الموضوع: ناوي احجز لوجان ان شاءالله حد ينصحني بحاجة

ايه الصحرا دي يا جماعة ما حد يعبرني طب حد يقول مبروك اي منظر طيب

مبرووووووك يا باشا
انصحك بحاجه انا عملتها و ارتحت
نفض لكلام الناس الفتايين خالص خصوصا الناس القديمه
هتلاقيهم بيقولوا اساطير عن الفرنساوي سيبك منهم
عايز تاخد معلومه صح و عن تجربه و دراسه خدها من هنا
اديك مثال حوار بيني و بين الميكانيكي بتاعي القديم
لقاني ماشي علي رجلي قدام الورشه ((علما باني كنت كل يوم عنده بصلح))
الميكانيكي:ايه يا باشا فين عربيتك ((رزقه)) دي كانت عربيه الماظ (131 القديمه بتاعتي))
انا :لا والله يا احمد خدها صاحب نصيبها عشان زهقت
هو :طب و الله كويس جبت و لا هتجيب ايه مكانها؟؟؟
انا :ان شاء الله رينو الجديده اللي بيعلنوا عنها
هو ووشه قلب الوان :رينوووووو و بيعلنوا عنها مشفتهاش خالص ديه !!!!!
انا :رينو لوجان يا احمد اللي بتطير و بتمشي عالحيط
هو :اهههههههههههههه ليه كده يا باشا دي مبتعمرش و اعطالها كتير دانا شفتها و شفت الحوض معجبنيش ((علما ان انا من اوائل الدفعات اللي استلمت الشكل الجديد و عمري ما شفت الشكل القديم هنا))
قلت في بالي مش من شويه مكنش عارفها ايه ده !!!!!!!!
انا :ليه يا احمد بس دي حلوه و عجباني جدا ايه مشكلتها
هو:مبنعرفش نصلحها
انا :يا احمد دلوقتي في توكيل و مش هجيلك تاني اصلا
((مع ان العربيه باينه من حوضها مفيهاش اي تعقيد او فن و اي حد بيفهم هيصلحها بس التوكيل اضمن طبعا ))
و مشيت و سيبته

اهم شئ لا تتردد و توكل على الله اللوجان باذن الله عربية جميلة ما شاء الله لاقوة الا بالله
يمكن تقرا عنها بعض مشاكل لكن هى فى الاول و الاخر مجرد مشاكل بسيطة ليها حل ان شاء الله
رغم ان دفعات 2010 ما شاء الله تقريبا ما فيهاش عيوب الا بسيط
ربنا يحفظ اللوجانية ... و الف مبروك مقدما

عربية ممتازة بس خد بالك من الصاج