بشرى للأسكندرانية - بدء تنفيذ مشروع مترو الأنفاق وكمان محور جديد

**mido777** · 09-07-2010 02:41 PM

قرر مجلس الوزراء المصري برئاسة الدكتور أحمد نظيف إقامة مترو الأنفاق بمحافظة الإسكندرية‏.

ومن جانبه قال وزير النقل المهندس علاء فهمي‏ إن إنشاء المترو ضروري لتخفيف الكثافة المرورية السطحية‏، خاصة أن الإسكندرية تحتاج إلي شبكة نقل محورية لنقل الركاب داخل المحافظة‏.‏

جاء ذلك خلال اللقاء الذي عقد بحضور الوفد الفرنسي، وقيادات النقل البحري،‏ وغرف التجارة والملاحة‏.‏

وأضاف فهمي أنه سيتم توفير التمويل للمشروع من خلال الدولة‏‏ أو بالمشاركة مع القطاع الخاص‏، وهناك العديد من الدراسات التكميلية للوصول إلي التصميم النهائي لمشروع المترو‏.

وأوضح اللواء عادل لبيب أن المترو يبدأ في مرحلته الأولي من فيكتوريا‏، وهي محطة انطلاق خط ترام الرمل‏ إلي محطة الرمل‏، وهي نهاية الخط في وسط المدينة‏ حتى منطقة سيدى بشر بطول 18 كم.

وأضاف لبيب أنه تم الاتفاق مع أحد البنوك الفرنسية الكبرى لتمويل المشروع بنظام "بى او تى" ، مؤكدا أن مشروع المترو الجديد سيعمل على تقليل نسبة التكدس المروري داخل المدينة .

وأشار إلى أنه من المقرر البدء فى تطوير شارع قنال ترعة المحمودية كمحور ثالث لمدينة الإسكندرية اعتبارا من أول أكتوبر المقبل على أن يشمل أربع حارات مرورية فى كل اتجاه ليستوعب بذلك 20% من حجم الكثافة المرورية بالمدينة .

المصدر : مصراوى

**gassarian** · 09-07-2010 05:50 PM

المشاركة الأصلية كتبت بواسطة mido777

وأشار إلى أنه من المقرر البدء فى تطوير شارع قنال ترعة المحمودية كمحور ثالث لمدينة الإسكندرية اعتبارا من أول أكتوبر المقبل على أن يشمل أربع حارات مرورية فى كل اتجاه ليستوعب بذلك 20% من حجم الكثافة المرورية بالمدينة .

المصدر : مصراوى

الكلام ده على أساس شارع ترعة المحمودية ده بيربط ايه بإيه؟؟؟؟

**بحري** · 09-07-2010 06:44 PM

المشاركة الأصلية كتبت بواسطة mido777

وأوضح اللواء عادل لبيب أن المترو يبدأ في مرحلته الأولي من فيكتوريا‏، وهي محطة انطلاق خط ترام الرمل‏ إلي محطة الرمل‏، وهي نهاية الخط في وسط المدينة‏ حتى منطقة سيدى بشر بطول 18 كم.

بغض النظر عن الكنافة بتاعة الخبر كما هو معتاد مع مصراوي..هيبتدي منين وينتهي فين المترو ده، والـ 18 كم دول بين أي محطتين...عنوان الخبر في مصراوي إنه بين فيكتوريا وسيدي بشر وإنهم برضه 18 كم...يعني حاجة تشل

المشاركة الأصلية كتبت بواسطة gassarian

الكلام ده على أساس شارع ترعة المحمودية ده بيربط ايه بإيه؟؟؟؟

يعني لو إنت جاي من فيكتوريا وعاوز تروح سيدي جابر والدنيا زحمة تطلع على الساعة ثم جميلة بوحريد ثم الترعة وتدخل من سموحه أو شارع النقل والهندسة بعد كوبري الناموس تلاقي نفسك عند سيدي جابر...محور ده وللا مش محور؟؟!!..اعترض بقى

**viper911s** · 09-07-2010 11:02 PM

ههههههههههههههههههههههههه ههههههههههههههههههههههههه ههه
الدنيا خربانة خاااااااااااااااااالص
ههههههههههههههههههههههههه ههههههههههههههه
ربنا يعمر بيتك يا الى فى بالى

**shaddadfalcon1** · 09-07-2010 11:14 PM

احمدك يارب
انا في سيدي بشر قبلي وفي واحد صاحبي في فيكتوريا وكنت باخد 10 دقائق مشي - دلوقتي هاخدها في المترو

**goge** · 10-07-2010 12:13 AM

و الخط ده ان شاء الله هيخلص امتى

**shaddadfalcon1** · 10-07-2010 08:16 AM

المشاركة الأصلية كتبت بواسطة goge

و الخط ده ان شاء الله هيخلص امتى

غالبا سنه 200090
ادعي بس ربنا يدي سيادة الوزير طولة العمر وبصوت عالي نقوله
طويل العمر يطول عمره ويزهزه عصره وينصره علي من يعاديه

**Ahmed Selim** · 10-07-2010 11:46 AM

مبروك على المترو............ده أنتوا هتشوفوا أيام سوده على ما يخلص :)

**Ghamrawy** · 10-07-2010 03:04 PM

الله
الشوارع حاتتحفر تانى
انا مبسوط جدا
بغض النظر عن البهدلة
هو دلوقتى مش فيه مشروع مترو انفاق من محطة مصر لغاية برج العرب ؟
يعنى المفروض المترو الجديد من فيكتوريا لغاية محطة مصر ؟؟
لخبطة