فوكس ؟؟؟؟؟

الروس وسواق التاكسيK_M

الكلمات الدلالية لهذا الموضوع

المفضلات

المفضلات

ضوابط المشاركة