سعر بولو فوكس 1300 بدون تكييف دواخل فبريكة

**amrhady** · 09-07-2010 08:08 PM

عندي بولو فوكس 95 1300 كاملة بس تكييف مش شغال, تجيب كام؟

العربية فبريكة دواخل محتاجة رش برة للنضافة, و شوية سمكرة بسيطة. من جوة محتاجة شغل سروجي,فرش , وممكن تحتاج تغيير اسطوانة دبرياج. عاملة 210000 كم.

بالنسبة للتكيف انا معتبره مش موجود لأن تقريبا الكومبريسور بايظ. أعتقد العربية فيها شغل بحوالي 3000-3500 جنية. اطلب فيها كام؟

**M.Mostafa80** · 09-07-2010 09:46 PM

هو طبعا ربنا يباركلك لأنك أمين مع نفسك ومعترف بالمشاكل اللى فى العربيه
أطلب 32 ولو جابتلك 30 كويس ولو جابت 28 بردو كويس
الكمبروسر بيعمل فى حدود من400الى 500 والسمكره والدهانات عشان تبقى معقوله فى حدود 2500 والفرش والصالون عشان يتظبط على وصف حضرتك من 500 الى 750 جنيه يعنى هنقول فى حدود 4000 سعر العربيه فى السوق حاليا للأسف تعمل 32 أو 33

**meladadel** · 10-07-2010 03:02 AM

الله ينور يا محمد وفعلاً لحد 28 بيع وربنا يرزقك بأحسن منها جابت اكتر من مدة يبقى رزقك

**amrhady** · 10-07-2010 03:09 AM

الف شكر يا جماعة

**elshrpeny** · 14-07-2010 06:53 PM

سؤال بس ملوش دعوى بالموضوع
هو لو عربية بولو موديل 98 او 99 بنفس الحالة تفرق عنها كام ؟
وهل الفرق دا عشانها بتختلف فى الامكانيات ( سواء ماتور او عفشة او شاسية ) و الصالون و الكماليات ولا إية ؟

**M.Mostafa80** · 14-07-2010 10:19 PM

لو موديل 98 99 مكيفه وباور وسنتر فابريكه وحالتها جيده تعمل 38 و39 لكن لوتكييف مش فابريكه يبقى 35و36 والحاله تفرق بردو لأن فى الحاله دى لا هيبقى فى باور ولا سنتر

**elshrpeny** · 19-07-2010 02:38 AM

أنت مفهمتش قصدى برده يا محمد !
أنا قصدى العربيتين واحد فى كل حاجة ولا بينهم أختلاف , يعنى حتى لو أفترضنا أنهم واحد فى الحالة بالظبط , بتفرق فى إييييييييييييييه ؟
هل مثلا المواتير تقنية مختلفة او الشاسية أختلف شوية مثلاُ كدا يعنى