في مواضيع كتير بتهاجم مصر ومواضيع بترد على اللي بيهاجموا مصر , بس انا ممكن في الموضوع ده تردوا على سؤال واحد
ايه الللي شايفه كويس في مصر؟
عرض للطباعة
في مواضيع كتير بتهاجم مصر ومواضيع بترد على اللي بيهاجموا مصر , بس انا ممكن في الموضوع ده تردوا على سؤال واحد
ايه الللي شايفه كويس في مصر؟
المنتدى دا من اجملها
اغلبية الناس كويسين واكيد طبعا الكبارى :d
أجدع ناس والكرم
احسن حاجة فى مصر ساعة صلاة الجمعة والناس كلها بتصلى
وساعة المغرب فى رمضان والناس بتوزع تمر فى الشارع
تحس ساعتها ان الخير والايمان فى كل الناس
إنها بتستحمل الناس اللي بتشتمها و بتكرها و برضه بتديهم من خيرها مهما اتعمل فيها منهم
الناس مهما كانت ظروفهم لسة فى قلوب طيبة وكرماء(لو فى خناقة وواحد كبير فال خلاص حصل خير الانظار بتتجهله وبقية الناس بتقول حصل خير)
فى لسة ناس بتخاف على بعض ويجروا يساعدوا بعض(كام مرة عربية عطلت ووقفنا نسال اي خدمة)
فى ناس لسة اخلاق ومحترمة(فى عز الزحمة فى ناس يتقول بعد اذنك ولو سمحت وممكن)
فى ناس لسة بتصلى الفجر
فى ناس طيبة كتير(كام مرة وقفت لراجل كبير-ست-عائلة مع اطفالها عشان يعدوا الشارع)
مهما كانت الناس بتقول كلام وحش على البلد بس لما تسال معظمهم لو سافرت برا ممكن ترجع مصر.الاغلبية بترجع حتى لو بعد وقت طويل(قعدت فى انجلترا و امريكا حوالى 4 سنين ومقدرتش اعيش بعادتهم بصراحة وعدم التفكير بالغير-عقليتهم بتقول كله بالقانون-مفيش حقوق جيرة-مفيش انا تعبان ودينى المستشفى-مفيش لعب مع اطفال الغير ولا اطفالك-لو عليت صوتك على اولادك ببساطة ممكن تتحبس والاولاد يتربوا فى بيت تانى او دار رعاية)
مهما كانت الناس بتقول الحالة الامنية فى مصر مش زى زمان طب روح انجاترا وانزل الساعة 9 روح اخر الشارع لصيدلية ده لو فاتحة
مصر لسة فعلا بخير والحمد لله.بس هى ناقصها شوية تعديلات فى سلوكيات و نظام
الشخصية المصرية المحبة للخير والاجتماعية بدرجة كبيرة مقارنة بشعوب اخري
مصر ام الدنيا بالفعل مش بالقول
ويتعجب العالم لترابط هذا الشعب رغم تفكك معظم الشعوب
ولو لفيت الدنيا كلها ممكن تلاقى نظام يعجبك فى بلد
بس هتحس ان ناقصها حاجات كتير
واى بلد مهما كانت متحضره ومتقدمه ومنظمه
لازم تلاقى فيها فئه منحله ونسبة فساد
مش هتلاقى بلد يوقر الكبير ويرحم الصغير زى بلدنا
واخيرا وليس اخر الجندى المصرى مهما دار عليه الزمن وقت الشده
تلاقيه اسد متوحش وحقه برقابته من شدة ايمانه بالله
انا معدتش بشوف من اللي بيضرب نور عالي في مراية عربيتي عمال على بطال
و معدتش بسمع من كتر الضوضاء اللي طالعة من سارينة البهوات و قريباً .... الفوفوزيلا
والنبي بلاش أسطوانات مصر فوق الجميع والكلام اللي مالوش لازمه وتبرير أفعال الفئات الفاسده في البلد
بأن مهما كانت البلد متطورة بيبقى فيه فساد وده كلام صح ومظبوط بس الفرق مابينا وبين الدول المتقدمه أنهم عندهم أجهزه فعاله لمكافحة الفساد سواء فساد الشرطه أو غيره يعني فيه أجهزه رقابه فعاله على كل شيئ وأي شخص في البلد بيتم محاسبته سواء رئيس أو غفير ده الفرق مابينا وبينهم وده سبب تقدمهم
ده عندهم أجهزه مراقبه داخل أجهزه الشرطه دول بيسجلوا التحقيقات بالصوت والصوره ده أبسط مثال على الفرق مابينا وبينهم
ومحدش يزعل من كلامي لأن ده واقع فعلي ولكن في النهايه أرد على السؤال لو لفيت الدنيا مش هتلاقي أحسن من أهل البلد ديه وشعبها الطيبين وهو ده اللي مصبرنا
إنى أتولدت فيها ....وولدت موحدا ومؤمنا باللهاقتباس:
ايه الللي شايفه كويس في مصر؟
وشاهدا بأنه
لا إله إلا الله ......وأن محمدا رسول الله
ولم أولد فى بلد كافر
______________
وطبعا مش ناسى ولا حتناسى
أحلى صوانى كوسه بالمكسرات
متلقيهاش غير فى مصر
اقسم بالله ربنا يعلم انى بحب مصر جدااااااااااااااااااااااا ااااااااااااااااااااااااا
وطول عمرى هجبها بس منهم لله خلوها قاسية علينا
اخى الفاضل .... انا كلامى فعلا نابع من داخلى مش اسطوانات ولا حاجه
وكمان انا مابررتش افعال حد
انا مثلى مثل اى مصرى زهقان ومخنوق لكن فى الاخر
هو ده وطنى وماليش غيره
ومهما كانت ظروفه قاسيه ماعنديش استعداد يبقالى وطن غيره
ولو اجدادنا وابائنا من الشهداء والمحاربين عرفوا اننا فى يوم هنتخلى عنها
بالسهوله دى وهى حره ماكنوش حاربو علشانها وعلشان يكون لينا كرامه
ناس كتير اجمعت على ان الناس فيه مصر جواها طيب - وانا معاهم في الرأي ده - بس محدش اتكلم على حاجه تانيه زي التعليم الصحه الشرطه الجيش وباقي المصالح الحكوميه !!! واظن ان الحاجات دي اساسيات الحياه ولا ايه رايكم؟
انزل هنا بطقم الكمنجات عشان الموضوع يحلو
وشوية اغانى مشربتش من نيلها ولو سألتك انت مصرى
اقتباس:
وباقي المصالح الحكوميه !!!
اقتباس:
أحلى صوانى كوسه بالمكسرات
اقتباس
وباقي المصالح الحكوميه !!!
اقتباس
أحلى صوانى كوسه بالمكسرات
هههههههههههههههههههههههه:dzey::dzey:
انا مش شايف حاجة عدلة خالص
ايه اللي شايفو كويس ايه اللي شايفو كويس00000
اممممممممممم
والله بحاول ادور ولما لاقي حقولك
والله ده كلام حضرتك في الأول وبتقول أن اي بلد مهما كان متقدم فيه فساد؟؟؟
وده تبرير غير مباشر على وجود الفساد في مصر
وتعقيب على ردك الأخير أولآ محدش تخلى عنهامن الشعب أبسط دليل مناداة الناس بالتغيير وحقوقهم للأفضل اللي تخلى عنها المسؤولين في البلد؟؟؟ وطبعآ مش هزود عن كده
تانيآ زي ماأنا قولت وردي واضح اللي مصبرنا عليها أهل مصر الطيبين
وده لأن مصر هي شعب مصر وليست الآثار ولا النيل ولا الحكومه وولا غيره ؟؟؟
تحياتي ليك أخي العزيز:satelite:
كنت هكتب انه في بس بعد قراءة موضوع (ليه بنعمل في بعض كده )
مفيــــــــــــــــــــــ ـــــــــــــــــــــــــ ـــــــــــــــــــــــــ ـــــش
الناس اللي بتقول احلي في مصر شعبها معلش احنا شعب سيء جدا مابنحبش الخير لبعض وكسولين جدا وووووو
انا في رأيي احسن حاجة في مصر الطب والدواء ان قرايبي في امريكا وانجلترا والدول العربية بيجوا يتعالجوا هنا لرخص الثمن وعدم اختلاف المستوي مقارنة بالسعر
انا احسن حاجة في مصر
صاحب الموضع يا اما متفائل جدا زياده عن اللزوم ودي بوادر اكتئاب ,.
او بيدور على حاجة حلوة و ملقيش فبيسألنا ...
او انت عايز تغيظنا
أحلي حاجة في مصر ... الذكريات
اه فيه حاجات كتير فى الناس و الحريه زياده عن اللزوم مش هتبقى مقيد بس ده مش هيعيشك عيشه كريمه وفعلا هتعرف مصر فى رمضان فقققققط عشان الواحد مش هيلاقى واحد جمبه بيشرب سجاير
بالظبط
ذكريات الواحد وهوا صغير
عاوز فلوس ...بابااااااااا عاوز فلوس
عاوز تجيب لبس ... بابااااااا عاوز أجيب هدوم
عاوز تخرج مع أصحابك ...باباااااااا عاوز أخرج ..شوفلي معاك 20 جنيه
كانت الدماغ رايقة ..ومكنتش أعرف حتى يعني إيه ضرايب ..أو غلاء
والله ماكنت أعرف
وكنت بكره مجلس الشعب لما يجيبوه ..ويأخروا المسلسل بتاع الساعة 7.30 بالليل
هو ده إلي كان حلو في مصر
........
وأنا مش هتكلم أكتر من كده ..أنا ضغطي لسه عالي من إمبارح
انا بالنسبه ليا كل حاجه حلوه فى مصر
هو احنا بس عندنا مشكله معرفش ملاحظينها ولا لا
احنا مبئيناش نشوف غير الاسوء فى بلدنا والاسوء فى الناس عامة ومش بس كده دا احنا كمان بنعمم الموقف او الصفه السيئه على البلد كللها
احنا البلد الوحيده اللى شعبها نازل شتيمه فيها ليلمع نهار لاقل واكبر سبب ومحدش بيعمل كده غيرنا مع الاسف مع ان كل الدول اللى حوالينا مليانه مشاكل من نفس نوعية مشاكلنا بالظبط وممكن اسوء- محدش يقارننا بأوروباوالغرب عامة لان دول سبقونا بكتيييير - بس محدش بيشتم فى بلده خالص
مش عارف سعات بحس ان جلد الذات اصبح متمكن مننا لدرجه غير طبيعيه
طيب انا عندى سؤال للى مش عاجبهم البلد وحالها " هو انت مش صعبان عليك عمرك اللى بيضيع وانت مجرد مكتفى باللوم على البلد فقط ليه متهاجرش وتشوف حياتك ومستقبلك فى مكان تانى لو البلد دى مش عاجباك ؟
رجاء منى محدش ياخد كلامى انو هجوم او استفزاز لحد بس انا سافرت كتير وشفت واتعاملت مع ناس كتير وعرفت ان بلدى احسن بلد وناسها احسن ناس واذا كانت ظروفها دلوئتى ماتسرش عدو ولا حبيب فربنا يخلفنا بناس احسن وتفكر بايجابيه وبمنطقيه فالمشاكل والحلول بدل اللى مبيشوفوش غير المشاكل بس
والنبىاقتباس:
حميده (( أمك نايمه جوه ))
متنساش تسلملى على حميده
عندك فى الجيزه (الإقامة : GIZA )
:36_7_7[1]:
أهى مصر هى أمى ....موجوده فى كل مكان
على رأى ( محمود حميده )
:C_laugh[1]:
الأمـــان النسبى