ZhongXing Landwind :: Komodo

**zoom555** · 10-03-2008 06:22 PM

الاخ pinkfloyd مبروك على السيارة.
بصراحة انا اتفرجت عليها امبارح ..هى جيدة وانا متردد باحاول اجمع معلومات انت سوقتها هل لك اى ملاحظات مثلا صوت الموتور ،السحب..
الصالون حالته مش اد كدة لكن قالوا ان السيارة المعروضة تقفيل صينى لكن الانتاج المصرى سيكون افضل انتاج موبيكا ياترى صحيح؟؟

**som3aa** · 10-03-2008 06:46 PM

ZhongXing Landwind :: Komodo

معلش تصحيح صغير land mark غير landwind خالص.
landwind دى كارثة عربية لعبة حقيقى.

المهم أنا رايى بلاش الصينى يا جماعة و بلاش الواحد يجازف بروحه و ارواح ناس تانين او على الأقل يجازف ب 130-160 الف جنيه.
تخيل السوناتا اللى هى عربية معروفة جداااااا عالميا و عربية رهيبة ناس هنا بتقولى دى كورى امال دى تبقى ايه

العربيات دى زى ماهو واضح اول ماتشوفها رخيصة مكونتها رخيصة و فعلا مش هتستحمل.
عربية تحسها لعب اطفال فعلا , بقى فى واحد يشترى عربية ب 130 الف عدادها لحد 160؟؟؟ ليه يعنى.
اشترى حاجة محترمة زى الكورولا و لا السيفيك و لا اى حاجة تانية تعجبك فى حدود السعر دا بس نصيحة بلاش العربيات مجهولة المصدر دى.
تخيل قريت ناس بتتكلم على الموبايلات الصينى و يقولك متشتريش موبايل صينى ب 1000 جنيه تخيل عربية ب 160 الف على الأقل ماركة ماهيندرا دى هندى و كانوا عارضين يشتروا jaguar و land rover.
أنا مش فاهم ازاى فى ناس بتدافع عن العربيات الصينى.
http://www.nilemotors.net/Nile/showthread.php?t=15402

على فكرة الراجل اللى اسمه خالد اباظة دا لازم نشوفله حل
رايى كلنا مرة واحدة نبعت للاخبار لرئيس مجلس الادارة نطالب بأقالته

الراجل دا واخد الجرنال كانه بتاعه بيكتب فيه اللى هو عايزه و يقولك مرة روحت الستاد و اعدت فى المقصورة و مرة يقولك انا كنت مسافر اسكندرية لقيت اعلانات اتصالات و انا مش عايز اغير نمرتى و كتيييييير يكتب "الجميلات" و يروح معارض العربيات بره بدل ما يصور العربيات يتصور هو مع "الجميلات" و مرة يعمل حوار مع ملكة جمال!!!!!

**timo_crosswind** · 18-03-2008 11:48 AM

انا مش متفق معاك ياخ سمعه انا معاك ان العربيه عددها 180كم في س وكمان اللي متعرفوش ان السرعه القصوي للعربيه دي 130كم في الساعه بس العربيه دي مش للجري خالص واكيد العربيه دي ثباتها مش اد كدا ودا واضح من السرعه القصوي... بس عربيه عاليه واسعه صالونها معقول واسعه ومريحه جدا في السفر الطويل بس مع تاكيد السرعه المناسبه عاليه علي الارض يعني مفيش حورات مع المطبات شكلها الخارجي معقول ضمنها يطمن نوعا ما وكلها كويس سعرها مناسب جدا نظرا لفئتها . بصراحه ان شايف انها كويسه بامكانيتها دي بس طبعا الحكم الاخير يرجع بعد التجربه الفعليه وده راي بمنتها الحياديه ...ملحوظه ياريت منصدقش قوي الدعايه المهوله لاي سياره ولازم التاكد تام من امكانيات وصلاحيات اي سياره بعيدا تماما عن كلام المجلات والجرايد وشكرا

**pinkfloyd** · 19-03-2008 02:13 PM

فعلا المعروض هو التقفيل الصينى وإن شاء الله التقفيل المصرى هيكون احسن بمراحل وربنا يوفق

**som3aa** · 23-03-2008 04:58 PM

فعلا المعروض هو التقفيل الصينى وإن شاء الله التقفيل المصرى هيكون احسن بمراحل وربنا يوفق

تخيل لما توصل لدرجة نقول التقفيل المصرى احسن من تقفيل الدولة المنتجة يبقى العربية عاملة ازاى؟
:p

**pinkfloyd** · 10-04-2008 01:55 PM

الاخوة الاعذاء العربيات الفور باى فور او العربيات الفور باى تو مش معموله علشان الجرى تخيل ان العربية الهامر عددها برضه 180 كيلو وبعدين انت عايز تجرى اكثر من 140 ليه.

**pinkfloyd** · 30-04-2008 09:14 AM

hello all
نسبة المكون المصرى فيها مش عارف بالتحديد لكن على حد علمى سوف يتم تصنيع الكراسى فى موبيكا وهى طبعا اللى بتصنع كراسى الشروكى والبى ام دبليو وضفيرة الكهرباء والشكمان والردياتير والزجاج والفرش الارضى تقريبا هو دة نسبة المنتج المحلى فيها.
وايا ريت اللى يعرف اى معلومة عن العربية يقولى
وشكرا ليكم

**علاء فتح الله** · 05-05-2008 03:23 PM

السلام عليكم

فيه حد عارف حتنزل إمتى بالظبط؟

وحجزها إزاي؟
وهل فيه منها معروض عشان تشوفها قبل ماتحجز وتجربها كمان؟

مع شكري وتقديري

**pinkfloyd** · 13-05-2008 10:16 AM

هتنزل إن شاء الله فى شهر 6 وممكن تجيب اخبار السيارات المجلة بتاعة شهر 5 هتلاقى كل التفاصيل عن العربية والمصنع وكل اللى عايزة هتلاقيه

هى عموما معروضة عند محمد ذكى اللى فى فم الخليج - القاهرة
ومعروضه عند القصراوى اللى فى شارع النخيل - الدقى
ومعروضه عند السبع اللى فى مصر الجديده

وانا رحت شفتهم كلهم
بس خلى بالك ان المعروضه دى التقفيل الصينى مش المصرى

وربنا يكرم ويوفق مش عارف بعد ارتفاع الضرية والبنزين الواحد يعمل ايه