ايهما افضل السيفيك vti
ولا فيات برافو اخر وافضل فئة ليها
عرض للطباعة
ايهما افضل السيفيك vti
ولا فيات برافو اخر وافضل فئة ليها
بصراحة الاختيار صعب بس البرافو جاذبيتها اعلى
انا بصراحة عاشق الهوندا سيفيك ..
تمشى شبابى و تمشى عائليه .. ثبات رائع و عدادات جذابة .. قاعدة عجلات طويلة جدا ..
و بصراحة كفاية الوكيل بتاعها ...... أكثر من رائع و بدون اى إستغلالات ولا إشتغالات و قطع غيار منتشرة و مش مبالغ فيها و كمان لو من هواه التظبيط فا تلاقى ليها تظبيط جوه و بره التوكيل .. فعلا جامد جدا .. أنا كنت بعمل صيانة ليها مرة و بقول لمهندس الصيانة انى قلقان من وطيها و المطبات .. قالى تعالى معايا , و دخلنى للعربية وهيا بتتعملها الصيانة و قالى اتخبطت فين بقه ؟؟
و قالى ان العربية من تحت مقفولة و ان اى صدمات فيها من تحت بتكون فى الغطاء ده و فعلا المواد اللى بتستخدم فيها من تحت جامدة جدا و عشان كده العربية مميزة رغم انها مش عالية , و على فكرة ارتفاع السيارتين متقارب ..
بصراحة انا بعشق الهوندا ..
ايوة انا قصدى 150 حصان
اخر فئة
bravoooooooo for ever
ايه دا العربيه وهم بلذات ال 150 حصان !
لو مش فارقه معاك ماحه الشنطه يبقى برافو
مع ان شنطه البرافو مش صغيره
لا يا باشا البرافو التربو ال 150 حصان حاجه والسيفيك حاجه فى فرق كبير بينهم وعلى فكره السيفيك مش 140 حصان اقل من كده مش زى ما التوكيل قايل
ومعلش مش عاوز اقول بس مفيش وجه للمقارنه اصلا
عربيه ديه تشد مع بى ام و فولكس و اوبل
الوحيده الى هتسد معها الجولف 1400 تربو 160 حصان
معلش السيفيك ممتقرنش مع البرافو ممكن مع اللينيا امال البرافو صعب اوى وانا مبقللش من السيفيك هيا كويسه وكل حاجه بس مش زى البرافو
طيب حضريك السيفيك اللى انا
بتكلم عيها دى vti
اللى هى 176 الف الاثنين فى مستوى واحد
باشا البرافو احسن ادائها احسن تسارعها احسن سرعتها القصوه احسن والثبات الاتنين كويسين والفيات برافو انا ركبتها خامتها حلوه جدا جميله عفشتها كويسه ناعمه
البرافووو تكسب على طووووووووووووووول
برافو طبعا و هى مش فكره سعر الفكره انت بتأخد ايه قيمه قصاد السعر و على فكره هو كتير على هوندا 170 لو مش فارق معاك المانيوال يبقى برافو طبعا و بدون تفكير و اركب العربيه و شوف كميه النضافه اللامتناهيه
طبعا البرافو .. مافيش كلام .. و علي فكرة شنطة البرافو 400 لتر
[/color][/size]
كلام سليم .. بس احب اضيف
يا جدعان الأمور فيها عدة اوجه للمقارنة .. يعني ماهو البرافو دي مش تشد .. دي تقطع بي ام و فولكس و اوبل 1600
بس فيه حاجات تانية فيهم بره موضوع الأداء
لكن عموما .. البرافو 100-100
حلم حياتي البرافو و موتور الاسطوري
و مفيش وجه مقارنة بين سفيك vti و برافو 150 حصان نهائي
البرافو تطحن
بس انا رأيي ان العربية دي عشق خاص
يعني حتى لو مش حابب احسن عربية اشتريها عشان تحافظ عليها و تبقى حابب تركبها لان في الاخر انت الى هتركب و احنا مجرد اراء
و واضح من اراء الناس كلها ان العربية اللى انت حاببها مش احسن من اللى انت حاططها مقارنة معاها
فا الاختيار هنا ليك انت و السيفيك عربية تحفة طبعا لا غبار عليها نهائيا
و ربنا يوفقك لما فيه الخير ان شاء الله
مشكوررررررررررررر
هو السؤال ..ابه اللى فى سيفيك مش موجود فى برافو؟؟؟
مع كامل احترامي لكلام الاخوة كلهم حدد احتياجاتك من العربيه لان العربيات مش شد و خلاص حدد اوجه احتياجاتك و الاخوة بقولوا مين فيهم احسن و اوحش لان لو الاتنين مفيش مقارنه بينهم زي ما البعض تفضل و قال يبقي مينفعشي يبقوا في نفس الفئة السعريه لان كدة الهوندا مش هتتباع و كله هيشتري البرافو
اما عن رأيي لو انت مش فارق معاك اعادة البيع و وسع العربيه الداخلي يبقي البرافو افضلك لو محتاج عربيه تنفع عائلي و كمان تمشي شبابي و شيك و استايل برضة يبقي السيفيك
افضل سفك فهي اقوي محرك في فئتها و شكل و ثبات و جروده تصنيع ممتازه و مش بتخسر كتير فيها و ليها زبونها مش هتنام عندك يعني
اما البرافو تربو و مشاكل و مصاريف التربو و عربيه مش بتتباع و قطع غيار نار و توكيل سمعته سبقاه الحقيقه فيات لا يحبز شرائها في مصر و خصوصا انك بتقرنها بعربيه تحفه فنيه و هي سفك
لكن من حيث الاداء برافو افضل لانها تربو و ده هيكون ظلم لسفك لان اصلا ميمفعشي نقارن موتور بتربو ادام موتور استوك عادي!
اقوى موتور ازاى يعنى ؟.منين؟ و بعدين شوف يعنى ايه تحفه فنيه و اركب برافو ..معاك التوكيل نيله بس العربيه تستاهل و التوربو ملوش مصاريف زى ما انت فاكر هو بنزين 95 بس مش موضوع يعنى و اللى انت متعرفوش انه الموتور ده اول صيانه ليه بره مصر بعد 15000 كيلو يعنى العربيه معموله علشان تستحمل و كميه الاوبشنز اللى فى البرافو اكتر كتير من السيفيك و موضوع قطع الغيار ده عادى لانه هتلقيه ارخص من الجولف tsi اللى هى المفروض المنافس ليها.
موتور جبار علي اي حد الباسات بتطلع منه بطلوع الروح!
حضرتك بتقول توكيل وحش بس عربيه تستاهل اوك انا بقا انزل اشتري الفا روميو و اقول توكيل وحش بس عربيه تستاهل و علي حد نظري اقل عربيه في الفا برقبت البرافو!
و التربو طبعا ليه مصاريف كتير و خش قسم فيات و شوف الزيت و البوجوهات و الفلاتر بتاعت التربو بكام و العادي بكام هتلقيها اضعاف
و طبعا شركه فيات شركه كبيره و جوده تصنيعها عاليه جدا بس اي تربو في العالم عمره الافتراضي 100 الف كيلو و بعدها بتقل كفائته
و لو كان تربو البرافو جوده تصنيعه عاليه جدا فمن باب اولي نتكلم عن الايفو الي في مصر الي موتورها بتربوهتها شيعت من قرصه زياده علي العربيه و دي عربيه رياضيه يعني جوده تصنيع محركها عاليه جدا فما بالك بالبرافو لو فضلت تحرق و تقرص عليها كتير ايه الي هيحصل
و سفك معروف انها سياره تفتقد دائما للرفاهيه و هذه من اساسيات السياره الرياضيه ضفيره نور ضفيله عداد و قشطا علي كدا:b4_039:
و حضرتك بتقول قطع الغيار عادي لو قورنت بجولف طب ايه الي دخل جولف في الموضوع اصلا مش فاهم! احنا بنقارن بين سفك و برافو و طبعا قطع غيار سفك ارخص و جوده تصنيع مماثله
و فين سعر اعاده البيع في الكلام ده كله خش اي موقع بيع سيارات و شوف الفيات بتتباع بكام فيها بتراب الفلوس
العربيه ممتازه لكن عيوبها كلها قاتله ولا تحبب في مصر نهائيا لان العربيات المحترمه كتير جدا لكن الي بيقيدنا قطع غيار و صيانه و سعر اعاده بيع و دول كلهم مضروبين في فيات!
بص يا باشا انا بحب هوندا جدا بس لايمكن العين تعلا عن الحاجب صح
وعلى فكره قطع غيار الهوندا فى السما وتقريبا زيها
ولو حضرتك بدور على قطع غيار روح اشترى كيا بقى ولا هيونداى امال واحد هيجيب عربيه فوق ال 160 الف جنيه مش هيقدر على قطع غيارها والى مش هيقدر يجيب قطع غيار الفيات يروح يركب النترا ولا حاجه اه عادى تتقلب منه مرتين تلاته ياعنى مش ازمه ياعنى بس قطع غيارها عند ميكانيكى وهقولك على حاجه فيه مثلا الى مسقش اى عربيه اوروبى عمره ما ساق عربيات
طبعا غير ال 128 الى فى مصر لاغيت سنه 2007 الى اتوقف انتجها سنه 80 تقربيا
وانا واحد معاه اوروبى ويابانى وعارف الفرق اه طبعا اليابانى جميل وناعم وحلو وفيه كل حاجه وقله اعطال بس الاوروبى ليه مذاقه الخاص وله متعته الخاصه بس الى معاه اسيوى و اوروبى يعرف كده ويكون معاه بقالهم فتره
هيحس فعلا وانا لو الاتنين قدامى لن اتردد فى شراء البرافو عشان عربيه اقل مقارنه ليه مع الجولف اقل من كده مفيش مقارنه اصلا
بغض النظر عن فكر الطلوع من اى حد علشان دى ملهاش اى اساس من الصحه معلش
تانى حاجه حضرتك بتتكلم عن التوكيل الوحش و دى انا مختلفتش معاك فيها بال فكره انه الوكيل فى اتصال معاه و مش بيطنش اقل من توكيل هوندا بس احسن من منصور
تالت حاجه مصاريف التروبو تانى!! ما انا قلت لحضرتك ده موتور tjet اول صيانه ليه بعد 15000 و بيتعمل الزيت زى اى عربيه جديده و يمكن اقل و بعدين بوجيهات ايه ؟؟ مش حضرتك دى بتتغير فى مواعيد صيانه طبيعى ولا بتتغير مره كل اربع ايام؟؟
و حضرتك بتتكلم عن انهى ايفو بالظبط عندك يوكو فى قسم فيات معاه لينيا بنفس موتور الفيات ال 120 الtjet و زى الفل ما شاء الله
حضرتك بتقول ايه دخل الجولف..علشانم اصلا الفيات نازله تنافس جولف مش سيفيك اولا السيفيك سيدان و البرافو هاتشباك و تانى حاجه قوه الموتور اكيد اكبر و فيها ظلم للسيفيك و 120حصان و 150 حصان و البرافو اخف فى الوزن ..اظن فيها ظلم كبير للهوندا
هى مش نظريه قطع غيار مين ارخص من مين حضرتك لما بتجيب عربيه غاليه المفروض انت عارف انه مينفعش معها قطع غيار عربيه كارو لان دى الرفاهيه والاداء بكون مقابلها فلوس
نجى لفكره انه السيفيك رياضيه؟ دى جديده و بعدين انا واحد و اظن فى ناس كتير معايا فى الموضوع ده انه لما اجيب عربيه تعدى 170 انا متوقع درجه معينه من الرفاهيه مينفعش اتنازل عنها علشان العربيه رياضيه ده طبعها بفرض انها رياضيه و ده امر مشكوك فيه مش لمجرد انها اقل ارتفاع على الارض
نتكلم عن النقطه اللى بتغظنى انا شخصيا اللى هى اعاده البيع بتحسسنى انه واحد رايح يتجوز و بيفكر هيطلق امتى!!! عموما هو برضه اللى بيفكر فى عربيه كده مش بحط موضوع اعاده البيع ده فى دماغهو مش علشان انا فى بلد ماشيه بالعكس افكر بالعكس و لز حضرتك بالتفكير ده يبقى سيراتو وش او لانسر زى ما حضرتك راكب و ده المنطقى و العقل السيراتو 126 شكلها جميل و منتشره و قطع الغيار بتنزل و اعاده البيع احسن من السيفيك طبعا و نفس قوه الموتور تقريبا انما اللى بيدور على عربيه زى برافو تفكيره مش فى كل الكلام ده و نظرته للعربيه مختلفه تماما يا ريت تكون فهمت قصدى
تمام يا مان و هي المقوليه الي مركبشي الماني يبقا مركبشي عربيات مش اوروبي:Ob_mak1[1]:
انا جربت غالبا كل الانواع المنتشره في مصر من مرسيدس لهيونداي و طبعا عارف الفرق الشاسع بين الصناعه الاسياويه و الاوروبيه
كلام كله جميل و الحقيقه مقدرشي اعقب علي حاجه فيه الا اني لو معايا الفلوس دي هيجيب جولف لاني من عشاقها بجنون و دي بردو وجهات نظر
الحقيقه اول مره اشوف واحد بيلعب علي نفس نقاط الضعف الي انا بلعب عليها انا حاسس اني بقرء رد انا الي عمله مش انت ولله
بغض النظر عن فكره انها بطلع من اي حد !!!!!! غريبه اوي دي ولله حضرتك مشفتش سفك بتجري ابل كدا ولا حاجه؟ ياريت بس تسأل اي حد بيعمل ريسنج و بيجري و كدا و قول له ايه رائيك في السفك داخل السيارات الرياضيه و شوف هيرد يقول ايه انا قلت الباسات بتطلع منها بالعفيه و انا مشفتش ده ادامي و ممكن يحصل العكس اصلا!
و انا مالي انا بردو بمنصور انا بكلم علي هندا و فيات ايه دخل شيفورليه و اوبل في الموضوع! انا بقول لحضرتك توكيل هندا افضل تقول لي اه نقول دي نقطه لصالح هندا:biggrin2:
و بردو قلت لحضرتك خش قسم فيات و شوف مصاريف التربو و انه بيربطك بالتوكيل ديما لان ملهوش صيانه بره و عن البوجوهات حضرتك مش ملاحظ انها عربيه رايضيه يعني اغلب الي هيجبوها شباب يعني البوجوهات مش كل فتره ولا حاجه دي ممكن تتغير بصفه شهريه لانها طبعا هتكون مجهده جدا من كتر الحرق و الجري و ياريت اصلا الموضوع يقف علي البوجوهات بس! و خش قسم فيات بردو و دور
ما طبعا العربيه زي الفل و عمرها ها هتقول بم مادام بيحافظ عليها و راجب عربيه صيني ولا حاجه(مع احترامي لاصحاب الصيني)دي فيات اخت فيراري بس انا لو تلاحظ في كلامي للأستخدام الشبابي مش هتعمر انت لو شفت احنا بنعمل ايه في عربيتنا هتصعب عليك العربيات اصلا فما بالك لو فيها تربو هلاقي قجئه ريحه شياط و اشطه تربو طار دا هو الي انا مرعوب منه مش عارف لاني مجربتش العربيه او مشفتهاش في ايد ناس كتير و شكرو فيها بعد سنين خدمه كتير لاني لو معايا جولف تربو الحقيقه مش هخاف عليها لاني بثق في فولكس فاجن ثقه عمياء
عارف ان طبعا برافو -جولف-ليون-ابيزا سابقا-و 113-هوندايi30 تحب اكمل لك المنافسين؟ احنا مش بنعمل مقارنه في موضوع لوحده احنا بنقارن بين عربيتين بنقول نشتري انهي مش ايهم الافضل كمنافسين في فئه واحده مثلا!
و كمان لو تلاحظ انا في الاول قلت ميمفعشي نقارن بين المحركات لان دا تربو و ده عادي و طبعا سيراتو ايه بس الي تحمل نفس القوي سفك 125 مثلا صافي اما سياراتو 124 بالدهن هههههه اظن انت عارف الكلام ده كويس لو قسنا الموتور بكامل مستلتزماته في السياراتو مش هطلع 110 علي بعضهم
ممكن السياراتو تفرق سنهمن الصفر للميهلكن بعد كدا السفك هتفتح طبعا
و كل سيارات هندا زي ما قلت لك ابل كدا تحمل طابع رياضي بحت سفك طبعا سياره شباب حتي اكورد ليست فيها نصف الرفاهيه الي في سيارات فئتها بس شوف ثبات و عفشه و موتور شكلهم ايه ال530 بتخاف تطلع ادمها!
عن موضوع البيع فا طبعا لازم يكون في الدماغ افرض الراجل اتزنق افرض اتخنق و عاوز يغير يخسر اكثر من نصف ثمنها
و هو لا سياراتو لا برافو لا القمه لا القاع ما السفك في النصف و عربيه محترمه جدا مش عارف انت مضهضها ليه و الفنتزيا تحفه و الجتا خرافه ولا باسات هاي لين يوزد
الخيارات بالعبيط ليه متمسك بالبرافو مش فاهم عربيه محترمه اه بس مش في مصر دي ليها نسها الي بيقدروها
و انا عارف ان الشعب المصري طبعا ماشي غلط بس هنعمل ايه هنغيره ازاي لازم احنا الي نتكيف مع الشعب مش الشعب هو الي يتكيف معانا انت الي عايش مع الشعب مش الشعب هو الي عايش معاك
و اخيرا احب اقول لك العربيه انا بعد اتفرج علي مشيتها و بتفرع علي يعني ايه عربيه يعني ايه صناعه ايطاليه عالم تاني ولا لما اشوف طبلوها مره بالحظ:B4_592:برجع اكون عاوز اولع في عربيتي لكن نفس الكلام بعمله لما بشوف الفا روميو معشوقتي و في النهايه انا امتلك لانسر اليبانيه مش اي واحده من دول مع اني كنت اعرف اجيب الفا يوزد بس وبعدين بعد ما اجبها صيانه فين و ازاي و بيع فين و ازاي!
زي ما قلت لك العربيات المحترمه كتير لكن شعبنا مش بيقدرها اخره يشتري سياراتو دا هو الي فالح فيه لكن العربيات دي بيقولو لا بلا وجع دماغ لان اغلبهم ليس لديه تزوق للصناعات
اسف جدا علي الاطاله انا حاسس انك هتنام و انت بتقرء الرد ده سوري
تقبل تحاتي
وشكرا
انا هرد ويا ريت ردي ما يدايقش حد نبتدي الاول العربيتين وبعد كده هتكلم عن التربو
التوكيل: سيفيك وإن كان توكيل فيات في تحسن
موتور: برافو ويا جماعة العزم هو الأهم من القوه الحصانيه وعزم البرافو كاسر ال200 بشويه حلوين والسيفيك 160 تقريبا مش فاكر بالظبطت
الثبات:السيفيك لإن البرافو عاليه لكن لما بتتوطى البرافو ثباتها أعلى
الخامات:مش فارقة
المساحة الداخليه: قدام البرافو ورا السيفك مريحة أكتر وإن كانت البرافو مش ديقة بس مش مريحة
الشنطة: السيفيك أكبر لكن البرافو كبيره جدا 400 لتر
الكماليات: البرافو بإكتساح
قطع الغيار:الإتنين غاليين ومش موجودين بره التوكيل بسهوله
مش فاكر أي نقاط تانيه
نيجي بقى للتربو
نفسي أعرف مين طلع إشاعة إن التربو يعني مشاكل يا جماعة ده جي من المصنع مش متركب عند الأسطى فلان في الحرفيين ولا إيه الكلام
اما كل شويه بوجيهات وبتاع فالبوجيهات بتتغير على ال30 ألف وفلتر الهواء كل 20 إلا لو بتخش في تراب كتير زي حلاتي
ولو حد شاف سواقتي العربيه هتصعب عليه من جري وحرق وكيك داون وبهدله
والي ضحكني أكتر إن فيات فيه مشاكل وخش شوف يا ريت تجبولي عيب واحد بسبب التربو
وكنت هموت من الضحك لما إتقال إن الجولف التربو مفيهاش مشاكل عشان بيثق في فولكس فهل ده معناه إن فيات شركة لا تستحق الثقة!!! (ما الفتيس الdsg طلع فيه مشاكل) مفيش حاجة إسمها ثقة عمياء
أما حكايه إن السيفيك أسرع فأحب أقولك إني طلعت من السيفيك بسهوله بمتوري ال120 حصان فما بالك بال150! وطلعت من الباسات والجولف ال1600 وال316 وال318 وال320
وال320 بتبتدي تثبت معايا بعد ال140 قبل كده بفرق عنها جامد
أما الزيت فالعربيه زيتها زي زيت أي عربيه وبتاخد أقل من 4 لتر وزي ما إنت شايف كل الحاجات بتتغير على حسب ال كم ملوش علاقة بالتربو
وأحب أقولك إن الدسكات والتيل بتاع الفرامل بتاع الألفا روميو ال2000 سي سي يعني فرامل قويه جدا
أنا أجيب البرافو بدون تفكير
الله ينور عليك
وقد نزل علينا الخبر كالصاعقة :)))))
متنساش البرافو منيوال والCivic اوتوماتيك (نقطة مهمة جدا)
اللي جي ده كله أذواق
البرافو هاتش باك (شبابي و رياضي, شنطة صغيرة بالمقارنة مع Civic) والCivic سيدان (شيك وشنطة اوسع)
برافو أداء, Civic عملية
شكرا
شكرا
شكرا
فعلا نسيت حكايه المانيوال والأوتو بس قلت أكيد الي بيقارن عارف الحكايه دي
بس متنساش دبرياج الفيات كله على زيت (ماستر) مش سلك فناعم جدا عن الدبرياج العادي
الجزء الاول تمام كله يا مان و حليت مشكله كنا هنعد فيها سنين
حضرتك الفلاتر و البوجوهات بتاعت العربيه التربو اغلي بكتير من العاديه
و حضرتك ياريت تقول لي العربيه كام كيلو معاك؟ يعني هو مطلوب مثلا انك تخدها تعد بيها 5 ولا 6 شهور و التربو يبدء يتكلم!! لاط بعا دا علي المدي البعيد انا قلت بعد ال100 الف كيلو بتقل كفائتهاا و مع الحرق و الجري طبعا مش هتكملهم
و كمان مش عارف ولله حضرتك مستغرب ان التربو يبوظ ليه انا شايف ادام عيني c180 نفسها و الموتور اعد يلعب جوه الحوض يعني قواعد موتور و صوت الموتور نفسه في الضياع دي مرسيدس لما شاب اقفتري عليها حصل ليها كدا و هي موتور استوك فما بالك لما يكون تربو!
و عن المحرك طبعا زي ما قلت ابل كدا دا استوك و ده تربو ميمفعشي نقرنهم ببعض زي ما ميمفعشي نقارن 4*4 بسيدان!
و عن الثبات علي حد نظري برافو هاتش باج و سفك سيدان يعني البرافو الفمروض اثبت و وزن العربيه و نظام التعليق هو الي هيتكلم في الحته دي
و انا بقول انا بثق ثقه عمياء فيفولكس لاني مجربها و مع كتير من صحابي لكن فيات لم نتعامل الا مع 128 فيها هي دي النظريه بس الي نسمعه فيات الجديده جامده غير كدا منعرفشي عنها اي حاجه
حضرتك موتور 120 حصان منيول و وزن طبعا خفيف جدا بالنسبه لسفك و السفك اوتو و انت تربو و هي استوك طبعا لازم تطلع منها و من الباسات و مش عارف ايه الي دخل الجولف في الموضوع بس ماشي هي و الجتا اصلا ملهمشي في الجري مع اي حد بس عموما طبعا هتطلع من كل ده بس اظن ان ال318 كان نايم علي نفسه شويه و هو بيشد معاكممكن ماشي لانه اوتو انت تعدي ل160 كمان بس بعد كدا خلاص الطريق ملك لل136 حصان:Ob_mak1[1]:
و تشكر اوي ال320 انها تقوم معاك بالواجب كدا و انت تربو و هي استوك
انا مش عارف انت بتقول الكلام ده ليه بسم الله ما شاء الله انت تسارع في 9 ثواني و سرعه قصوي 205 دا كلام الشركه يعني اكيد انت بتاخد منها اداء افضل بكتير يامان ربنا يبارك لك فيها عربيتك ثور و انت عارف كويس اني كنت عاوز اجبها لكن خوفي كله من اعتماديه التربو و مش هنحكي و نعيد و نزيد
موتور استوك احرق و اجري
موتور بتربو احرق و اجري
ايهم صاحب عمر اطول او ايهم ثيحافظ علي كفائته لفتره اكبر
طبعا الاستوك لان التربو مهما كان من شركه عملاقه زي فيات مسيره يجيله يوم و تبدء تقل كفائته
و كمان انا سمعت عن ميمفعشي اعلق علي سرعه كبيره لفتره لاما التربو هيطير و الحر بيأثر علي التربو و حجات كتير جرهتني فيه و الحقيقه معرفشي هي فعلا ح ولا لا لكن الي اعرفه موتور استوك قدره حصانيه متوسطه احسن من موتور صغير و قدره حصانيه عاليه و في النهايهدي بردو وجهات نظر
By 2020, It's Predicted That 70% Of The Light Vehicles Worldwide Will Be Boosted By Turbo Technology - Case Studies - News & Events - Honeywell International
الناس كلها تتجه للتربو عشان إستهلاك البنزين و قلة الإنبعاثات
عجبتنى اوى حكايه اللى موتور اللى بيلعب فى الحوض دى ..هو سمكه؟؟ بص انا هفهمك معلومه بالعقل كده علشان انت ماسك فى البوجيهات و الفلاتر و التروبو اللى عمره بيقصر ممكن و ركز فى ممكن دى ان الكلام ده يحصل لما تبقى مركب كيت التوربو على العربيه تمام..الوضع مختلف جدا لما يبقى الموتور نازل كده لانه معمول حساب الاستهلاك فى التصميم و عموما التوربو مش اختراع جديد يعنى و موجود فى الطيارت من الاربعينات يعنى قتل بحثا و تطوير و متبنيش كلامك على الاختراعات اللى بنعملها هنا لان الدنيا كلها ماشيه فى اتجاه المواتير الصغيره اللى فيها توربو معتقدش كله عامل حسابه انه العربيه تترمى بعد 100 الف علشان الكفاءه بتقل و عموما متوسط عمر اى توربو فى الدنيا 200 الف مش 100 الف زى ما انت بتقولو تقدر تتأكد من المعلومه دى على google او wiki و دى عموما مش وجهات نظر علشان دى مش فلسفه دى هندسه و العمليه كلها حسابات و ارقام و ده تطور طبيعى للمواتير بتعمله كل السركات فى الدنيا و مش كونه اختراع عندنا يبقى نتكلم بالطريقه دى انت حضرتك بس كده ادخل حتى على يوتيوب و شوف اى حاجه و متعتمدش على السمع بس علشان كله ماسى بنظام انا سمعت و واحد قربيى عنده واحد صاحبه جوز خالته بقى سمع من بعيد كذا و طلما احنا بننصح حد يبقى نوجهه مظبوط مش مجرد اثبات وجهات نظر..شكرا