الموضوع: مول سبير كار الجديد

المشاركة الأصلية كتبت بواسطة kh_talaat

طب ما توصفلي المكان بتفصيل اكتر الله يكرمك ... اصل اخوك ملوش في القاهرة الجديدة

يعني مثلا اخش من انهي مدخل للقاهرة الجديدة وانا جاي على الدائري من اتجاة الجيزة

انا اعرف اوصل لغاية كارفور المعادي بعد كدة اروح فين ؟؟؟

متأسف لسه شايف رد حضرتك دلوقتي

المشاركة الأصلية كتبت بواسطة ahmedezzat78

تمشى لغايه ما تلاقى نفق .... ماتنزلهوش و ادخ يمين يبقى انت كده فى شارع التسعين و بعد شويه هتلاقى ناتا على شمالك امشى بقى زى الخريطه

بالظبط كده , العنوان مايتوهش خالص. حضرتك اول لما تدخل شارع ال90 بعدها بحوالي 2 كيلو هتلاقي مبني على ايدك الشمال كبير وشكله ملفت للنظر بس داخل لجوه شوية مش على الشارع على طول. هوا ده مبنى nata
هتعمل يو تيرن من اول لفه وبعدها تدخل يمين بس اول لما تدخل تخلي المبنى يبقى على ايدك الشمال.
وتخلي بالك برضه من الطريق عشان مكسر قوي وانا لسه رايح النهارده ودخل مسمار في الكاوتش.
المهم اول صنيه تدخل يمين هتلاقي مبنى سبير كار واضح وعاملين اضاءه . مش هتوه خالص. والمعامله حلوه جدا وحتى عندهم كار كير بس انا اكتفيت بتنظيف العربيه من بره والارضيه عشان اشتريت دواسات من هناك.
عمري ماشفت العربيه بالنظافه دي ماشاء الله تبارك الله. وبيعملوا بوليش كمان وخدمه اكتر من ممتازه.

نفسي كان يبقى معايا فلوس كتير عشان اشتري حاجات كتير من هناك خاصة الفرش الجلد الالماني الي عندهم حاجه جميله بجد.
اتمنى اكون قدرت اساعدك.